DANIEL 3:24 - Allah Wene Fano Wene Hupla Inane

²⁴ A'nogo pelaginafukwasik oba nen ferekhogoat raja Nebukadnezar a'nogo a'manggen lagaikhesik weak-weak menlagaikhesik he, agoromi kaindek mene inoba mel yagaisasikhe: ”Niren he, ap inebe henagan aremnogo inenggi hele warogo endu amulok elema kwelakfisogo lek nogo?” iluk yagaisasikhemo, iren he, ”Eberogo aro, ninoe,” iluk yagatukwa.

DANIEL 3:24 ပူးပေါင်းရင်းမြစ်များ

2 TAWARIKH 22:4

At Ahazia eisena wa'lagaikheba andem he it hun Ahab eisok erokwe mene omanogo re Ahazia komotu mene agaukwasik komotunem he, it Ahab eisok erokwe mene andoma nen hilingiti lagaukwa hakhogo re at Ahazia ogo Tuhan elokhoma kwanirogo nek hilingiti lagaikhe. At Ahazia ebere it komoti lagaukwa mene andoma nen alomarogo fesukwa.

DANIEL 3:17

Ma re, haren ninebe endu amulok wabunak nunggunem andi kwelakninobagegen halok, nit nineisena Allah fogeratorek mene andi nen, hat homameba endumo kwelakninobagagunem, Aren elok telninabigin aro.

DANIEL 3:23

A'nogo wa'lagaukwa meneat he, it ap inebe henagan Sadrakh inom, Mesakh inom, Abednego inom, a'nogo inenggi hele homagongge endu amulok elema a'nogo pelaginafukwa.

DANIEL 3:25

A'nogo yagatukwama, at raja nen he, ”A'nogo meneat he, ap inebe enggaminogo mene endu amulok anggelekwe lagik-wagik ugunem yethigi andiri! It inebene mel inagambut mel palek legat welagaikha. Nen it inebe henagan aremnogo werek kwelek he, at ekhe andi ebe afuni nen, ’Nineisena ebe yi aro,’ iluk fogeratarek mene hangge were'ma higi aro,” iluk yagaisasikhe.

DANIEL 4:22

Henupogot mene noe. E andi ebe mondok uan-awan obakhe hokho mene re omame mondok hokho andi ebe re hat hebe aro. Hat henu werek welagen mene andi hokho arik laga logolik he, pogoroba higit lagagik, hawe a'ma ferinarek welagen mene andi re yi awi ti awi pogot ero-ero wialarik lili'lago andi faget hegen o, noe.

DANIEL 4:27

Andi nen he, henupogot mene noe. An nen komothafi mene andi hologo higithogo hilingiti logoino. Weak hilingiti lagen mene herakfisaluk he, fanorogo nek hilingitik, higithogo nek hilingitik, afuni inangge lek inelagaik mene hendawirinafik, ikhi logoino o. A'nogo hilingiti logogin halok he, hat hobuk fanorogo logogin o,” iluk yagatikhe.

DANIEL 5:18

At Allah Lego Mondok werek mene a'nogo nen hat heisena Nebukadnezar ebe kain enupogot logouwagaluk menfesikhesik afuni at enggiba ferinarek logouwagaluk wogotik, enu hokho were'ma fogerati logouwagaluk hilingisogo figik, isikhe andi.

DANIEL 5:6

A'nogo hasikhesik ailo agaikhemo re elokhe heiselogo, eindep leik-leigenggeti logolik he oak omame mondogat lek agaikhe.

DANIEL 6:22

Heinok a'nogo wokhasikhemo, at Daniel en he, mel yagatikhe: ”Henupogot mene noe. Hebe heluk mondok logoino o.

DANIEL 6:7

A'nogo isukwasik it gubernur lak inom, it ineabu werek higithogo inoe enupogot yagasi waga lagaukwa mene aremnogo inom, inebe mondogat at enupogot oba wagaukwasik mel yagatukwa: ”Darius henupogot mene ninoe. Hebe heluk mondok logoino o.

KISAH PARA RASUL 12:13

Lagaikhesik kweba papaget hugunem, it omanogo nen he, ”Sa nen papaget hili'logo,” iluk helenggerek inamingmingengge mene enu Rode andi ha wulibi wagaikhe.

KISAH PARA RASUL 26:13

Agripa noe. A'nogo o linggene ebekwe lagunem he, mo asinandi hangge fuk oba nen ombak-bak mondok hokho mene, an inom, ap ninom lagagu mene inom, pogoroba nen ninera'lukwe mondogat yararet hikhi logolik seleget ninabi pi wagaikhe.

KISAH PARA RASUL 26:27

Agripa noe. Wene it ap Allah ane yagaisikhi lagaukwa mene nen isukwa andi, eberogoat iluk anggikhi lagen lek nogo? Eberogoat iluk anggikhi lagen aro. An nelu,” iluk yagatikhe.

KISAH PARA RASUL 9:6

Hebe menla'luk he, o kota ari lambik kwino. Kugunem ap ekhe nen, hat yi'nogo hilingi'no, iluk yagahesigin mene werego,” iluk yagatunem,

1 SAMUEL 17:55

At Saul en he, Daud en ap Goliat a'nogo wasi lagaikhemo eilenggen hasikhesik he, agoromi tentara mene inoe enu Abner oba heinok wanhi logolik he, mel isikhe: ”Abner, ap alage ari sa amlogo nogo,” iluk yagatikhemo, at Abner en he, ”An hagot he, nonggoro,” iluk yagatikhe.