DANIEL 3:22 - Allah Wene Fano Wene Hupla Inane

²² At enupogoren ane ninghogoat, endu aik mondok hokho mene nonggwalino o iluk yagaisasikhemo nogo nen he endu aik mondok hokhorogo nunggunem a'nogo, ap tentara mene it Sadrakh inom, Mesakh inom, Abednego inom, inebe hambokhogo endu amulok lagagunem a'nogo kwelaginabugun iluk woginarek lagaukwa mene aremnogo re endu andi aigen inebe mondok pinggi yagaukhogo inoatikhemo wa'lagaukwa.

DANIEL 3:22 ပူးပေါင်းရင်းမြစ်များ

1RAJA-RAJA 13:28

At ebe lagunem en he nabi Yahuda mene a'nogo warek he ebekhalem aremnogo warek were'ma keledai inom singa inom ogo era'lu aremnogo welagaukwaat. Singa andi nen he, keledai a'nogo ogo ap warek a'nogo ogo senggelinafikhesik nasikhe lek.

KELUARAN 12:33

A'nogo yagaisasikhemo, it afuni Mesir mene nen he, afuni Israel mene mel yagaisasukwa: ”Hit weak-weak logoin lek halok he, nit ninebe mondogat wa'lasugun o. Halok hit o yoma herakfuluk weak-weak lani o,” iluk miminginafukwa.

AMSAL 11:8

Ap fano hilingitarek mene andi re inoba nonghonghogo hilingi'mo telogo fisikherek, afuni weak hilingitarek mene andi re yi enggin ti enggin inoba agu mondok welagaikharek.

AMSAL 21:18

Afuni Tuhan nen wene inoba fagain andi re ap fano hilingitarek mene inoba re fuk, athe it ap weak hilingitarek mene andi enggin hokhorogo hogoin.

DANIEL 1:7

It alage andem a'nogo wenaginafikhesik he, inenu ket mene salinabik lagaikhe. Daniel enu Belsazar salhik, Hananya enu Sadrakh salhik, Misael enu Mesakh salhik, Azarya enu Abednego salhik, isikhe.

DANIEL 2:15

”Wene ero enggin mene at raja nen ane omamerogo wulafe andi nenahalok?” iluk yagatikhe. A'nogo yagatikhemo, at Ariokh en ikhi logolik ”Wene ebe yi'nogo agama,” iluk Daniel pilingisogo yagatikhe.

DANIEL 6:24

A'nogo yagatikhemo, at raja endawimo agaiyek mondok agaikhesik he, ap ekhe nen Daniel pogolema singa werek oba a'nogo nen kwe lombit hurogo liakfei wesuwageluk yagaisasikhe. A'nogo yagaisasikhemo, arat liakfei wagaukwasik, ineilenggen kwelakhasukwa re, at Daniel endawinggen eisena Allah oba himbiret fuluk welagaikhe andi nen he, oba yi'nogo ti'nogo ekhe hilinglagaikhe le'ma hasukwa.

MATIUS 27:5

at Yudas nen uang perak mene 30 nen wogetukwa a'nogo Allah awi wuri'mo woukhogo kwelakfisaluk he, onggwaregen alonggop hele kelogo ebe pinggi waralagaikhe.

KISAH PARA RASUL 12:19

Inane a'nogo sagalhukwama, at kain Herodes a'nogo nen Petrus ebe herasuageluk ap ekhe yagaisasikhemo heratukwa mene, ebe legaren he, it ap tentara kagalek welagaukwa mene omanogo inanema wogisasikhesik he, inebe mondok inoasuageluk agoromi ekhe inayonggo fesikhe. Inayonggo fesikhemo inebe inoatukwama re, at ebe o Yudea nen he, kota Kaisarea lagai wagaikhesik welagaikhe.