DANIEL 12:1 - Allah Wene Fano Wene Hupla Inane1 A'nogo yaganetesik malaikat asu lenan su meneba laberek mene a'nogo nen nekhengge yaganeti logolik, ”Linggene andi sambul he, at Mikhael malaikat hokho mene hat hunggulenu mene kagalinarek welagarek mene andi weinam asi wesigin. Andi nen he inenggi ekhe enggin-fenggin hokho mene hogoin oba attak yi afuni ti afuni inunggulenu lombok welagaukwaba ogo ekhe hasukwa lek mene logogin. Oba nen he afuni hat hunggulenu mene mondogat inenu buku Allah nen meneba lisu palek werek mene andoma re inagap telinabigin. အခန်းကိုကြည့်ပါ။ |
DANIEL 12:1
48 ပူးပေါင်းရင်းမြစ်များ
An nagainafuri Israel mene re hinailosu fugo! An namingmingengge Yakub he hoak leigesu fugat! Hat inom hat hambisangma mene nen tagomangge mene inom he o kweang mondok yatma hit hinenggi hele warogo hinobagasukwama andoma nen hinagap telogo hinobagagin. Hit hinambotkwe hinaiba wesimbik hinailo legengge logogun. Hiren hinailoratu mene ekhe logogin lek, hinabolok legengge fano liokhogo logogun.
Yago, hit nabi hinap yi sani, hiren hobuk yi'nogo hilinglasigin iluk ikhi lagep andoma re hinane nen felal haluk yagaisigik, nen hinabikanggoba haluk ikhi lagep mene andoma hinane nen hineranhogo wene lalinafik, ikhi lagepma re, An nen hit hinoba unggum wokhisagain o. Hit he An nagainafuri wene paluogeluk andogotarek oba andoma hinom wene sikhiphogo palhi logogun lek. Hit hinenu re afuni Israel mene inenu palek were'ma anggele'ma nen terogo lakfisagain. Nen hit he hinawi hinonggwarek hinanggweang oba omanogo sugulogo wesugun legat. Andiba re hiren An Tuhan Lego Mondok welagirek mene a'nogo hinelu asugun.
Malaikat o Persia kagalinarek logolik werek mene a'nogo nen enggi 21 hari andem oba re an nomame leget nobagagin iluk hilingite. A'nogo hilingitemo nen he it malaikat melalinafarek mene misik ekhe enu Mikhael a'nogo nen an lebetnabi waga. Nen at ebere an nen o Persia andoma fuluk wagi o,” iluk yaganete.
Nen, kursi hurek welaga mene andiba nen, i endu mene elesi wilibisogo lagunem higi. Nen, yi afuni ti afuni inebe mondok hokhorogo ribuan mene re At faget hilingiti lagaikha. Nen afuni inebe inenggi wenasu mondok elo'lek jutaan mene re At elokhoma mendek welagaikha. A'nogo logolik, afuni inanema waganogo wene inoba figik, kotik, igiluk suesingga omanogo mondogat funggulhunem neilenggen yerogo welagi.
Haren he, nit ninogogwi fetninarek welagaikharek mene omanogo ninom yaganisikhi logolik, Afuni o kweangma yi awi ti awi welagaikharek mene andoma mondogat wene weak mene inoba figi'lek enggere, hit afuni o kota Yerusalem mene nek he wene enggin mene hinoba fagain o, iluk isigin higithogoat hilingninafen o, neisena.
Linggene andiba re, mondok mum hikhaksek mene wei imbik, mumeak meneba sebelinarek logogin. Tentara pulue esa logalogo re o hena tomkwe sebelik lagarek andi hak sebelinabigin. Wene a'nogo hilinglasigin andi hangge ekhe hilinglagunem hogorek mondok lek mene. Nen, hobuk ekhe hilinglagunem hikhi logogun mondok legat mene hilinglasigin andi.
A'nogo menfesikhe andi re, it pemerintah kain mene ekhe mondogat inom, inenupogot mene ekhe mondogat inom, inogogwi kaindek ekhe mondogat inom, kaindek it ekhe inawe a'ma ferinarek welagaikharek mene mondogat inom, inenuwerek yogondak werek mene inom, hobuk logogun mene inom, mondogat he, inenu sebelek werek kwelek at Kristus enek he, esin lego logouwageluk menfesikhe andi.
Nen, hat nagailak ekhe Allah eabu nemberek hundik mondok hilingiti lago a'nogo, it hemi inebe pire andi leberisanok iluk yagaheti andi. It hemi andi inom, ap Klemen a'nogo inom, it fenakwe an ninom Allah eabu misigat hilingiti lago mene omanogo inom, fano wene ninomamerogo ninom yagaisilik nikhi lago mene ninenu lombok, at Allah ambukuba nabulal-habulal hilinginabigin mene halok, inenu palogo fikherek a'nogoba palogo fikhemo werek.
At Mikhael, malaikat Allah nen yonggo pelakfisa wagarek mene inoe kain andi nen, it ap andi hilingiri'lagwi andi hak hilingisu ailo welagaikhe. Athe, Musa ebe warek faget, Iblis emberek wene palhi logolik, ane ninghogo wenagetikhesik wene oba fou elok meneat he, ailorogo, mel yagatikhe: ”Nineisena, Enupogoren wenakhesuago,” iluk yagatikhe.
At Allah nen pogot kweang oan elalhi'lek logolik, ”It andem ineluk mondok logouwageluk hilinginabigin,” iluk, inenu lisu palogo at Andomba Eak, it faget watukwa mene a'nogo Ambuku ba fesikhe. It inenu a'nogo lisu palogo fesikhe mene halok, mene olomene hangge hokho a'nogo fogerati'lek werek kwelek, afuni kweangma welagaikharek mene ekhe mondogat inendawinggen mene olomene hangge hokho a'nogoba himbiret fuluk fogerati lagaikha isigi.
A'nogo eisewerek fembik, Domba Eak a'nogo weim inom yabuogeluk ugun meneat he, at Domba Eak ebe afuni kaindek inenupogot inom, inenuwerek mene inom, mondogat inoe enuwerek lego mene arat andi nen he, againafuri wenaginafikhesik inayonggo fesikhemo inobabut at faget humbunhogo hilingitarek mene omanogo, at ebikhit agaikhasik, inomen, at mene olomene hangge a'nogo agoromi inom mabenetfisogoin o,” iluk yaganete.
A'nogo legagu kwelek, afuni wa'lagaukwa mene inenuwerek inom, inenu lek mene inom, at kain obuluk oba werek a'nogo elokhoma mendek were'ma isigi. A'nogo werek kwelek, suesingga mondogat fikhalhik, suesingga ekhe afuni ineluk mondok logouwageluk fanorinabigin mene halok inenu lisu palek mene fikhalhik, ikhi laga. A'nogo fikhalhaluk, it afuni wa'lagaukwa mene inobabut hilingiti lagaukwa mene suesingga andomaba lisu palek mene higithogoat wene inoba figik, kotik, ikhi laga higi.
Sa nen omame asigin halok he, su kut mene labetfagain o. Nen, an it afuni inelugerinafirek mene halok inenu buku eluk-eluk meneba palek werek a'nogo terogo lakfisagain lek. An neisena inom, malaikat yonggo lakfisa wagarek mene inom, ineilhanem, it yi an nagainafuri o, iluk inenu fakhogo yagaisagain,
Heinok a'nogo wo'niugunem, an nen he, ”Noe, an nonggot. Hat enek he, helu welagen o,” iluk yagatunem, aren he, mel yaganete: ”It afuni yoma re, o kweangma were'ma afuni ekhe nen yi enggin ti enggin hokhorogo hilinginafunem, Allah nen telinafikhemo, inasu Domba Eak amep oba arat kut mondok sobalaga mene o.
ကြော်ငြာတွေ