DANIEL 2:23 - Allah Wene Fano Wene Hupla Inane

²³ Allah an nombalagen fogethafi lagaukwa mene neisena. Niren, at raja nen nit hilingninabigiluk ili'lago mene andi faget hayonggo fogoma, ninane hesanggo holhendik, an nendawinggen kagalek mene hilingnafik, nomame wo'netik, egendik, wene hinago mene andi ebe at raja yagasigin mene yaganeten andi nen fogethafik, esinet hobagagik, ikhi lagi o, neisena,” iluk fogeratikhe.

DANIEL 2:23 ပူးပေါင်းရင်းမြစ်များ

KEJADIAN 18:17

Lagaukwasik, At nineisena Tuhan endawimo nen he, ”An nen hobuk hilingisigin mene andi Abraham labeligin lek, nabit.

KEJADIAN 31:42

Allah neisena Ishak inom nomba Abraham inomen apne wanhi lagaukwa mene a'nogo nen an lebetniikhi logoilep le'ma nen he nami nen nangge legengge haiba lan iluk yaga ne'len. Oba nen at neisena Allah nen an nen yabu hilingiti lagi mene inom enggin-fenggin hikhi lagi mene inom fut nobagagunem a'luk he, o yogondak hubanggo Aren wenakhetesik he wene arat sikhiphogo ikhe,” iluk yagatikhe.

1RAJA-RAJA 18:36

A'nogo hilingisogo fesukwasik he, o mondok hu'mokokwe, wam, yi mene ti mene Allah faget noletarek oba arat asi wagaikhemo re, at Elia Allah ane yagaisikhi lagaikhe mene a'nogo ebe wam, Allah faget nolesigin mene a'nogo oba horokhogo higilha wagaikhesik he, samban mel isikhe: ”Neisena Allah Henupogot mene, Abraham en, Ishak en, Yakub en, fogethafi lagaukwa mene neisena. It afuni yoma nen he, nit afuni Israel mene nineisena Allah ebe eberogoat werek, iluk futfigik, nen, Elia andi Allah amingmingengge mene At Allah nenat yagatemo yoma mondogat hilingite, iluk inelu agik, uageluk,

1RAJA-RAJA 8:57

Tuhan Allah Haren endamat nit ninombalak herakfisigi'lek ferinarek mondok welagagin andi hak, yogondak nit a'nogoat fetninarek mondok logoino o, neisena.

1 TAWARIKH 29:10

It afuni hokhorogo ineilhanem a'nogo re at raja Daud en Tuhan fogerati logolik he, yi'nogo isikhe, ”Tuhan Allah ninomba Yakub en fogethafi laga mene, neisena. Hat he hundik-handik fogethafu mondok logogun!

1 TAWARIKH 29:13

Yogondak he, Nineisena Allah, niren Hat hai wathafik, Hat henu mondok lego mene andi fogethafik, ikhi lago, neisena.

2 TAWARIKH 20:6

ane omameba samban ikhi logolik mel isikhe, ”Nit ninambu-ninombalak ineisena Tuhan Allah nineisena! Allah Hat hebe pogoroba logolik o kweangma yoma yi afuni ti afuni mondogat melalinafi lagen. Hat hebe homame hokho mene logolik yi mene ti mene Hat ha'ma nek were'ma, ap misigen iluk ogo Hat hane sagalogo fou lek hak.

MAZMUR 21:2

Tuhan neisena, Harenat raja omamet fikhi lagen andi nen he at agaiyegeri'lago, Haren At alonget fikhi lagen andiba re at mondok foget fakhili'lago.

MAZMUR 21:4

Hat hebe waga logolik hangge yi mene ti mene at oba fanot fei wagik, at ungguloba kware-kware emas oba hilingik engge puget fei wagik, isigin.

MAZMUR 25:14

At Tuhan he it afuni at oba inailorogo logolik higithogo hilingitarek mene re inom fano hundik welagarek. Aren endawimo wenggelherek mene re it inoba weinamet fikherek.

MAZMUR 50:14

Hiren An nobaget wam yi mene ti mene warogo wo'nesu hak he, An hai warogo wa'neti lagep mene andi wo'neti logoni o, Nen hiren At Lego Mondok welagarek mene hinom wene wati legep mene andi nek tiphogo hilingiti logoni o.

KELUARAN 3:15

Ekhe re, yi yagaisanogen yagahesik: An he, hit hinombalak Abraham inom, Ishak inom, Yakub inom, ineisena Nenupogot Allah a'nogo nen hat hayonggo figirik it inoba lakhobagagi o. An nenu re, Tuhan Allah, iluk ugu mondok logogun mene a'nogo aro. An nenu andi re, afuni hobuk ta'larik laga logogun mene mondogaren ugu mondok logoguno.

AMSAL 21:22

Ap hibil-hebelhogo hilingitarek mene nen he o kota ap tentara mondok inaninirogo kagalek werek oba nen ogore pin ku hagat, aren he leget pa'leget inendawinggen yamukhogo waganek mene omanogo langgu-langgarogo pelabu hagat.

AMSAL 24:5

Ap inomame hokho welagaikharek andi re we harek hak oba nen he, it ekhe inobabut hebelek logolik hilingitarek andi nek he mondok esin. Nen ap omame welagarek andi re we harek hak oba nen he, inelu welagaikharek mene andi nek he mondok esin.

AMSAL 8:14

Komo wene inom, walhugungge inom andoma re an noba nek werego, fut fugungge inom, inomame agarek mene inom andoma re an nobaat werek.

PENGKHOTBAH 7:19

Hebelek mene andi nen he onggwarek agun a'nogo omame hokhorogo wogeterek, nen ap o kota misik ekheba inomame werek inap inebe 10 nen werek oba nen ogore hebelek mene andi nek he omame mondok hokho werek.

PENGKHOTBAH 9:16

Andi nen an nen wenggel hikhi logolik he, hebelagaikharek andi re inomame mene inom higitsek lek mondok along werek. A'nogo hilingik oba nen ap inenggi lek mene nen hebel-hebel aple hilingitu mene a'nogo re legeisogo fagarek lek. Nen, at ane ikherek mene ogo futfagarek legat.

PENGKHOTBAH 9:18

Sige sikhe wanharek andi sebelek hak oba nen he inendawinggen kagalek welagaikharek andi nek he mondok esin, oba nen weak mene endebat ekhe tephogo pigin mene nen amusu fano mene belanga misik keralek weagerogo fou hak.

YESAYA 12:1

Lingge ekhe weinam asi wesigin meneba re, hiren wuni ikhi logolik: ”Tuhan, attak he Haren an noba hobaharo welagen, oba nen yogondak he Hat hobaharo a'nogo arat lombuk ikhe, Haren an nendawimo konnafi lagen ma re, an nen Hat hai wathafi lagi.

YEREMIA 33:3

”An nenu hombuk palhu halok he An nen nane onggo yagaheti logogin o. An nen he wene esin mene fano awene mondogat yagahetik, wene haren fut fou elo'lek mondogat inonggot mene yagahetik, ikhi logogin o

DANIEL 1:17

A'nogo wogisugu kwelek Allah nen he ap alage inebe enggaminogo mene aremnogo yi wene ti wene lisu palek mene andi inelu agik, inendawinggen mondok kagalek mene hilinglasuageluk hilinginafikhesik, at Daniel enek he, inabikanggo hagarek mene inom ineil fenggenek logolik inabi higit hagarek mene inom, Ebe ti'nogo hilinglasigin mene faget hegenma o, iluk higithogo yagaisikhi logouwagaluk wogotikhe.

DANIEL 2:18

A'nogo yagaisikhi logolik, ”It ap ekhe inendawinggen kagalek logolik yi wene ti wene inelu mene o Babel ekhema-ekhema welagaikharek mene andi, inoati logolik, hit nagaila'lak ninomat ninoasinogo iluk, Allah pogoroba mene nen ninebe endawit ninabimbik, at raja abi hinago mene hikhe andi ebe furogo yaganisoageluk hinane hinelagaik hinane ayonggo feino o,” iluk yagaisasikhe.

AMOS 3:7

At nineisena Tuhan Lego Mondok welagarek mene a'nogo nen he, An yi'nogo hilingisigin, iluk ap At amingmingengge ane yagaisagarek mene andoma inoba fakhogo yagaisigi'lek ekhe hilingitirek mondok lego.

MATIUS 11:25

A'nogo yagaisasikhesik he, o andi sambul he, at Yesus nen samban oba eisena Allah yagati logolik he, ”Allah Neisena o! Pogot kweang eisewerek menere hararo! Wene mondogat andi re, it afuni inendawimo kagalek mene inom, yi wene ti wene inelu mene inom, inelu asinogo iluk hinakfuluk he, it inobabut yenggerugwi ketago mene hangge nek he, fakhogo yagaisegen andi hendawimo hamolo anggegendigenat yagaisegen andi nen hai wathafi lagi o, Neisena,” iluk yagatikhe.

LUKAS 10:21

A'nogo yagaisasikhesik andi sambul he, Yesus endawimo Allah Areagun were'ma andi nen he, endawimo agaiyek hikhi logolik mel isikhe: ”Allah Neisena e. Pogot kweang eisewerek hararo! Wene mondogat andi, it afuni inendawimo kagalek mene inom, yi wene ti wene inelu mene inom, inelu asinogo iluk hinakfuluk he, it inobabut yenggerugwi ketago mene hangge nek he, fakhogo yagaisegen andi re, hat hendawimo hamolo anggegen meneat yagaisegen andi nen he, hai wathafi lagi o, Neisena!” iluk yagatikhe.

YOHANES 11:41

iren helep a'nogo lenggakhogo lakfesukwama re, Yesus eilenggen pogoroba liakhasikhesik he, mel isikhe: ”Allah neisena. An nane hesanggo holhen andi nen he, hai wathafi lagi o.

YOHANES 15:15

It afuni inamingmingengge mene andi, inogogwi hilingitarek mene inonggot andi nen he, an nen huli yogondak yiba nen, hit an namingmingengge, iluk yagahisagain lego. Yi wene ti wene neisena nen yaganetikhe mene mondogat yagahisikhi lagi andi nen he, nagaila'lak, iluk yagahisikhi lagi andi o.

WAHYU 1:1

Wene ebe re, yi'nogo. Yi wene ti wene hinago welagaikhe mene hobuk weak-weak hilinglasigin mene andi, Allah amingmingengge mene furogo yagaisoageluk Allah nen at Yesus Kristus weinamhogo yagatikhemo, at Kristus nen malaikat lakfei wagaikhemo, wene andi an at Allah amingmingengge Yohanes noba yaganete.

WAHYU 5:5

A'nogo le agunem he, ap inaluendek omanogo mene ekhe nen he, ”Le agu lego. E asimit fulelherek andi hak, ap Daud en tagongge mene unggulenu Yehuda mene ta'lagaikhesigen, ebe mene olomene hangge enu singa a'nogo arat omame agasik eisewerek agasi'mo re, suesingga uan meneba lisu palek yinggilik andi, it ekhe ineilenggen yethanogo iluk silo 7 nen werek a'nogo elok fikhaligin o,” iluk yaganete.