DANIEL 2:4 - Allah Wene Fano Wene Hupla Inane4 A'nogo yagaisasikhemo, iren it afuni Aram mene inaneba mel yagatukwa: ”Ninoe henupogot heluk mondok logoino. ninoe habi hegen mene andi, niren he, Ebe ti'nogo hilinglasigin mene faget hegenma o, iluk yagahesuogen he, habi hegen mene andi pilingisogo yaganisan o,” iluk yagatukwa. အခန်းကိုကြည့်ပါ။ |
DANIEL 2:4
23 ပူးပေါင်းရင်းမြစ်များ
A'nogo hasikhesik, o wei isikhemo ohealekwe at raja a'nogo endawimo mondok weak agaikhe. Endawimo a'nogo weak agaikhe andi nen, ap o Mesir mene ekhe wesagun elalin hilingiti lagaukwa mene inom, yi mene ti mene awene inelu mene inom, wolisa loageluk inayonggo fesikhemo, wolisa lagaukwama wagaukwama re, abi hasikhe mene a'nogo it pilingisogo yagaisasikhe meneat he, ap it mene ekhe nen, ”Habi ebe yi'nogo hilinglasigin mene faget hegenma o,” iluk ekhe yagasu mondok elo'lek agaikhe.
O yogondak yi sambul he, at anggo domba inom, sapi ai mene inom, otholik mene inom, hokhorogoat Allah faget fisikhesik pesta hilingisigiluk, ap hat hagainafuri mene mondogat inom, hagoromi tentara inogogwi kaindek panglima mondogat inom, ap Allah eisewerek Abyatar inom, inayonggo fikhesik pesta hilingiti logolik mel ili'lagwi andi: Ninoe raja re Andonia logouwago, iluk inane ami'mit hokhorogo sup ili'lagwi o.
A'nogo yagaisasikhemo, it Elyakim inom, Sebna inom, Yoah inomen he, ap tentara Asyur mene inoe kain a'nogo mel yagatukwa: ”Noe, afuni o kota leget pa'leget wurikwe werek mene andi mondogat inesanggo holinogo nen he, nit afuni Ibrani mene ninaneba yaganisigi'lek he afuni Siria mene inaneba yaganisan o. Nit he elok futfogoin o,” iluk yagatukwa.
Andi hakhogo re at Artahsasta o Persiaba Kaisar mendek logolik melalinafi lagaikheba ogo, it hun Bilsam inom, Mitredat inom, Tebeel inom it inagaila'lak fenakwe inom, en nekhe mene surat raja ba palhukwaat. Surat palhukwa andi re Aram inaneba palhukwa ma re pilingisuogeluk he it ekhe nen agam etu kwelek wenati lagaukwa.
mel isigi: ”Hat hebe henupogot mondok logoino, neisena. An nawi kota nombalak inebe salinafukwa kwe yogondak huli nen meisalek werek mene andoma inom, nen, kwe leget pa'leget ambe palek mene halik halokhogo endu nologo weaget fesukwa mene andoma inom, mondok weagat werek kwelek nendawimo fano logou re, elo'lego, neisena,” iluk yagatigi.
A'nogo isikhemo it Elyakim inom Sebna inom Yoah inom, aremnogo nen perwira Asyur mene a'nogoba ikhi logolik, ”Ninoe haren nit wene yaganisageluk he Aram inaneba yaganisan o, niren elok fut fogoin. Nen Ibrani inaneba ugunemen he afuni o kota leget pak waganek ambolkwe werek mene oma nen fut feinogo o,” iluk yagatukwa.
It ap hobuk yi'nogo hilinglasigin iluk agarek mene nen husumbi agarek mene re An nenat sugwiabetirek, hareise higirinafarek mene omanogo An nenat nalek-falek isikhi lagagi. Ap inendawinggen wenggelek mene nen agarek mene omanogo re An nen inane oak sagal fisikhi lagagi, it hebelek mene omanogo re an nenat kembut fisikhi lagagi.
A'nogo wenaginafi logolik, ap alage inebeba inagambut palek lek mene halok, inebe mondok fano mene halok, sekolah uan hilingita mene halok, yi wene ti wene elok futfou inelu mene halok, inendawimo kagauksek mene halok, yabu an naiba hilingiti logogun elok mene halok, wenaginabino o. A'nogo wenaginabimbik, nit afuni o Babel mene ninane yagaisigik, ninaneba lisu palek mene yanggulinafik, ikhi logoino,” iluk yatikhe.
A'nogo yagatikhemo, at Daniel enu ekhe Beltsazar ikhi lagaukwa mene a'nogo nen wene andi esanggo holhikhesik youk lagaikhesik he, ailo mondok agaikhemo inukhogoat endawimo ebetu welagaikhe. A'nogo were'ma, at raja Nebukadnezar en mel yagatikhe: ”Beltsazar, an nabi higi mene andi faget inom, ebe yi'nogo hilinglasigin mene faget hegenma iluk yaganesigin andi faget inom, nailo e, iluk anggagun o,” iluk yagatikhe. A'nogo yagatikhemo, at Beltsazar en he, ”Noe. Hat habiba hilinglagunem yethegen andi ebe re it haselei mene inoba hilinglasumo re fano, noe hat hoba hilinglasi nogo.
A'nogo meneat he, it ap wene hobuk hilinglasigin mene yagaisagarek mene inom, wesagun yi mene ti mene elalin hilingitarek mene inom, yi wene ti wene awene inelu mene inom, ap hesagal awene inelu mene inom, inebe wagaikhama, iren an nabi higi mene andi, Ebe ti'nogo hilinglasigin mene faget hegenma o, iluk yaganesuagaluk nabi higi mene a'nogo pilingisogo yagaisigi meneat he, iren yaganeti'lego.
Beltsazar. Ap wene hobuk hilinglasigin mene faget yagaisagarek mene inoe yi. Nagore. Hat he afuni ekhe nen, Nineisena tegelek mondok welagarek mene ebe yi aro iluk fogeratarek mene a'nogo areagun hendawimo peterogo were'ma re, yi wene ti wene ekhe hat heilhanem hinago welagarek mondok lek andi re an nelu o. Ma re, an nen nabi higi mene tindelogo yagahesigin andi re, hesanggo holimbik, ’Ebe ti'nogo hilinglasigin mene faget hegenma o,’ iluk yagane'no.
A'nogo inobakhe palagaikhesik at raja ebe inom agoromi kaindek inom inane hokhorogo matu were'ma nen he, at he raja agaisa a'nogo esanggo holhaluk pesta hilingitunem kwi lagaikhesik mel isikhe: ”Henupogot mene neak. Hebe heluk mondok logoino o. Hailo a'luk helokhenggen heiselhi'lek hendawinggen hambukhogo logoino o.
A'nogo fesukwasik laga logolik he, at Yesus ebe tulemet fesukwasik, it ekhe attak agik, it ekhe ombo'ne agik, laga logolik he, inane hokhorogo mel ilik lagaukwa: Daud en tagongge mene, noe wa! noe wa! noe wa!” iluk u hak,” Hosana Nineisena Enupogot Allah nen lakhobagai wagama wagen yi, arenat fanothabuago. Allah Lego mondok welagendek mene neisena wa!” u hak, ”Hosana” iluk a'mit suphogo ilik-ilik, o Yerusalem kwisukwa.
A'nogo hilinglagaikhemo, at Samuel en he, afuni omanogo mel yagaisasikhe: ”Ap nineisena Tuhan nen wenagaisogo menfikhe mene ebere yi aro. Nit ap Israel mene mondogat at ninom higit mene ekhe lego,” iluk yagaisasikhe. A'nogo yagaisasikhemo, it afuni omanogo mondogat inane ami'mit suphogo re, ”Wa, wa, wa, ninoe kain henupogot hat aro,” iluk elokhe wanhukwa.
ကြော်ငြာတွေ