DANIEL 2:42 - Allah Wene Fano Wene Hupla Inane

⁴² Nen, haren afuni inalik waganek andi eisok sele fenakwe re, posiemanggen mene, nen fenakwe re, kweang tangge abiweak mene, hilingik mene hegen andi ebe re, ap raja misigenek mene nen ferinarek were'ma hobuk minggilasugun mene andi, ekhe posiemanggen hangge inomame hokho logogun. Nen, ekhe re kweang tangge abiweak mene andi hangge, inomame lek mene logogun.

DANIEL 2:42 ပူးပေါင်းရင်းမြစ်များ

DANIEL 2:41

Nen afuni inalik hilingik andi eisok ebe inom, eisok sele inom, posiemanggen mene inom, kweang tangge abiweak mene inom, misi'mo hilingik mene yethegen andi ebe re, ap raja henagan mene menlasimbik lek agunem hobuk menlasigin mene andi nen ferinarek logogin mene andi minggilasugun. Meneat he, haren afuni inalik waganek andi eisok posiemanggen haro mene kweang tangge abiweak mene inom misikwe seberogo hilingi'mo re, omame were'ma hegen andi hak, ap enupogot andi nen ferinarek logogin mene re a'nogoat omame werek logogin o.

DANIEL 2:43

Posiemanggen mene inom, kweang tangge abiweak mene inom, emberek misikwe sebethigik hilingik were'ma hegen andi ekhe re, it ap raja andoma inomame hokho asuogoluk hemi it ekhema mene inom wok-wok arik laga logogun. A'nogo meneat he, posiemanggen mene kweang tangge abiweak mene inom emberek misikwe hilingisu mondok elo'lek andi hak, it ap raja andi a'nogo hilingisugun meneat he ebe asigin mondok lek.

DANIEL 7:24

Nen, andimuk ebe 10 nen wilibik were'ma yethegen andi ebe re, ap raja inebe 10 nen mene menlasimbik afuni ferinarek logolik melalinafi logogun mene faget hegen. A'nogo ferinarek were'ma, ap raja ekhe weinam asigin. At andi, it ap raja attak mene andem hangge lek, hunogoat mene weinam asimbik ap raja inebe 10 nen andem mene re, inebe henagan mene mabenet fisagain.

WAHYU 13:1

A'nogo yethigiri'mo nen, ombo'ne re, mene olomene hangge hokho mene ekhe andimuk unggul oba ebe 10 nen wulibik welaga, nen unggul he, 7 nen hilingi'mo, i laut yenggele'ma nen wulibi wagunem yethigi. Andimuk 10 nen andi, ebe lombok oba re, kware-kware ap kaindek ikfisagarek andi hak ugu were'ma, nen unggul 7 nen andiba, ebe lombok oba re Allah enu wiik-weakhogo hilingitarek mene lisu palek welaga yethigi.