DANIEL 3:28 - Allah Wene Fano Wene Hupla Inane

²⁸ A'nogo isasukwasik, at raja nen mel isikhe: ”Allah Enupogot Sadrakh inom, Mesakh inom, Abednego inomen fogeratarek mene andiat fogerati logouwogo. It he afuni nen, Nineisena ebe yi aro, iluk fogeratarek mene andi fogerasu inabit logolik, we it ineisena Allah it fogeratarek mene andi nek fogerasugun iluk inendawinggen at oba himbiret fuluk logolik, Ninebe ninoasugun halok fano aro, iluk an nen wene ero wulafi mene herakfisagama, wene inoba figi meneat he, At Allah nen amingmingengge inebe henagan aremnogo faget agoromi malaikat mene ekhe inoba lakfei wagasik it inebe telinafe andi.

DANIEL 3:28 ပူးပေါင်းရင်းမြစ်များ

KEJADIAN 9:26

Sem eisena Allah enupogot andi fogerati logouwago. Kanaan ebe re, Sem inom, Yafet inom, emberek inamingmingengge hilinglasuago. Nen, Yafet he, at Allah nen fano mene hokhorogo wogeti logolik, o longgo hokho mene wogosuago. At Yafet en tagongge mene inom Sem en tagongge mene inom misik kwe logouwago,” iluk homan figik, fanorinafik, isikhe andi.

1 TAWARIKH 5:20

It ap weim yafu aple inelu mondok welagaikhe inap andoma nen he, ”Allah nineisena, Haren lebetnisan o,” iluk kino yagatukwama, Allah nen he iren yagatukwa mene a'nogo higithogo esanggo holhikhesik he, it ap Hagri inap inom, it fena inebe misik sebe iluk inebikhit weim yabi kwi waga lagaukwa mene omanogo inom, inoba inomame leget fisasikhesik he, inalonget fisasikhe.

2 TAWARIKH 20:20

A'nogo hilingitukwasik hubet o weigiluk ugu kwelek, it afuni a'nogo wulibi lagaukwasik he o Tekoa horokhogo leimo omanogo lagaukwa. It lagunem he at Yosafat en wene inoba fikhi logolik he, yi'nogo yagaisasikhe, ”Yago hit afuni Yehuda mene inom, nen Yerusalem mene inom, hit logoin mene andi ambisangma fano agunem hogoin enggere, hit hineisugwi nabi nen yagahisaga mene andi furogo wanino. Nen, it hinaselei mene wagu halok hinendawinggen hambukhogo logobagaigen he, hit hineisena Tuhan Allah ba hinendawinggen tibet feino!” iluk yagaisasikhe.

2 TAWARIKH 32:21

A'nogo samban isukwama re linggene misik sambul he, Tuhan nen it afuni Asyur mene inogogwi perwira omanogo inoasuageluk malaikat misik ekhe lakfei wagaikhemo re, mondagat inoasi wagaikhe. It a'nogo inoarik lagunem he hun raja a'nogo enggali mondok hokho mene agaikhesik he, aiba o Asyur omanogo ambotkwe lagaikhe. Oba nen he linggene misik sambul ekhe re at alegenek anggembu aiba omanogo kwisikhesik were'ma nen he, at onggwarek againafuri inebe fenakwe ekhe wagaukwasik he at ebe karok oba pinggi watukwa.

EZRA 1:3

Andi nen he, At Allah againafuri hilinglagagip mene andoma re, hineisena Allah nenat fethinarek logouwago. Hit At againafuri mene andi re, ineisena Tuhan Allah o Yerusalem welagarek mene andi, Awi wusubagaigen he, hinambotkwe o Yerusalem lano o.

EZRA 6:11

An nen, yi'nogo wogisikhi logoino, iluk wene yagahisigi mene andi sa nen esanggo hologo hilingite lek halok he, at andi awi ebe werek oba andi mene langoak misik ekhe henogo waluk he enggat merenghogo kabelogo at onggwarek ebe agaukwe tiaganhogo wa'no. A'nogo watfuluk he, at awi ebe werek oba andi re meisalogo potfisugunem he ologoilong engge obalik he andoma hugesi laga logogun o.

MAZMUR 103:20

Hit Allah agoromi malaikat hinomame hokho mene, At ane hologo hilingiti lagep mene omanogo hinebe mondogaren, At Tuhan andi nek fogerati logoino.

MAZMUR 147:11

We At Tuhan he it afuni At oba inailorogo logolik hilingitarek mene andi inom, nen afuni Aren endawi hundik hilingninabuageluk oba eberek werek mene andi inom, inoba nek he agaiyek mondok werek.

MAZMUR 33:18

It afuni wene melalek fifurogo hilingiri'lagwi mene inom, nen endawit ninabuageluk oba eberek mondok werek mene inom Aren ferinarek mondok werek.

MAZMUR 33:21

At faget niren ninagaiyegeti logogun, nen At enu mondok horek mene andiba nek ebeti logogun.

MAZMUR 34:22

It afuni weak hilingitarek mene andi re, inaweak hilingitarek mene andiba inebe wa'lasugun. It afuni ekhe nen it ekhe eberogo anggagarek mene inoba inabiret fisugu halok he, wene inoba fisagain.

MAZMUR 62:8

At andi re Allah an nagap telogo nobagagik, legeisogo nobagagik, hilingiterek mene a'nogo o, Allah ebe helep tom hakhogo omamerogo fetnarek welagik, an awe a'ma telogo nobagagik ikherek menere At amu nek werego.

KELUARAN 20:5

An hineisena Tuhan Allah nebe Anatma re, hiren he, yi mene ti mene ekhe at emberek higit, iluk anggogoin mondok nabit andi nen he, tugwi kembu a'nogo ekhe alik waganogo wurogo fembik fogerasugun mondok lego. Afuni an nebe inapsiri mene andi, An nen it inebe inom, iren tagongge mene attak ta'lagik, ombo'ne ta'lagik, hobuk ekhe ta'lagik, huli 4 oba ta'lasugun mene inomat unggum inoba fugu mondok logogin o.

YESAYA 12:2

Eberogo nen Allah andi re an nagap telnaferek mene werek, andi nen he an nen At oba' nendawinggen eberogo himbiret welagi. Aren an nendawinggen hambuget nobagagunem he, an nailo legengge welagi. An nagap telnaferek mene re Allah andiat, At obaget an nen wuni wati logogin.”

YESAYA 37:36

A'nogo lakfesikhemo re hup a'nogoba malaikat Tuhan wulibi wagaikhesik ap Asyur mene inawi sabu sale'ma omanogo wagaikhesik ap sikhe fisogo inap inebe 185.000 nen mene inoatikhe. A'nogo inoatikhemo hubet weirogo re ap warek enek hilinglagaikhe.

YESAYA 50:10

Yago, hit Tuhan legeisogo fikhi lagep mene yoma inom, nen At amingmingengge ane ugunem hologo hilingiti lagep mene inom yoma sani, ebekwe hit logoinkwe hokhorek logolik, hit hinobaget ombak-bak seleget hinafu mene ekhe werek oba nen ogore, hinendawinggen Tuhan oba tibetfuluk hineisena Allah ba himbirik logogun halok he fano o.

DANIEL 2:47

A'nogo yagaisasikhesik, Daniel mel yagatikhe: ”Daniel. Afuni nen hunogo mene faget, Nineisena ebe yi aro, iluk fogeratarek mene andi, elo'lego. Mene re, we hat heisena Allah andi nek he, mondok esin lego mene werek. Ap raja-raja nen afuni inawe a'ma ferinarek welagaikharek mene andoma re, At enggiba nek welagaikhare'ma o. Haren he, wene hinago mene andi, Ebe yi'nogo hilinglasigin mene faget hegenma, iluk fakhogo yaganeten andi nen, Allah nen yi wene ti wene hinago mene fakhogo eberogoat yagaisikhere'ma higi, iluk futfigi o,” iluk yagatikhe.

DANIEL 3:25

A'nogo yagatukwama, at raja nen he, ”A'nogo meneat he, ap inebe enggaminogo mene endu amulok anggelekwe lagik-wagik ugunem yethigi andiri! It inebene mel inagambut mel palek legat welagaikha. Nen it inebe henagan aremnogo werek kwelek he, at ekhe andi ebe afuni nen, ’Nineisena ebe yi aro,’ iluk fogeratarek mene hangge were'ma higi aro,” iluk yagaisasikhe.

DANIEL 4:34

At Nebukadnezar a'nogo hilinglagaikhesik welagaikhesigen, hobuk mel isikhe: ”A'nogo werek kwelek 7 tahun logouwagaluk isikhe higithogoat welagagisik, neilenggen pogoroba liakfigirik were'ma, nobabut ambotkwe hebelagaikhe. Nobabut a'nogo hebelagaikhemo, Allah Enupogot eluk mondok welagarek mene fogeratik, esinet figik, igi. A'nogo fogerati logolik mel igi: Allah Henupogot mondok logolik, afuni inebe hobugalep ta'larik lagu kwelek andoma ferinarek mondok logoino o.

DANIEL 6:16

A'nogo ebetu were'ma, it ap omanogo inambotkwe inoe raja oba logalogo wagaukwasik he, mel yagatukwa: ”Ninoe. Nit afuni Media mene inom, Persia mene inom, wene palek oba louksek hilingitorek higithogo, it inenupogoren wene ero wulak fuluk, hobuk wene oak sagalogo hunogo mene ekhe u lek hak andi nen he, hat hendawimo eberek welagen a? Eberek welagenat anggogo o, ninoe,” iluk yagatukwa.

DANIEL 6:26

A'nogo arat hilingi'luk, at raja Darius nen he, lisu palogo afuni inunggulenu lombok, ineisok erokwe lombok, inane lombok, o yi awi ti awi welagaikharek mene inoba lakfikhi logolik: ”Hinendawinggen hambukhogo fano logobagaigiluk he, hai wathinafi o,” isikhe.

MATIUS 4:10

at Yesus nen he, ”Hat Iblis yi lan o. Allah nen ikhi logolik he: Hiren he, hineisena Allah Nenupogot Anat hineindep awi yagaisogo nawe a'ma kwi wesimbik fogetnafi logolik he, an faget enek hilingiti logoino o, isikhemo lisu palogo fesukwama werego,” iluk yagatikhe.

KISAH PARA RASUL 4:19

A'nogo yagaisasukwama re, it Petrus Yohanes emberegen he, ”Allah eilhanem higithogo hilingisugun he, ki. Hiren, yi'nogo hilingisugun iluk egep mene andi hologo hilingisugun a? Athe, Allah nen, yi'nogo hilingisigin, ikherek mene andi hologo hilingisugun a. Hinendawimo ebe'ni. Nit he, nineilenggen higik, ninesanggo holhik, ogo mene andi, afuni ekhe yagaisigi'lek kamo ugun he, elo'lek andi nen he, yagaisikhi logogun aro,” iluk yagaisasukwa.

KISAH PARA RASUL 5:19

Kwelakfisasukwasik were'ma re, malaikat ninoe Tuhan yonggo pelakfisa wagarek mene omanogo ekhe hubanggo pi wagaikhesik he, o afuni inenggi hele warek fisagarek oba, kwe yagarek mene a'nogo meisak lambukhogo hilingitikhesik inebe woginarek wulibi wagaikhe.

ROMA 12:1

Nerugwi nagaila'lak. At Allah ninebe endawi iluk wene ekhe hinendawimo wenggel fuluk, Allah anggo wareti lagaukwa hak, hinebe hineluk meneat, at onggwarek faget fisaluk, at endawimo fanorogo wogeti logoino o. At awe a'ma logolik he, at faget hilingisugun mene a'nogoat hilingiti logoino o.

1 KORINTUS 13:3

Yi mene ti mene an nenggim mene mondogat afuni inagarek lek mene sumburisigik, nebe mondok warogo endu noageluk neranenat igik, ikhi logolik meneat he, afuni ekhe inebe nendawirogo logogin lek halok he, we, tulemat alemarogo ikhi logogin o.

FILIPI 1:20

An nendawimo nen he, wene Kristus faget ure nenggali agi'lek yagaisikhi logogin namolo. Halok, nenggali agi'lek yagaisikhi logogino, iluk, futfuluk nendawimo fano welagi. Hundik-handik fakhogoat yagaisigirek hak, yogondak a'nogoat yagaisagelugat welagi o. Nebe neluk logoumo fanoat. Nen, wa'lasumo fanoat. An a'nogo hilingnafu kwelek, nebe abirengge Kristus faget hilingiti lagi andiba re, afuni nen Kristus fogerasuagelugat welagi o.

IBRANI 1:14

Allah agoromi malaikat andi inebe re, ninggi'nogo hilingitarek mene nogo. It inebe inareagun hangge mene, nit Allah nen telninabigin mene halok lebe'nisikhi logouwageluk, aren inayonggo fuluk lakfisa wagarek mene aro.

IBRANI 11:37

helep oba tamuk-tamakhogo inoatik, gergaji oba inobakhe tegethigik, karok oba inoatik, yi enggin ti enggin hikhi logolik, su re, wam domba inom, kambing inom, agap nonggologo itik, yi mene ti mene legen inelagaik welagik, it afuni ekhe nen wiik-weakhogo hilinginafik, ikhi lagaukwa.

1 PETRUS 1:21

Ebe wa'lagaikhemo Allah nen eluget fembik fogerati logouwageluk menfesikhemo, hinendawinggen Allahba eberogoat himbiret fuluk, ”Hobuk aren fanotninabigin,” iluk oba eberek welagep andi.

WAHYU 12:11

It ninerugwi ninagaila'lak andi inonggwarek inebe inendawi agi'lek, ”Ninoata halok he, fano aro,” ilik nugunem inoata. It andi re, Domba Eak amep wulagaisogo watukwa andiba inom, iren Allah ane ebe wene andi fakhogo yagaisilik nikhi lagaikha andiba inom, Iblis a'nogo arat mabenetfisaga andi o.