DANIEL 2:37 - Allah Wene Fano Wene Hupla Inane37 Henupogot mene noe. Hat hebe yi afuni ti afuni inogogwi raja andomaba nen he hat enek he raja henu lagarek mene welagen. A'nogo welagen andi re At Allah pogoroba mene nen hat henupogot welagik, yi afuni ti afuni henggiba welagik, homame hokho welagik, afuni nen fogethafik, ikhi logouwagaluk menhobagaikhemo welagen o, noe. အခန်းကိုကြည့်ပါ။ |
DANIEL 2:37
32 ပူးပေါင်းရင်းမြစ်များ
”An Kores it afuni Persia mene inobaget raja mendek welagi mene a'nogo nen nawene melalek he yi! At Tuhan Allah ebe pogoroba legoma werek mene a'nogo nen yi afuni ti afuni o kweangma yoma werek mene inobaget nalong logolik lego logouwageluk an raja mennobagaikhesik he, o At Awiba o Yerusalem o wilayah Yehuda a'nogo wusuageluk nobagaikhe. Enggere hit Allah againafuri welagep mene andi re hinebe mondogat hinambotkwe o Yerusalem logoin o! We hit hineisena Tuhan Allah nen enek halhinafi logouwak,” iluk wene wulafikhe.
”An he, hit afuni o Persia mene hinoe raja nenu Kores nen wene mel yagahisak: Tuhan Allah ebe pogoroba logolik, yi mene ti mene enggiba welagarek mene nen, an arat kweangma yoma yi awi ti awi mondogat faget inoe raja logouwagaluk menagaisogo nobagaikhesik, At ebe awi wuri'mo nen fogerati logogun oba, o Yerusalem afuni Yehuda mene inaiba andoma wusuageluk nayonggo fikhemo welagi o.
Hit hinenggi omameba afuni sebelinarek logolik inangge helikhi lagep mene andomaba hinendawinggen eberek lagou fuk, nen afuni inangge telikhi lagep mene andomaba hinendawinggen tibet fuluk logou fugat. Nen, hit hinangge yi mene ti mene hinenggi werek agunem oba nen ogore, hit hinendawinggen andiba tibet fuluk logou fugaro.
Tuhan Omame Mondok Hokho mene, Allah afuni Israel mene ineisena a'nogo nen ikhi logolik, ”Aren he e pia andi re posiemanggen enggin mene yi afuni ti afuni inunggulenu lombok andoma inoba fagain o. Nen, iren he raja Babel mene Nebukadnezar a'nogo obaget hilingiti logogun. Tuhan ane ekhe inom ikhi logolik he yi mene ti mene eil polok mene andoma ogore Nebukadnezar inggiba nek fagain ikhe o,” iluk yagati.
Nebukadnezar raja Babel mene a'nogo agoromi tentara esa re it ap inunggulenu amu mene inom o negara amu mene inom at a'ma sebe iluk welagaukwa mene omanogo inom mangotukwasik iren o kota Yerusalem inom kota era'lukwe maserogo werek mene omanogo inom pin kwi wagaukwa sambul a'nogo re Tuhan ane an noba ikhe.
Tuhan Lego Mondok welagarek mene a'nogo ane ikhi logolik, ”An nen raja Nebukadnezar o Babel mene a'nogo nen hat Tirus hukhogo hoasuageluk waluk wesigin. Raja mondok omame mene andi re abel utara fikhiren waga logolik, tentara esa hokhorogo inom, kuda hokhorogo inom kereta weim yafarek mene inom, nen ap kuda amboloba lagaluk lagaikharek mene esa logalek inom wesugun.
A'nogo yagarinafikhemo, Tuhan nen afuni Yehuda mene inoe raja Yoyakim ebe Nebukadnezar enggiba fikhi logolik, yi mene ti mene onggo hokho mene Tuhan awi wuri'mo welagaikhe mene ekhe hugulengge heloagaluk yagatikheat. A'nogo yagatikhemo, afuni inebe hele warogo woginarek waga logolik, yi mene ti mene onggo hokho mene hugulengge helasikhe mene omanogo waluk wagaikhesik, at angge tugwi kembu awi wuri'mo andoma fesikhe.
A'nogo meneat he it ap andi raja menlasimbik afuni ferinarek logogun sambul andem he, Allah pogoroba mene andi nen ap ekhe Enupogot mondok-mondok logogin mene menfagain o. A'nogo menfoumo re afuni aren ferinarek were'ma, afuni inunggulenu ekhe nen at mabenet figik, ap raja andi obulu'mo ekhe menlagik, ikhi logogun mondok lego. A'nogo menfoumo logolik, aren ap ekhe raja a'luk afuni ferinarek logogun mene andi mondogat wulil tagalogo legetfisagain o.
A'nogo yagatikhemo, at Daniel enu ekhe Beltsazar ikhi lagaukwa mene a'nogo nen wene andi esanggo holhikhesik youk lagaikhesik he, ailo mondok agaikhemo inukhogoat endawimo ebetu welagaikhe. A'nogo were'ma, at raja Nebukadnezar en mel yagatikhe: ”Beltsazar, an nabi higi mene andi faget inom, ebe yi'nogo hilinglasigin mene faget hegenma iluk yaganesigin andi faget inom, nailo e, iluk anggagun o,” iluk yagatikhe. A'nogo yagatikhemo, at Beltsazar en he, ”Noe. Hat habiba hilinglagunem yethegen andi ebe re it haselei mene inoba hilinglasumo re fano, noe hat hoba hilinglasi nogo.
Henupogot mene noe. E andi ebe mondok uan-awan obakhe hokho mene re omame mondok hokho andi ebe re hat hebe aro. Hat henu werek welagen mene andi hokho arik laga logolik he, pogoroba higit lagagik, hawe a'ma ferinarek welagen mene andi re yi awi ti awi pogot ero-ero wialarik lili'lago andi faget hegen o, noe.
Noe hat hebe afuni inoba nen mugusogo lakhobagaumo re, yi wam ti wam hinom o leimo andoma logogun. Andoma 7 tahun logolik he, wam sapi nen engga ninggerek andi hak ninggik, enda'ma leimo nogo igik, ugunem, hebene meiso henanggikil hoati logogin. A'nogo nugunem 7 tahun arat logombik enek he, noe haren, Ap inenupogot logolik, afuni ferinarek welagaikharek andi re, At Allah Lego Mondok welagarek mene enggiba welagare'ma higi. A'nogo enggiba logolik Aren, at andi hak enupogot logouwak, iluk anggikherek higithogoat inenupogot logouwageluk menfisikhere'ma, higi o, iluk hambeba nen fakhogo igin o.
Andi nen he, hat hebe afuni inoba nen mugusogo lakhobagaumo, yi wam ti wam hinom o leimo andoma logogun. Andoma 7 tahun logolik, engga wam sapi nen ninggerek hak ninggi logogin. A'nogo 7 tahun arat logombik haren he, Ap inebe raja logolik afuni ferinarek welagaikharek andi re, At Allah Enupogot enggiba welagarek higi. A'nogo enggiba logolik, Aren, At andi hak ebe raja logouwak, iluk anggikherek higithogoat inebe raja logouwagaluk menfisikhere'ma, higi o, iluk hambeba nen fakhogo igin o,” iluk yaganete.
At Nebukadnezar a'nogo hilinglagaikhesik welagaikhesigen, hobuk mel isikhe: ”A'nogo werek kwelek 7 tahun logouwagaluk isikhe higithogoat welagagisik, neilenggen pogoroba liakfigirik were'ma, nobabut ambotkwe hebelagaikhe. Nobabut a'nogo hebelagaikhemo, Allah Enupogot eluk mondok welagarek mene fogeratik, esinet figik, igi. A'nogo fogerati logolik mel igi: Allah Henupogot mondok logolik, afuni inebe hobugalep ta'larik lagu kwelek andoma ferinarek mondok logoino o.
Andi nen at a'nogo legeisogo fikhi logouwageluk, ebe raja menfikhesik, afuni mondogat At enggiba logouwageluk wogetunem higi. A'nogo wogetemo, afuni mondogaren inunggulenu lombok, inagap lombok, inane lombok, At awe a'ma logolik At faget hilingitunem yethigi. Aren omameba ferinarek mondok logolik inoe kain raja were'ma, it ekhe nen mabenet fisogoin mondok lek mene yethigi.
Weak hilingisuageluk ninendawimo kagaligin oba andoma herakninobagagi'lek, pikhirat wo'ninarek laga logoino. Obabut weak mene andi nen enggi fa'nisikhe halok, haren telninafi logoino. [Nineisena Henupogot harat logolik, yi mene ti mene hilingisu hak enek andi nen he, harat fogethafo mondok logogun o. Ebe asuak u hak, Amin,] iluk samban a'nogo ikhi logoino.
at Yesus nen he mel yagatikhe: ”At Allah nen he, Haren wene afuni inoba figik, kotik, ikhi logoino, iluk hat eisewerek fagailep le'ma re, haren wene noba fagain elole'k aro. Andi nen he, Haren weak hilingiten, iluk wene hoba endebat hak werek meneat he, at ekhe nen an nebe waganogo hat henggiba nobagai waga mene andi nek he, weak hilingite iluk wene hokho mene hak oba werego,” iluk yagatikhemo,
A'nogo eisewerek fembik, Domba Eak a'nogo weim inom yabuogeluk ugun meneat he, at Domba Eak ebe afuni kaindek inenupogot inom, inenuwerek mene inom, mondogat inoe enuwerek lego mene arat andi nen he, againafuri wenaginafikhesik inayonggo fesikhemo inobabut at faget humbunhogo hilingitarek mene omanogo, at ebikhit agaikhasik, inomen, at mene olomene hangge a'nogo agoromi inom mabenetfisogoin o,” iluk yaganete.
ကြော်ငြာတွေ