DANIEL 3:17 - Allah Wene Fano Wene Hupla Inane

¹⁷ Ma re, haren ninebe endu amulok wabunak nunggunem andi kwelakninobagegen halok, nit nineisena Allah fogeratorek mene andi nen, hat homameba endumo kwelakninobagagunem, Aren elok telninabigin aro.

DANIEL 3:17 ပူးပေါင်းရင်းမြစ်များ

KEJADIAN 17:1

At Abram ebe umur 99 tahun oba, Tuhan elokhoma menlagaikhesik he, mel yagatikhe: ”An Allah nen yi mene ti mene elok hilingisigin enek a'nogo An aro. An nane hologo hilingiti logolik, nendawimo namolo anggigirek mene andiat hilingitu mondok logoino o.

KEJADIAN 18:14

An hineisena Tuhan nen elalin mene hilingisu re elo'lek nogo? Hilingisigin enego. Tugi 9 logombigen hobuk hinoba wesigin, iluk attagat yagahisigi andi hak, wesigin aro. Wagunem, Sara eak abengge takhagain o,” iluk yagatikhe.

AYUB 34:29

At Allah nen An nane legengge logogin iluk hilingisigin halok he, ap misigen ogo ekhe ailo legengge nenahalok hane lek welagen iluk u lek hak. Aren elokhe hinakfuluk were'ma re ap misigen iluk ogo ekhe herasu re elo'legaro.

AYUB 5:19

Nen hat hoba weak mene asi wagu halok he, hundik-hundik hili wokhafi logogin o.

MAZMUR 115:3

Nineisena Allah ebe pogoroba werego. Logolik he, At endawimo amolo anggikherek mene higithogo nek hilingiterek.

MAZMUR 37:39

Tuhan nen it afuni higithogo hilingitarek mene andi inebe telinabimbik, yi enggein ti enggin inoba agunem awe a'ma fisaluk ferinarek logogin.

MAZMUR 37:40

It afuni inobabut fano hilingitarek mene andi re, inebe Allah awe a'ma kuluk welagaikharek andi nen he, it afuni weak hilingitarek mene andi nen inoasuogoluk ugunem, At Allah nen leberisaluk telinaferego.

MAZMUR 73:20

Inabi hagarek mene ineluk aga logolik inonggot agarek andi hak, neisena Tuhan hebe menlagu sambul he, it inebe mondogat weagerinafunem lek agaikharek.

YESAYA 12:2

Eberogo nen Allah andi re an nagap telnaferek mene werek, andi nen he an nen At oba' nendawinggen eberogo himbiret welagi. Aren an nendawinggen hambuget nobagagunem he, an nailo legengge welagi. An nagap telnaferek mene re Allah andiat, At obaget an nen wuni wati logogin.”

YESAYA 54:14

Hat he katokhogo hilingitu mene amboloba wurogo hobagagin, hamel-mel mene inom sebelogo ferinarek werek mene inom andomaba nen eil uanhogo hilinghobagagin.

YEREMIA 1:8

An he hat ninom welagik, hebe fetharek welagik, hilinghafi logogin enggere haren it inoba hailosu fugo, iluk An Tuhan nane mondogat igi o!” yaganete.

YEREMIA 15:20

An nen hat hebere no perunggu meneba aben inoasi kwi wesinogoluk wutarek a'nogo hakhogo hilinghobagagin o. Iren hat hebe hoasugun iluk hilingiti logogun oba nen he, ap misigen iluk ekhe hat hebe mabenet hobagakhi logogin lego. Nen An nebe re hat hagap telogo hobagagik, nawe a'ma fetharek welagik, ikhi logoigeluk he ninom logogun o.

YEREMIA 15:21

An nen he ap inanini mondok weak mene andi inomameba sebelharek were'ma nen fikhalogo hobagagin o. Iluk An heisena Tuhan nen nane mondogat igi,” iluk yaganete.

DANIEL 3:26

Andi nen at Nebukadnezar ebe endu fesukwaba kwe ambeba a'nogo lagaikhesik, ane hokho mene kweti logolik mel isikhe: ”Sadrakh, Mesakh, Abednego, hit hinebe Allah Lego Mondok welagarek mene a'nogo amingmingengge mene yi sani. Hit hinebe endumo ari nen wulibi we'ni a,” iluk ane kwetikhemo it aremnogo wulibi wagaukwa.

DANIEL 4:35

Afuni inunggulenu lombok o kweangma welagaikharek mene mondogat elo'lek enego. Hat Allah re, malaikat pogoroba mene inom, afuni kweangma mene inom mondogat hendawimo anggikhi lagen higithogo hilingfisikhi lagen, neisena. Hat hendawimo anggikhi lagen mene hilingisigiluk ugunem, afuni ekhe nen, Ninggi'nogo hilingisigiluk, iluk ailo legengge heinok wokhabumo re elo'lego neisena, iluk fogerati.

DANIEL 6:16

A'nogo ebetu were'ma, it ap omanogo inambotkwe inoe raja oba logalogo wagaukwasik he, mel yagatukwa: ”Ninoe. Nit afuni Media mene inom, Persia mene inom, wene palek oba louksek hilingitorek higithogo, it inenupogoren wene ero wulak fuluk, hobuk wene oak sagalogo hunogo mene ekhe u lek hak andi nen he, hat hendawimo eberek welagen a? Eberek welagenat anggogo o, ninoe,” iluk yagatukwa.

DANIEL 6:23

An hamingmingengge neisena Allah andi re, an nen hat hoba ekhe weak hilingisogo figik, At oba ogo weak hilingitik, igi'lek mene andi re, at elu andi nen he, agoromi malaikat mene ekhe ayonggo fikhesik pelakfisa wagama singa ambe te'met fikhemo yi'nogo ti'nogo ekhe hilingnafi'lego, noe,” iluk yagatikhe.

DANIEL 6:27

”Hit afuni an nen fethinarek welagirek oba welagep mene mondogaren he, Daniel eisena Allah fogeraterek mene andiat hinailorogo welagik, fogeratik, ikhi logoino o. At andi re, hundik-hundik Allah eluk mondok welagarek mene, o wurep kobokhogo andoma afuni arenat ferinarek mondok logogin. Aren ferinarek welagarek mene andi re lek agi'lek, At enggiba mondok-mondok logogun.

MIKHA 7:7

Ariginik oba nen, nit he nineisena Tuhan nenangorogo logouwok. A'nogo logolik, ninendawimo nen eberogo anggaluk nineisena Allah yerogo logogun. Nen, Aren he, nit ninane holfuluk telninabigin.

LUKAS 1:37

At Allah nen yi mene ti mene hilingisigin he, elogo. Elok hilingisigin enek,” iluk yagatikhemo re,

KISAH PARA RASUL 20:24

A'nogo meneat he, an nebe neluk logogin andiat esin iluk andi mene esinet fikhi lagi lek, we Tuhan Yesus nen nayonggo fikhi logolik, aren he, Allah obabut fano nen hilinginaferek wene fano wene andiat yagaisilik lano o, iluk nayonggo fesikhe andiat wurep oba kobokhogo hilingisigeluk esinet fikhi lagi o.

KISAH PARA RASUL 21:13

Yagatunem, aren he, ”Hit le aga logolik, nendawinggen engginet fikhi lagep andi nenahalok? Ninoe Tuhan Yesus faget he, o Yerusalem andoma nen nenggi hele nek wasugun anggikhi lageba? Lego. Nenggi hele watik, nebe noatik, umo fano aro. A'nogo hilingnabugun elogat anggikhi lagi,” iluk yagaisasikhe.

ROMA 8:31

Wene mondogat andi faget, niren ninggi'nogo ugun. Allah nit werekwe aga halok, sa nen lebeleget ninabigin nogo? Elo'lego.

2 KORINTUS 1:10

Nit ninebe mondogat ninoasugun iluk anggasugusi'mo nen, at Allah nenat telninafikhesik he hobuk telninabigin aro. Nit faget hit ninomat samban ikhi lago a'nogoba, hobuk telninafo logogin aro, iluk he ninendawinggen at oba himbiret fuluk welago. Hiren, nit faget samban ugu mondok logogun andiba, at Allah obabut fano nen nit telninafunem he, it afuni ekhe hokhorogoaren ineilenggen nisambik Allah hai wasugun aro.

IBRANI 7:25

A'nogo eluk mondok logolik, nit afuni faget Allah kino yagatu mondok welagarek andi nen he, nit Allah were'ma kuogeluk At oba fa'larik kugunem elok telninabimbik katokhogo fano hilingninabigin andi.

1 SAMUEL 17:37

Nineisena Tuhan nen, an hamingmingengge mene olomene obabut weak mene nen noasigiluk ugunem telnaferek andi hak, ap Filistin mene andi nen noasigiluk ugunem telnabigin aro,” iluk yagatikhemo, at Saul en he, mel yagatikhe: ”Fano, nineisena Tuhan nen enek lebetheoago,” iluk yagatikhe.

1 SAMUEL 17:46

O yogondak yibaat, neisena Tuhan nen he, hat hebe nenggiba foumo, hoasimbik he, halonggop paligin o. Hat hagoromi tentara mene hinom hinebe warek sue, wam, noagaluk wogosigin o. A'nogo hilingisigin andiba, afuni o kweangma yi awi ti awi welagaikharek mene mondogaren he, it afuni Israel mene ineisena Allah fogeratarek mene andi ebe eberogoat werek, iluk inelu asugun o.