DANIEL 11:45 - Allah Wene Fano Wene Hupla Inane

⁴⁵ A'nogo hilingisimbik aren he kerajaan andiba o tenda re i laut en hilingi'luk, tom o Tuhan awi wuri'mo nen hilingi'luk tulem andoma wusigin. Oba nen hobugen he, at ebe wa'lasumo re ap misigen iluk ogo ekhe lebethogoin mondok lego,” iluk ikhe.

DANIEL 11:45 ပူးပေါင်းရင်းမြစ်များ

MAZMUR 48:2

Nit nineisena Allah Awi kota horek mene andiba re, Ibi eberogo nen At Tuhan ebe lego mondok were'ma, esinet fagarek mene werek.

YESAYA 10:12

Oba nen Tuhan nen ikhi logolik he, ”An nen punu Sion oba inom nen o Yerusalem oba inom hilingiti lagi mene andoma mondogat neilenggen hambik he, An nen ap raja Asyur mene andi winik-wonok ikhi logolik onggwarek legeisogo fakhili'lago mene andi unggum wogosigin o,” ikhe.

YESAYA 11:9

Allah andom Sion fano Horek meneba andoma re inaninirogo hilingitarek mene inom, weak hilingitarek mene inom, logogin lek. O kweang andiba mondogat he, i nen laut agum hopot fikherek andi hak, Allah inelu agaikharek mene andi nen hoporek logogin.

YESAYA 14:13

Hat hebe pogot hophogo lagai lagagendik he, hat hebe hurek welagen mene a'nogo re hesagalenggen amu mene amboloba legeisogo fesigin. Haren anggikhi logolik abel utara fikhit it dewa kabogetarek oba andoma an raja mendek logogin anggasigin.

YESAYA 2:2

Hinenggi hobuk logogun andem oba re, punu o Tuhan Awi wuri'mo andi re ekhe sebelek kwelek andi nek he mondok lego mene wolonghogo liabe'ma re, yi afuni ti afuni inunggulenu lombok andoma uluk-uluk waga logogun.

YESAYA 27:13

Inenggi andi sambul he afuni Israel mene re o Asyur inom Mesir inom huginabi lagaikha mene omanogo sugulogo inambotkwe wesuageluk trombet ane hokho meneba futhogoin. It wesimbik he o Yerusalem punu horek mene a'nogoba ineindep awi yagaisogo Tuhan fogerasi wesugun.

YESAYA 65:25

Olomene serigala inom domba eagwi inom engga misikwe ninggi logogun, mene singa re sapi nen ninggerek hakhogo engga puk mene ninggi logogin, kisu re inali'lip aga logogin lek. Punu An nen mondok horek mene andi bene mondogat andoma re, afuni inoba ekhe weaget fisigik, kwanirek mene ekhe hilingitik ikhi logogun mondok lego,” iluk ikhe.

YESAYA 66:20

O kweang andomaba nen he it sugulogo waga logolik hinagaila'lak hit hinunggulenu mene An nagaiyekhogo iluk wo'nesuogeluk woginarek wesugun. Iren afuni andoma woginarek he o Yerusalem An nandom mondok horek meneba andoma, afuni Israel mene nen inetokhogo gandum obalik fanonggeba talogo An Tuhan naiba wo'nesi weri'lagwi a'nogo hakhogo, iren kuda inom, keledai inom, unta inom, kereta pedati ba wurik mene inom, oba liakfembik waluk wesugun o.

YEHEZKIEL 39:2

An nen at hobuk elokhe hal-hal o yatma utara fikhit andoma nen waluk wulibi lambik Israel mene inandom oba andoma waluk wesigin.

DANIEL 11:16

Raja utara fikhit mene andi nen he, ap inom weim yabu elo'lekhogo we at endawimo anggaluk enek hilingiti logogin. Aren he, kweang elokhe mondok fano mene a'nogo sebeli kwimbik he at omame a'ma sebel fakhambik logogin.

DANIEL 11:41

Nen, kweang elokhe mondok fanoma a'nogoba nen ogore, pin kwikhi logolik ap inebe hokhorogo teng pire henagan hakhogo inoasugun. Oba nen he, kerajaan Edom inom, Moab inom, nen kerajaan fena esin mene o Amon oba andoma inom he, inagap telasigin.

DANIEL 11:44

A'nogo hilingisumo nen he, it timur fikhiren inom utara fikhiren inom wene at youk loageluk ekhe hilingfogoin. Ma re aren weim elohke weak mene yafi logolik ap mondok hokhorogo inoasigin.

DANIEL 2:35

Aremnogoat he, posiemanggen inom, kweang tangge mene inom, tembaga inom, perak inom, emas inom, omanogo mondogat wolelenggen tagalogo hilinglaga andi. A'nogo hilinglaga andi, o hibiba afuni nen gandum enggen folhi logolik afulfulengge wulakfisugunem sogoien funhogo waluk lagarek andi hak waluk lagama re, obuluk ekhe welaga hegen mondok lek andi. A'nogo meneat he, helep, afuni inalik waganek mene ebe wolelenggen tagalogo legetfikhe mene andi nek he, mondok hokho tom hangge hilinglagasik o kweangma yi awi ti awi mondogat sebelek were'ma yethegen andi, noe.

DANIEL 7:26

A'nogo ferinarek were'ma, o pogoroba wene inoba figik kotik ikherek oba omanogo nen wene arat tekhogo imbigen enek he, at andi nen enggiba ferinarek logogin mene andi telogo wanimbik he, ebe wolelenggen tagalogo legetfisogoin.

DANIEL 8:25

At awenggelek mondok weak logolik hilingitunem he aren lalogo hilinginafu mene andoma re ambisangma higit enek aga logogin. At ebe onggwaregen leget fakhikhi logolik attak ineluet figi'legengge mondabi weagerinafi logogin. Andi nen At Raja Mondok Hokho mene a'nogoba nen ogore ailo lek engge, inom weim yafi logogin. Oba nen at ebere afuni inomameba re lek oba nen amu wolelenggenhogo lek asigin.

DANIEL 9:16

Neisena. Haren attagat hendawirogo telninafi lagagin andi hak, yogondak ha'mage lagaluk, o kota Yerusalem inom, honggwarek handom oba inom, weaget fesigin andi hendawimo fano a'no o, neisena. Nit ninebe nen inom, ninombalagen inom, ninobabut weak hilingitik, kwanirogo hilingitik, ogorek andiba, afuni ninera'lukwe welagaikharek mene nen he, nit hagainafuri inendawimo seramet ninobagagik, nen, o kota Yerusalem inendawimo seramet figik, ili'lagwi o, neisena.

DANIEL 9:20

An nen Allah ayonggo a'nogo fikhi logolik, an nonggwarek inom, afuni Israel ninunggulenu misigat mene inom, ninomen Allah ane sagalogo weak hilingitugu mene omanogo fakhogo herakfisaluk, Tuhan Allah onggwarek awi meisalhukwa mene andi hobuk ambotkwe obulu'mo wusuagaluk kino yagati.

YOEL 2:20

Nen, pulue esa abel utara fikhiren elang paluk weri'lago mene andoma hit hinoba nen silogo lakfisagain o. A'nogo lakfisikhi logolik, fena re o Bini leikwe andoma silogo lakfisigik, nen esa attak mene re, i Laut Mati yenggelek higit andoma loageluk miminginafik, esa logalek hobuk mene re, i Laut Tengah andoma tamakhogo lakfisigik, igin o. Iren hit mondok weagethinafa andi nen he, An nen it inebe mondok a'nogo lakfisamo, wa'lasimbik amben mondok weak mene sang igin,” iluk yagaisasikhe.

MIKHA 4:2

A'nogo we'luk iren ikhi logolik, ”Nit he, afuni Israel mene ineisena Tuhan Allah aiba lagauwogen we'ni o. Lagaumo re, At ebe o Sion kota Yerusalem oba logolik, ane At againafuri yagaisigik, komorinafik, hilingiti logogin andiba re, Aren nit wene hilingiti logogun mene yaganisugunem, higithogo hilingiti logogun nen he, lagauwogen we'ni o,” iluk ikhi logogun.

ZAKHARIA 14:8

Inenggi andi sambul i eil habup mene o Yerusalem en wulibi wesigin. Wilibi wesumo re, i andi minggilogo re Laut Mati ba kwelabi lagik, nen fena re, Laut Tengah ba kwelabi lagik, ikhi logogin. I andi re tahun hundik-hundik andoma o hibiba ogo nen meisoba ogo lagu mondok logogin.

BILANGAN 34:5

Andem en haningisogo re tonggo o Mesir inom huli-hulimo andoma nen he wurep kobokhogo i Laut Tengah ba huli-huli watfesukwa.

2 TESALONIKA 2:4

At andi ebe weinam asimbik, Allah awi wuri'mo menlasi kwimbik he, onggwaregen fogerakhikhi logolik yi'nogo igin: ”Afuni nen, yi mene ti mene oba himbirik logolik fogeratarek mene inom, hineisena ebe yi, iluk agarek mene andi mondogat inom, elo'lek enek meneat he, esin allah nebe an aro,” iluk ikhi logogin andi.

2 TESALONIKA 2:8

at obabut mondok weak mene a'nogo weinamhogo wesigin. Wesimbik he, weak hilingitu were'ma, ninoe Enupogot Yesus fogeratu kwelek hobuk waga logolik eleage nen furogo ebe warogo mondok leget fisagain.

WAHYU 20:2

A'nogo waluk pi wagasik, at kisu hangge hokho o endam en welagaikhe mene enu Iblis igik, Satan igik, agarek mene a'nogo, ebe fakfuluk, yi afuni ti afuni lalinaferek andi hak lalinafi'lek 1.000 tahun enggi hele warek kweang a'ma ma'lima logouwageluk pelafesik, kwe kolok yagarogo kwelakfisagarek andi hak, kwe kunci yagarogo fugunem higi. Andoma logombigen, fikhalogo liakfei wesugun obaat we endebat faget fikhalek logouwageluk fikhalogo liakfei wesigin.

WAHYU 20:9

A'nogo andogotasik, afuni Allah againafuri o kota Allah awi sili endawinggen hundik mene a'nogo esa folhasik were'ma o larogo inebe inoasuogeluk o peterogo kwi wesuogeluk ugunem he, endu pogoroba nen pi waga logolik, inebe hali luphogo ninggi laga isigi.