DANIEL 12:3 - Allah Wene Fano Wene Hupla Inane

³ Afuni inendawinggen wenggelek logolik ferinarek welagaikharek mene andoma re o pogoroba ombak-bak werek andi hak selek ombak-bak eti logogun. Nen, it ekhe nen fano mene hilingitik, tiphogo hilingitik, ikhi logouwageluk yanggulinafi lagaukwa mene andoma re hesagal enggen hakhogo mondok-mondok faget selegeratu mondok logogun o,” iluk yaganete.

DANIEL 12:3 ပူးပေါင်းရင်းမြစ်များ

AMSAL 11:30

Ap fano hilingitarek mene re ineluk fanorogo halogo fakhaluk logogun, ap hebelek mene ombo'ne re ekhe inomat hokho aga logogun.

AMSAL 3:35

Ap hebelek mene re, enu ekhe inom fanot fakhikherek, oba nen he ap kembu mene re ekhe inomat weaget fakhikherek andi.

AMSAL 4:18

Ap weak hilingiri'lagwi mene andi inanggwe lagukwe mondok mumeak hilingi'mo re, ineisoga'lip silukhogo warogoin wenggelek le'ma pule pagarek. Oba nen he it ap fano hilingitarek mene andi inanggwe lagaikharekwe re mo yegelogo liabi wagunem endep hikhip hokho hikhip kweangma mondogat selegeraterek andi higit werek.

PENGKHOTBAH 12:9

Wene wenggelni andi re hebelek mene logolik endawinggen kagalek agun hilingi'mo re inelu agaikharek mene andoma afuni mondogat inoba yagaisasikhe. Komo wene omanogo mondogat ero pilingitikhesik, andi eberogo a, lega, iluk obabut palogo nen afe halhigik lisu palogo fesikhe.

YESAYA 53:11

Andi faget he Tuhan nen ikhi logolik, ”Enggin-fenggin andoma mondogat heinet warogo hilingfembik, at agaiyekhogo oba liok igin o isikhe. An namingmingengge andi re An nendawimo anggigirek mene higithogo hilingite, afuni hokhorogo unggum hela mene re at amu nen wanhe. Nen at alisikhogo An nen it inaweak sebelogo leget fisikhi logogin.

YEREMIA 23:22

Iren ambi An nendawimo fisogo welagi mene andoma inelu logoumo nen he, iren An nagainafuri inoba wene An nen ikhi lagi mene andoma yagaisikhi logoilep. Nen An nagainafuri inobabut weak hilingitik, inobaharo welagik, agarek mene andoma inobabut hebelilep.

DANIEL 11:33

Afuni inendawinggen wenggelek mene nen melalinafarek mene re afuni hokhorogo nen futfuluk hilingiti logouwageluk hilingiti logogun. Oba nen we inenggi miren hakhogo wela'lugen he it andem inanggele'ma nen fena endu oba hea, athe weim ambisangma nen hea, inoasugun, nen fena ekhe re inebe fakfisambik hele warogo woginarek logoin.

DANIEL 11:35

Nen, it fena inogogwi inobabut hebelek mene omanogo re inoasumo wa'lasugun, oba nen andoma re afuni Allah againafuri faget inobabut palharek hak asiginmo re, it inebe eberogo mene a'nogo weinam asigin. A'nogo nek hilingitu were'ma re o wurep kobok i lagain, andi re linggene At Allah nen wenagaisogo fikhe sambul a'nogoba asigin.

DANIEL 12:10

Wene yi nen afuni hokhorogo inobabut palhik, inendawinggen wurigabinafik inebe horogo fisigik ikhi logogin o. Afuni weak mondok hilingiti logogun mene re weak meneat hilingitu logogun, we it inendawinggen wenggelek mene nek he ebe ti'nogo faget iluk fut fogoin.

MATIUS 13:43

Nen, it afuni Allah endawimo anggikherek mene higithogo hilingitarek mene andi nek he, inebe o mo selekhogo yaterek hak, ineisena Allah awe a'ma logogun o, iluk hinesanggo holugun halok he, fanorogo holini o,” iluk yagaisasikhe.

MATIUS 19:28

at Yesus nen he, ”An nen eberogoat yagahisak. Hit an nombo'ne nikhi lagep mene yi re, yi mene ti mene Allah nen hobuk ket hunogoat hilingisumo nen, an abat ta'lasi wagagi a'nogo hobuk wesimbik, foge'nafu kwelek, nobalik oba andoma kain were'ma, hit nera'lu andoma hinobalik 12 nen talek oba kainat logolik, afuni Israel mene inunggulenu 12 nen omanogo hiren wene inoba figik, kotik, ikhi logogun o.

MATIUS 24:45

At Yesus nen a'nogo yagaisasikhesik he, hobuk ekhe mel yagaisasikhe: ”Ap kain mene ekhe againafuri kwelaginarek logolik inamburu wogisogoin higithogoat wogisikhi logouwageluk, at amingmingengge mene ayonggo fugunem, at endawimo kagalek logolik obabut oe ane igin mene higithogo hilingiterek andi sa anggegep. At andi oe andi nen menfuluk lagarego.

YOHANES 4:36

Ebe arat palhu halok he, ap ekhe awi yaterek mene inom, nen, ekhe enggen palherek mene inom, emberek inendawimo inagaiyek hoageluk, yogondak at ekhe enggen pali'logo mene andi onggo helili'logo andi ebe re, enggen palogo andogorogo fagarek hak, afuni ineluk mondok logouwageluk andogorogo fisili'logo andi aro.

YOHANES 5:35

At Yohanes andi ebe re, esage ibilogo fugunem yararet hikherek hak were'ma, hiren he, esage omba'-bak ninoba fikhi logouwak, iluk, elama fagerat hinendawimo hinagaiyek anggikhi lagagip andi,

KISAH PARA RASUL 13:1

Allah againafuri o Antiokhia andogoti lagaukwa mene omanogo, it ekhe nen Allah ane yagaisigik, it ekhe nen yagaisigik, ikhi lagaukwa mene inebe ap ekhe Barnabas andi, ekhe Simeon enu Ebe muli ikhi lagaukwa mene andi, ekhe Lukius o Kirene mene andi, ekhe Menahem, Herodes kain gubernur agailak emberek ambine kulinafukwa mene andi, ekhe Saulus andi, welagaukwa.

1 KORINTUS 3:10

At Allah obabut fano nen nayonggo fesikhemo re, o andi tik he, an o nendawinggen wenggelek mene nen watigimo nen, it ekhe nen oba loukhogo wuri'lagwi andi. Mene re, afuni inebe lombok, o tik andiba loukhogo wusuogeluk halok he, fut fulugen inendawi wenggelogo wusugun o.

EFESUS 4:11

Nen, sumburogo pelagisa wagaikhe andi ebe re, nit Allah againafuri ninebe mondogat Kristus ebe hangge were'ma, o wutarek hak wurogo ninobagagunem, ninebe mondogat Allah faget hilingiti logouwageluk he, ninebe lombok ninayonggo fuluk menninobagalik lagaikhe andi. It ekhe Allah ane waluk loageluk inayonggo figik, it ekhe Allah ane yagaisikhi logouwageluk inayonggo figik, it ekhe fano wene afuni endakwe mene faget yagaisilik loageluk inayonggo figik, it ekhe Allah againafuri kwelaginarek logolik wene yagaisikhi logouwageluk inayonggo figik, ninebe lombok a'nogo ninayonggo fesikhe andi.

IBRANI 5:12

Hit he, Allah ane attagat wanhigipmo re, hiren it afuni ekhe yagaisa elok meneat he, elo'lek andi nen, wene attak yagaisagarek mene andi, it afuni ekhe nen inoba yagahisogoin o. It yenggerugwi sumburu haro mene nogoin elo'legen, inagaisa ineilak enek nunggu welagaikharek andi hak, hit he, wene wurik mene yagaisogoin elo'legen he, wene attak yagaisagarek andi mene nek yagaisikhi logogun hinobabut hisikhi lagi o.

2 PETRUS 3:15

A'nogo hilingiti logolik, hinendawimo nen he: ”Ninoe Enupogot endawimo nen menenei uan ebeterek andi nen, weak-weak wagi'lek oan werek andi re, telninabigeluk eranenat oan nenangotninarek werek,” iluk hinendawimo anggano. At ninoe Paulus ebe ninendawi mene a'nogo Allah nen endawimo kagalhikhemo wene a'nogo iluk lisu palogo hinoba lakfei wagaikhe andi.

WAHYU 1:20

Nen, hesagal ebe 7 nen nenggi ebekwe fisogo were'ma hegen a'nogo inom, esage ibilharek ebe 7 nen eisok telik emas mene hilingik inom, heilenggen hegen a'nogo re, wene hinago mene andi nen he, fakhogo yagahesigo. Hesagal ebe 7 nen hegen andi ebe re, it Allah againafuri 7 gereja nen andogotarek mene andi, Allah nen malaikat inayonggo fuluk lakfisa wagarek andi hak, inayonggo fesikhesik fisasikhe mene isegen o. Nen, esage ibilharek 7 nen andi ebe re, it Allah againafuri 7 gereja nen andogotarek mene andiat isegen o,” iluk yaganete.

HAKIM–HAKIM 5:31

Nineisena Tuhan, at Sisera wato andi hak, afuni hat haselei mene ogo, a'nogo wa'lasuak. A'nogo meneat he, hat hagainafuri hendawi mene nek he, mo eil tilelek-walelek wagarek andi hak, it mondogat liarogo logouwago, iluk wuni watukwa. A'nogo hilinglagaikhesik oba nen, 40 tahun weim lek liolek fano welagaukwa.