DANIEL 2:14 - Allah Wene Fano Wene Hupla Inane

¹⁴ A'nogo heraginafukwama, at raja agoromi at ebe serogo welagaukwa mene inoe enu Ariokh andi ap inendawimo kagalek logolik yi wene ti wene inelu mene arat inoarik lageluk ugunem en he, Daniel a'nogo at oba lagaikhe. Lagaikhesik he wene yagasigin mene iluk fik-foukhogo waluk lagaikhesik ane orok-orok mel yagatikhe:

DANIEL 2:14 ပူးပေါင်းရင်းမြစ်များ

KEJADIAN 37:36

At Yakub a'nogo werek kwelek, it afuni Median mene nen Yusuf a'nogo o Mesir waluk lagaukwasik, ap Potifar, at raja Firaun aiba kagalek welagaukwa mene inoe kain mene oba onggo wanhukwa.

YEREMIA 39:9

A'nogo hilingfuluk enek he ap o kota werek mene inom, nen it fena inonggwaregen it Babel mene inenggimo agaukwa mene inom he, Nebuzaradan tentara Babel mene faget inoe welagaikhe mene nen felelenghogo woginarek lagaikhe.

YEREMIA 52:12

Tanggal sepuluh tugi fuap meneba werek kwelek nen at raja Babel mene Nebukadnezar a'nogo nen melalinafi logolik were'ma nen enek tahun sembilan belas meneba were'ma, hun Nebuzaradan a'nogo re o Yerusalem wagaikhe. At andi eabu re hun Nebukadnezar wene komorogo yagatik, nen it ap raja kagalek werek mene omanogo faget kepala welagik, hilingiti lagaikhe agun.

YEREMIA 52:14

A'nogo hilingitikhesik, at agoromi mondogaren he o kota leget pa'leget a'nogo langgukhogo lakfesukwa.

DANIEL 2:15

”Wene ero enggin mene at raja nen ane omamerogo wulafe andi nenahalok?” iluk yagatikhe. A'nogo yagatikhemo, at Ariokh en ikhi logolik ”Wene ebe yi'nogo agama,” iluk Daniel pilingisogo yagatikhe.

DANIEL 2:24

A'nogo fogera'luk, at Daniel ebe ap Ariokh raja nen ap inendawinggen kagalek logolik yi wene ti wene inelu mene o Babel ekhema-ekhema welagaikharek mene omanogo inoasuageluk enggiba fesikhe mene a'nogo oba lagaikhesik he, mel yagatikhe: ”Haren ap inendawinggen kagalek logolik yi wene ti wene inelu mene andoma inebe inoatun o. Inoati'lek logolik, an nen at raja abi hikhe mene andi, Ebe ti'nogo hilinglasigin mene faget hegenma o, iluk yagasigen he, an nebe at raja oba wo'narek lan o,” iluk yagatikhe.