DANIEL 2:25 - Allah Wene Fano Wene Hupla Inane

²⁵ A'nogo yagatikhemo, at Ariokh a'nogo weak-weak Daniel ebe hondo'luk raja oba lagaikhesik he, mel yagatikhe: ”Noe. An hamingmingengge nen afuni o Yehuda mene inenggi hele warogo woginarek wago mene omanogo, ap ekhe hat habi hegen mene a'nogo, Ebe ti'nogo hilinglasigin mene faget hegenma, iluk elok tindelogo yagahesigin mene heratirik, hoba waluk wagi o,” iluk yagatikhe.

DANIEL 2:25 ပူးပေါင်းရင်းမြစ်များ

KEJADIAN 41:14

A'nogo yagatikhemo, at raja nen it ekhe nen Yusuf wani loageluk lakfisasikhemo, lagaukwasik, o inenggi hele warek fisagarek oba nen weak-weagat wulakfei wagaukwa. Wulakfei wagaukwama, at Yusuf ambemosi palhik, asu laberigik, isikhesik he, raja Firaun oba wagaikhe.

NEHEMIA 7:6

Afuni hele warogo huginabi lagaukwa mene omanogo inebe hokhorogo o Propinsi Babel a'nogo herakfuluk, nekhengge inambotkwe o Yerusalem inom Yehuda inom inawi kota lombok wagaukwa. It inebe re at raja Nebukadnezar en hele warogo felelenginarek o Babel huginabi lagaikhemo omanogo inenggi aninurogo welagaukwasik wagaukwa.

AMSAL 24:11

Ap unggum wa'lasuageluk wogota mene andi lologo wulabigiluk logolik halok, hendawi pire pare ikhi logou fuk. Ap warogo eba kologo fisouwogeluk ugunem andoma nen inagap telogo fisano.

PENGKHOTBAH 9:10

Afuni inebe wa'la'luk lagaikharek oba andoma re yabu hilingitik, menenei ebetik, yi wene ti wene inelu agik, inendawinggen kagalek mene hilinglagik agarek le'ma andomaat hit logoin andi nen he, hineluk logolik yi yabu ti yabu hinomamerogo hilingiti logoino.

DANIEL 1:6

A'nogo yagatikhemo, ap alage Yehuda mene ekhe wenaginafikhe. It andem inenu re, Daniel inom, Hananya inom, Misael inom, Azarya inom, inebe andem.

DANIEL 5:13

A'nogo yagatikhemo, at Daniel ebe waluk raja oba wagaukwama re, at raja Belsyazar en mel yagatikhe: ”An neisena enupogoren ap o Yehuda mene hele warogo woginarek wagaikhe mene ekhe enu Daniel aga andi hat fagera?