DANIEL 2:21 - Allah Wene Fano Wene Hupla Inane

²¹ Arenat ti sambul hibi asigin ti sambul salim asigin iluk inom, nen yi wene ti wene agarek oba asuageluk inom kagalogo fikherek oba hilinglagik, it ap inenu werek logouwageluk Aren liakfisigik, sebelfisigik, ikherek. Aren ogore afuni inendawinggen kagalek mene hilingfisigik, yi wene ti wene elok futfikhi logouwagaluk hilinginafik, ikherek.

DANIEL 2:21 ပူးပေါင်းရင်းမြစ်များ

1RAJA-RAJA 10:24

Afuni kweangma yi awi ti awi welagaukwa mene mondogat he, at Salomo eisena Allah nen endawinggen kagalek mene wogotikhe andi nen, yi wene ti wene inelu asuageluk inendawinggen kagalek mene yagaisugunem inesanggo holuogoluk waga lagaukwa.

1RAJA-RAJA 3:28

At Salomo nen wene andi higithogo pilingisogo tegetikhe andi nen, it afuni inunggulenu Israel mene inesanggo holhukwasik he, ”At Allah nen Salomo, yi wene ti wene higithogo tegeti logouwagaluk endawinggen kagalek mene wogotemo werek higi, ninailo e,” iluk Salomo inane agaukhogo fogeratukwa.

1RAJA-RAJA 4:29

Allah nen Salomo ba endawinggen wenggelek mene inom, elu mondok hokho mene inom, endawimo nen winggil wenggel fuluk hilingitu mene inom faget wogetikhe.

1 TAWARIKH 22:12

Tuhan Awene melalek yi'nogo hilingi'no ti'nogo hilingi'no iluk isikhe mene a'nogo higithogo haren it afuni Israel mene melalinafi logoinogen, At heisena Tuhan Allah andi nen hat enggaret hobagagik, heluet hobagagik, hilingiti logouwak.

1 TAWARIKH 29:30

Buku andem oba re at Daud raja logolik melalinafi lagaikhe mene inom, at omame welagaikhe mene inom, at ebeba agaikhe mene inom, kerajaan amu mene it Israel mene were'ma horok-horokwe welagaukwa mene andomaba agaikhe mene inom, pilingisogo palek werek.

ESTER 1:13

A'nogo hilingitukwasik he, at raja etokhogo wene it afuni andoma nen hilingiti logouwageluk melalek mene taganhogo hilingitu halok it ap wene mulik inelu inap inoba ninggi'nogo iluk heinok woginafi lagaikhemo a'luk he, wene he a'nogo nen hilingitikhe mene a'nogo faget ninggi'nogo hilingisigin iluk wene komo yaganesuageluk ap wene komo yagasugun mene omanogo wolinafikhe.

AYUB 12:18

Aren he it a'nogo ineabu sebel fisigik, it inebe hele warinafik ikherek,

KELUARAN 31:3

An nomame a'nogo at oba we wogetigi. An nen he at oba endawinggen wenggelek oba hilingisuageluk inom, yi wene ti wene mondogat elu asuageluk inom, at enggiba nen ekhe mene-ekhe mene mondogat ambelal weak hilingiti logouwageluk inom, An nareagun a'nogo at oba wogetigi,

KELUARAN 31:6

At Oholiab hun Ahisamakh amlogo unggulenu Dan mene a'nogo ogo re at lebethikhi logouwageluk An nen yanggulhigiat. An nen it tukang-tukang amu mene inoba ogo inelu mondok a'luk yi mene hilingi'ni iluk yagaisugunem hilingitu mene faget wogisasigi.

DANIEL 1:17

A'nogo wogisugu kwelek Allah nen he ap alage inebe enggaminogo mene aremnogo yi wene ti wene lisu palek mene andi inelu agik, inendawinggen mondok kagalek mene hilinglasuageluk hilinginafikhesik, at Daniel enek he, inabikanggo hagarek mene inom ineil fenggenek logolik inabi higit hagarek mene inom, Ebe ti'nogo hilinglasigin mene faget hegenma o, iluk higithogo yagaisikhi logouwagaluk wogotikhe.

DANIEL 10:1

Ap Koresy afuni Persia mene faget raja menlagaikhesik ferinarek logolik tahun henaganek meneba werek kwelek he wene ekhe at Daniel enu Beltsazar a'nogoba yagatikhe. Wene andi ebe eberogo mene oba nen, ebe yi'nogo faget iluk furogo fut fou re elo'lek mene yagatikhe. A'nogo yagatikhemo at Daniel en wene andi ebe ninggi'nogo faget he fut feile e. iluk hilingitunem en he, wene isikhe mene a'nogo faget ebe yi'nogo faget iluk Daniel abikanggoba yagatunem hasikhe.

DANIEL 11:6

A'nogo logombigen tahun miren mene hakhogo wela'luk raja o Mesir abel selatan fikhit ferinarek logogin mene andi re raja o Siria abel utara fikhit ferinarek logogin mene a'nogo inom mangosimbik, at a'logo a'nogo re hun raja Siria mene a'nogoba lombot fagain. Oba nen it inebe misik sebesugun mene andi re aninurogo logogun lek, nen at hele andi ebe wasugun, andi nen at agun inom omalik inom omanogo inoasugunat, nen amingmingengge at hondogoisogo fei logoin mene ogo inoasugun enek.

DANIEL 2:20

A'nogo fogerati logolik yi'nogo isikhe, ”Allah andi re inendawinggen kagalek welagaikharek andi inom, inomame hokho welagaikharek andi inom, ero re At werek, andi nen he Arenek fogeratu mondok logogun!

DANIEL 2:23

Allah an nombalagen fogethafi lagaukwa mene neisena. Niren, at raja nen nit hilingninabigiluk ili'lago mene andi faget hayonggo fogoma, ninane hesanggo holhendik, an nendawinggen kagalek mene hilingnafik, nomame wo'netik, egendik, wene hinago mene andi ebe at raja yagasigin mene yaganeten andi nen fogethafik, esinet hobagagik, ikhi lagi o, neisena,” iluk fogeratikhe.

DANIEL 4:14

A'nogo pi wagasik, ane hokhorogo mel ikhe: E ebe andi mugusogo potfisambik he, enggisok palogo lakfisigik, engga lologo pelakfisigik, enggen palogo hesangge-pesangge lakfisigik, ino o. A'nogo hilingiti logolik, yi wam ti wam e eroma weing la'luk nogoikherek mene andoma inom, sue e selebene awi wuthigik werek mene andoma inom, pugulogo wulakfisano o.

DANIEL 4:17

Nit malaikat Allah onggwarek faget tegelek logolik, kagalek welago mene nen wene arat tekhogo ogo mene re andi. Nit a'nogo ogo andi re, it afuni o kweangma yi awi ti awi werek mene nen he, Allah Enupogot yi mene ti mene enggiba welagarek mene andi nen he, ap inenupogot logolik ferinarek logouwageluk wogisikheresik, hobuk waganogo ap ekhe inebe yenggerugwi elo'lek meneat he, inenupogot logouwagaluk wogisikheregat higi, iluk inelu asuageluk a'nogo ogo andi, iluk ugunem yethigi o.

DANIEL 4:22

Henupogot mene noe. E andi ebe mondok uan-awan obakhe hokho mene re omame mondok hokho andi ebe re hat hebe aro. Hat henu werek welagen mene andi hokho arik laga logolik he, pogoroba higit lagagik, hawe a'ma ferinarek welagen mene andi re yi awi ti awi pogot ero-ero wialarik lili'lago andi faget hegen o, noe.

DANIEL 4:32

Andi nen he, hat hebe afuni inoba nen mugusogo lakhobagaumo, yi wam ti wam hinom o leimo andoma logogun. Andoma 7 tahun logolik, engga wam sapi nen ninggerek hak ninggi logogin. A'nogo 7 tahun arat logombik haren he, Ap inebe raja logolik afuni ferinarek welagaikharek andi re, At Allah Enupogot enggiba welagarek higi. A'nogo enggiba logolik, Aren, At andi hak ebe raja logouwak, iluk anggikherek higithogoat inebe raja logouwagaluk menfisikhere'ma, higi o, iluk hambeba nen fakhogo igin o,” iluk yaganete.

DANIEL 7:25

At andi nen ikhi logolik he, Allah Enupogot mene ebe mondok nabiro, iluk Allah onggwarek againafuri yi enggin ti enggin hilinginafi logogin. A'nogo logolik, Allah againafuri at Allah ane hologo higithogo hilingitarek mene andi inom, pesta Allah faget hilingitarek andi inom, hunogoat hilingisogo feigiluk walhagain. A'nogo walhikhi logolik, inebe enggi ferinarek 3 tahun inom tugi 6 en ekhe inom logogin.

ROMA 13:1

Hinogogwi kaindek pemerintah mene andi, ero alek mene fugo. Ero at Allah aro. Arenat menfisasikhemo kain welagaikharek andi nen he, hit hinebe lombok it inane hologo logoino o.

1 KORINTUS 1:30

At Allah nenat hit Kristus Yesus hinom hundik logobagaigeluk hinobagaikhemo welagep andi. Wene ninendawimo kagalogo logou hak he, Yesus ebeat wo'nisasikhe. A'nogo wo'nisasikhemo, aren he, Allah ninom hobuk ninambotkwe lambulogo ninobagagik, ninebe Allah faget ninobagagik, telninafik, ikherek.

YAKOBUS 1:17

Nineisena Allah pogoroba mene a'nogo nenat yi mene ti mene fano mene wo'nisigik, mondok higit mene pela'nisa wagik, ikherek andi. Arenat pogoroba selek welagarek mene andi elalhikhesik he, at ebe hunogoat hilinglagik, obabut munenogo mum agik, selek agik, ikherek lek.

YAKOBUS 1:5

Menere, at Allah obabut fano nen afuni mondogat endawi logolik wenagisigi'lek wogisikherek andi nen he, hit ekhe hinendawimo kagalek lek mene nen kino yagasumo hinendawinggen kagalek mene wogisagain aro.

WAHYU 19:16

Nen, at enu salek ekhe yi'nogo: ”Ap kaindek inenupogot mondogat inom, inogogwi kaindek mondogat inom, inoe kain Nenupogot he, an aro,” iluk asu uan mene a'nogoba inom, agoba inom, lisu palek were'ma higi o.