DANIEL 11:40 - Allah Wene Fano Wene Hupla Inane40 A'nogo hilingiti logolik were'ma nen raja utara fikhit mene faget werek mene a'nogo at along werek mene faget arat wurep oba asi wesigin se'ma andem he, at raja selatan fikhit faget werek mene nen weim sineli lagain. A'nogo hilingisumo re, raja utara fikhit faget werek mene a'nogo nen ogo onggo weim sineli wesumo re, weim andi re mondok anini weak mene yabugun. Aren he kereta weim yabik lagaikharek mene, kuda inom kapal inom, lirisambik he, i fu waga logolik hilingiterek hakhogo kwikhi logolik, o ekhema-ekhema mondogat sebelik-sebelik lagain. အခန်းကိုကြည့်ပါ။ |
DANIEL 11:40
24 ပူးပေါင်းရင်းမြစ်များ
Yethani, ninaselei mene re ohena hakhogo weinam agaikha a'li. It inangge kereta weim yabuogeluk lagunem he sogoi sielu nen hilingiterek hangge, nen inangge kuda ba lagunem he sue ikwesahop he aninurogo tarogo lagarek oba nen mondok furungwarogo lagarek. Ariginik hilingi'mo re, eigei, nit he alomat ninabugun higi! Nit leget ninabuogeluk werego!
An nen at elokhe kwe palogo fagain, at ambe unggutmo mata kail kelogo agoromi esa logalek engge inom lirinapluk wulibigin. Ap esa aren mene logalek kuda waluk lagaikharek mene re inasu eil misik mene nek laberek mene. Nen it ap sikhe fisogo inap andoma re inebe lombok tok ma'mungge inom karok inom waluk lili'lagwi.
A'nogo hilingisumo re it raja utara fikhit mene faget werek mene a'nogo agoromi weim yabugun nen iluk fik-fouk esimbik tentara esa hokho mene folugun. A'nogo folimbik it mene andem ap misik ekhe andi re i fu waga logolik hilingirik wagarek hakhogo kwi wesigin. A'nogo kwi waga logolik enggi pirenek meneba re pin kwikhi logolik it aselei mene nen inawi himbirengge helep huguloak wurik omanogo meisa'langkuk isilik kugun.
Andi nen enggi pirenek meneba re raja utara fikhit mene a'nogo nen ap sikhe fisogo mene re, attak mene we horok endep hak oba nen esa mondok hokho mene logalogo fisagain. A'nogo logal fisambik inenggi higit asi wesigin meneba re aren agoromi tentara esa hokho mene a'nogo inom it inasungge hokhorogo omanogo inom waluk wesugun.
Andi nen at ailo mondok legengge tentara esa hokho mene andogerinabigin. At raja selatan fikhit werek mene a'nogo agoromi tentara esa hokhorogo inomame hokho mene inomen at inom weim yabi logoin iluk fik-foukhogo hilingfisugu kwelek a'nogore weim a'nogo sineli kwigin. Oba nen he, raja selatan fikhit mene a'nogo re, aren alomarogo hilingisumo re hambuget ha elo'lek asigin.
Nen, it fena inogogwi inobabut hebelek mene omanogo re inoasumo wa'lasugun, oba nen andoma re afuni Allah againafuri faget inobabut palharek hak asiginmo re, it inebe eberogo mene a'nogo weinam asigin. A'nogo nek hilingitu were'ma re o wurep kobok i lagain, andi re linggene At Allah nen wenagaisogo fikhe sambul a'nogoba asigin.
Aren he ap dewa pok mene inoba apne wanharek mene omanogo wenaginapluk he helep huguloak wurik mene omanogo kagalek logouwageluk ekhe inom omamet fikhi logogin. Nen, ap sa nen dewa andi eberogo iluk fagetu halok onggore inalong anggaluk legeisogo liak fisigik, yabu lego mene wogisigik, nen onggo iluk kweang wogisigik, ikhi logogin.
A'nogo yaganetesik malaikat a'nogo nen ekhe yaganeti logolik, ”Daniel, buku fikhal higi'lek were'ma nek he o wurep kobok igin enggere, yogondak yinggilogo fuluk he amusu somuk amusu hangge meneba yugulogo te'merogo re enegenggerogo fein o. Afuni hokhorogo nen he yi'nogo ti'nogo agarek mene andoma faget fut fogoin iluk hilingiti logogun. Oba nen he, iren hilingiti logogun mene andi re we alomarogo hilingiti logogun o,” iluk yaganete.
A'nogo yagatemo re at Gabriel an nelokhe fikhit welagangge a'nogo an nera'lu asi waga. Wagunem an nailo mondok agarik noak leikhogo kweangma hulambeti. A'nogo hulambetimo at Gabriel en an noba yaganeti logolik, ”Hat ap warek hangge mene yi, haren habikanggo hegen mene andi re o wurep kobokhogo hilinglasigin mene faget hegen o,” iluk yaganete.
Nit telfol nisogoin iluk wagunem, Hat handogen nit ninom weim palek mene esa logalogo weri'lagwi mene omanogo it sikhe fisogo mene tentara re sogoi sielu hakhogo wagu kwelek he, inanggele'ma pisinghogo kwelafi lagen. It afuni ekhe nen he samik-samok afuni inangge lek inelagaik mene sebelogo fisagarek mene hangge inagaiyegen endo ari'lagwi.
ကြော်ငြာတွေ