DANIEL 12:7 - Allah Wene Fano Wene Hupla Inane

⁷ A'nogo heinok wokhugunem an nesanggo holhugunem en he malaikat a'nogo enggi pogoroba liak fikhi logolik Allah eluk mondok welagarek mene a'nogo enuba hombuk palhi logolik yi'nogo ikhi laga, ”A'nogo hilinglari'lago mene andoma re hilingiti logolik werek kwelek enek he tiga setengah tahun asigin o. Nen, afuni Allah againafuri mene inoba enggin-fenggin hilingfisikhi logogun mene andoma mondogat ambisangma asi lamo nek he, yi'nogo ti'nogo elalin mene ari'logo mene andoma ogo wurep kobokhogo asi lagain o,” ikhi laga.

DANIEL 12:7 ပူးပေါင်းရင်းမြစ်များ

YESAYA 62:12

It andi inenu re: ”Againafuri mondok horek mene,” igik, ”Tuhan nen againafuri inagap telinafe mene,” igik, ikhi logogun o. Nen, Yerusalem faget enu re, ”Kota Tuhan nen endawi wanhe mene,” igik, Kota Tuhan nen herakfikherek lek mene,” igik, ikhi logogun.

YEREMIA 4:2

Hiren a'nogo hilingiti logogun iluk An nenuba hombuk palimbik, hineluk higithogo welagik, katokhogo hilingitik, eberogo mene nek hilingitik, hilingiti logogun halok he yi afuni ti afuni inunggulenu lombogen he An nen it fanoabet fisoageluk kino yaganeti logogun o, nen iren he An foget nobagakhi logogun aro,” Iluk ikhe isikhe.

YEHEZKIEL 20:5

An nen yagaheti lagi mene yi re it inoba yagaisan. An nen Israel mene wenaginafigisik, it faget hombuk palogo legeisogo fisasigi. O Mesir en he An nebe it inoba weinam agagisik nane it inoba yagaisikhi logolik, ”Hit hineisena Tuhan Allah re An aro,” iluk yagaisasigi.

DANIEL 10:5

A'nogo mendek logolik nelokhe liagaisogo were'ma nen he ap misik ekhe asu re yo lenen eil sakhorek meneba ugungge labere'ma omban he emas ebe meneba pukhogo were'ma higi.

DANIEL 11:13

Andi nen enggi pirenek meneba re raja utara fikhit mene a'nogo nen ap sikhe fisogo mene re, attak mene we horok endep hak oba nen esa mondok hokho mene logalogo fisagain. A'nogo logal fisambik inenggi higit asi wesigin meneba re aren agoromi tentara esa hokho mene a'nogo inom it inasungge hokhorogo omanogo inom waluk wesugun.

DANIEL 12:6

A'nogo mendek logolik, at ekhe nen he, at ekhe i elesi fikhit horokhogo mendek welaga mene a'nogoba heinok wokhikhi logolik he, ”Elalin mene hilinglari'lago mene oma re ki huli nen wurep kobok igin nogo?” iluk heinok wokhikhi laga.

DANIEL 12:8

A'nogo ugunem mondogat ikhi laga mene andoma an holhi ba nen he ebe ti'nogo faget ili'lago iluk mel futfigi'lek. A'nogo hilingitirik an nen heinok wokhigi, ”Neisena, mondogat andoma re, ambisangma ninggi'nogo wurep kobok igin nogo?” iluk heinok wokhigi.

DANIEL 4:31

A'nogo an raja nane oan ugu kwelek aremnogo ane ekhe pogoroba nen mel yaganete: ”Nebukadnezar henupogot mene yi. Hat faget wene yi'nogo werek andi holin o. Hat henupogot logolik, o ekhema-ekhema henggiba werek mene a'nogo re, hat hoba nen waganogo it ekhe inoba agama werego.

DANIEL 4:34

At Nebukadnezar a'nogo hilinglagaikhesik welagaikhesigen, hobuk mel isikhe: ”A'nogo werek kwelek 7 tahun logouwagaluk isikhe higithogoat welagagisik, neilenggen pogoroba liakfigirik were'ma, nobabut ambotkwe hebelagaikhe. Nobabut a'nogo hebelagaikhemo, Allah Enupogot eluk mondok welagarek mene fogeratik, esinet figik, igi. A'nogo fogerati logolik mel igi: Allah Henupogot mondok logolik, afuni inebe hobugalep ta'larik lagu kwelek andoma ferinarek mondok logoino o.

DANIEL 7:21

A'nogo anggigirik, neilenggen oba yerogo were'ma re, at andimuk endep mene a'nogo nen afuni Allah onggwarek againafuri inom weim yafi logolik, mabenet fisikhi laga higi.

DANIEL 7:25

At andi nen ikhi logolik he, Allah Enupogot mene ebe mondok nabiro, iluk Allah onggwarek againafuri yi enggin ti enggin hilinginafi logogin. A'nogo logolik, Allah againafuri at Allah ane hologo higithogo hilingitarek mene andi inom, pesta Allah faget hilingitarek andi inom, hunogoat hilingisogo feigiluk walhagain. A'nogo walhikhi logolik, inebe enggi ferinarek 3 tahun inom tugi 6 en ekhe inom logogin.

DANIEL 8:14

An holhunem en he malaikat misik ekhe nen onggo ikhi logolik, ”Andi re linggene seribu seratus lima puluh hari logombigen hilinglasigin. Andem a'nogo logogun sambul he yi mene ti mene hubet inom hu'mokwe inom fuluk, warogo nolhu mene a'nogo re wogeti logogun lek. Andi mondogat hilinglagunem enek he, o wene kabogeti logolik hilingitarek aiba andi pugunet lasigin o,” iluk ikhi laga.

DANIEL 8:24

A'nogo weinam asimbik at ebe omame mondok hokho asigin, oba nen he at onggwarek omameba re fuk. Aren he afuni weagerinafu mene mondok inailo mene, we nena wene faget hilingitunem higit enek aga logogin. Ap andi nen ap inalong werek mene inom Allah againafuri mene inom alomat inabigin.

LUKAS 21:14

Andi sambul he, hiren wene onggo yagaisogoin mene, an nen hinendawimo kagalogo yagahisamo re, it wene hinoba fogoin mene andi nen, hit hinane andi lego, iluk onggo ugun mene legasigin. Andi nen he, oan hilinghinafi'lek werek kwelek, hit hinendawimo nen, wene a'nogo mene noba fugu halok, nebe elele helageluk he, onggo ki mene yagaisagain, iluk hinendawinggen fiti'legat logoino.

LUKAS 21:24

Afuni fena re, karok oba inoatik, fena re, hele warogo o yi awi ti awi fisa lagik, ugun o. Nen, o kota Yerusalem ari, afuni endakwe mene ineisogen alperelogo fembik, o sebeli kwi wesimbik logogun meneat he, mondok sebelek logogun lego. We, Allah nen, It afuni endakwe mene, o Yerusalem huli andi hulibaat sebelek logogun, iluk anggasikhe higithogoat logogun o,” iluk Yesus nen yagaisasikhe.

ULANGAN 26:19

Nineisena Tuhan Allah nen afuni inunggulenu ekhe elalinafikhe mene andi, inunggulenu, we, endep elo'lek hangge werek kwelek, hirenek he, hinunggulenu hokho mene hilinghinabigin o. A'nogo hilinghinafunem, it afuni andi nen hit agaugwet hinafik, foget hinafik, ikhi logogun o. Nineisena Tuhan Allah nen wene wathisikhe hagat, hit hinebe at onggwarek againafuri mene hilinglasimbik logogun o,” iluk yagaisasikhe.

ULANGAN 32:36

Nineisena Enupogoren, againafuri telinabimbik, it afuni at amingmingengge mene, inomame legasimbik were'ma, it hilingisu elo'legen he, Aren eilenggen isambik endawirinabigin.

ULANGAN 32:40

An Allah nali'-nalegat, neluk mondok welagirek mene, An nenggi liakfulugen, nonggwarek nenu hombuk palogo, ikhi lagi.

ULANGAN 7:6

Hit hinebe Tuhan Allah againafuri esin mene hilinglasubagaigeluk, yi afuni ti afuni kweangma welagaikharek mene mondogat inunggulenu lombok inanggele'ma nen kigilogo wenagaisogo hinobagasikhesik hinayonggo fesikhemo hinebe eise At Tuhan Allah onggwaregat andi nen he, mondogat a'nogo hilingirik lano o.

1 PETRUS 2:9

Mene re, hit enek he, ”At Allah nen fano hilingninabi'logo,” iluk abok yagaisilik loageluk, hinebe o mum oba were'ma, at ebe elalinat selek mondok welagarek oba wesuageluk hinayonggo fesikhesik, hirat againafuri asuageluk wenakhinafik, at ebe eisewerek kaindek logouwageluk menhinobagagik hinunggulenu at onggwarek unggulenu mene salogo hinobagagik.” Nonggwarek nagainafuri,” iluk hinebe wokhinafik, isikhe andi.

WAHYU 12:14

A'nogo nikho andi nen, at agaiserogo o afuni le'ma logouwageluk, Allah nen obalik tegelogo fisasikheba andi tarogo loageluk, sue pim hokho mene ogolabi mene wogotemo tarogo andoma lagasik, Allah nen kwalogo werek kwelek, o mo lagagik, pigik, ugu kwelek, 3 setengah tahun welaga higi.

WAHYU 12:6

A'nogo waluk lagu kwelek, at he a'nogo o leimo afuni le'ma logogin oba, Allah nen obalik ekhe tegelogo fisasikheba andoma heise lagasik were'ma nenangorogo werek kwelek, enggi 1.260 nen welaga yethigi o.

WAHYU 13:5

A'nogo ugu kwelek, o mo lagagik pigik laga logolik tugi 42 huli folelik lagu kwelek, at mene olomene hangge hokho mene a'nogo onggwaregen fogerakhigik, Allah enu weagarogo figik ikhi logolik, afuni awe a'ma fisaluk ferinarek logouwageluk kisu hokho a'nogo nen eisewerek fikhemo yethigi.

WAHYU 4:10

it ap inaluendek inebe 24 omanogo nen, at kain eluk mondok welagarek mene a'nogo ineindep awi yagaisogo fogerati logolik, kware-kware inunggulmo ugu mene kirik-korokhogo, at kain welagarek obulu'mo a'nogo elokhoma yethikhi logolik he, yi'nogo ikhi lagaikha:

WAHYU 4:9

A'nogo ikhi logolik, hundik-handik at kain eluk mondok welagarek mene a'nogo ebe obuluk oba were'ma fogerati logolik, ”Nineisena kain welagendek mene harat hai wathafik, fogethafik, esinethafik, ikhi logogun o,” ugunem he,