DANIEL 11:4 - Allah Wene Fano Wene Hupla Inane

⁴ Oba nen at omame logogin mene a'nogo hokho aga logolik andem he o kerajaan aren mene a'nogo minggilaga logolik akhogo enggaminogo hilinglasigin. A'nogo hilinglasumo re raja at eisok erokwe mene lek oba nen it ekhe amu mene nen at obali'mo ferinarek logogun, oba nen it he at omame logogin andem hak hilingik logogun lek.

DANIEL 11:4 ပူးပေါင်းရင်းမြစ်များ

MAZMUR 39:6

An nebe umur neluk welagi mene ari re Haren we mondok horokhogo enogo fegen! An neluk welagi mene ari faget he, Haren he amungge weak-weak legagarek andi hakhogo hilingik welagen. Eberogo nenat he, afuni ineluk andi re inele age futhugunem hangge hilingik,

PENGKHOTBAH 4:8

Ap ekhe eisok we misik mene re at againafuri lek, nen agaila'lak ogo legat mene werek. A'nogo werek meneat he aren yabu nek omamerogo hilingirik lagarek andiba angge andoma nen oba homot fikherek lek. Andi nen he aren agaiyek hikhi logolik werek mene a'nogo herakfuluk likhak wulagaisogo hilingiri'lago mene andoma re sa faget hilingirik lagarek nogo? A'nogo hilingitarek mene andoma ogore we alomarogo aro, nen andoma re inoba enggin-fenggin hikhi logolik mondok werek.

YEREMIA 12:15

Oba nen mondogat lologo fisambik enek he An nen nekhengge it inoba inendawirinabigin, it inunggulenu lombok he An nen woginarek inonggwarek inanggweang oba fisa wesigin.

YEREMIA 12:17

Oba nen he it inunggulenu An nane higithogo hilingitarek lek mene halok, An nen kweangma yago mene sanokhogo lakfisagarek hak inebe leget fisagain. Iluk An Tuhan nen nane mondogat igi o,” iluk ikhe.

YEREMIA 18:7

Ma re linggene misik sambul ekhe An nen okerajaan hea athe inunggulenu ekhe mene hea, waganogo wanhik, halik halokhogo figik, wolelenggen tagalogo figik, hilingisigin iluk ugunemen,

YEREMIA 31:40

O tonggo andi mondogat afuni salinafukwe iluk welagarekwe andoma inom, weak-weak engge hugesi lagukwe andoma inom he, i Kidron ima nen yabu waganekwe andoma kwe nen he kwe ambe palek enu Pintu Gerbang Kuda abel timur fikhit andoma re An nobaget enogo fogoin. Kota Yerusalem andi re afuni nen hobuk molulukhogo figik, wolelenggenhogo lakfigik ugun mondok lego,” ikhe.

YEREMIA 45:4

Barukh ahwi! An Tuhan nen wutirek mene andoma re An nenat molulukhogo lakfisigirego, nen, An nen yatirek mene andoma re An nenat henetirego. O kweangma mondogat he An nen a'nogo nek hilingiti lagi.

YEREMIA 49:36

An nen o Elam oba andoma sogoi pogot unggut polikwe malikwe elikwe yikwe mondogaren funhogo lakfei wesigin, Lakfei wesumo afuni inebe re An nen unggut andem higithogo lakfisamo re, o andoma bene ap Elam mene sumburogo lakfisagain lek oba ekhe logogin lek.

YEHEZKIEL 37:9

Allah ane an noba ikhi logolik, ”Afuni wa'lagaikharek mene yi re, sogoi oba hane in o. Hat hane ikhi logolik he An Tuhan Lego Mondok welagirek mene a'nogo nen at oba re o unggut fena-fena mondogaren sogoi funha waga logolik ap warek oma inambotkwe ineluk asuageluk set kwelakfisa wesuak ikhe,” iluk yagaisan yaganete.

DANIEL 7:6

A'nogo holhirik, neilenggenat penetu were'ma nen he, it singa hangge mene inom, paik hokho mene hangge inom, inebe pire a'nogo wulibi wagaikhasik oba nen ekhe posi hangge hokho mene enu harimau wulibi waga mene re, ambot oba ogolabi sue ogolabi hangge enggaminogo hilingi'mo re, unggul he enggaminogoat hilingik welaga. A'nogo hilingi'mo at ebe mondok along palonghogo hilingi'mo higi.

DANIEL 7:8

A'nogo yethigirik, neilenggen andimuk andoma yerogo were'ma re, aremnogoat andimuk 10 nen andem werek kwelek anggele'ma andimuk ket mene ekhe wulifunem higi. Andimuk andi ebe magenggelak meneat he, andi wilifi logolik wogolik-wogolik he andimuk attak mene aremnogo henaganek mene henogo lagunem higi. Andimuk mage mene andi eilenggen afuni ineilenggen hangge werek mene re, ambeba nen fogerakhugunem higi.

DANIEL 8:22

Andimuk attak mene somborogo pugu kwelek andimuk ekhe ket mene weinam agunem hegen andem he, kerajaan Yunani andiba minggil-manggal aga logolik he kerajaan ebe minggilogo enggaminogo hilinglasigin mene faget hegen, oba nen he it enggaminogo andemen he kerajaan attak mene omamerek logogin andi hakhogo ekhe inomamerek logogun lek.

DANIEL 8:8

Kambing ai mene a'nogo re ebe hokho aga laga. Oba nen he at ebe omame werek mene asi lagagunem andem oba re at andimuk hokho mene a'nogo sombologo lagunem higi. Andi nen obalikwe a'nogo re andimuk enggaminogo mene ngasimnurogo wulibi waga laga. Wulifunem he andimuk andem ebe lombok he efe hebelhigik amu-amu hilingik welaga.

ZAKHARIA 2:6

Tuhan nen At againafuri inoba ikhi logolik he, ”An nen hit hinebe o onggut-onggut, esanggo-esanggo telfol hisasigi. Oba nen, yogondak he, yago! Hit afuni hele warogo fisagarek oba welagep mene andoma re, o Babel en heise wilibimbik weak-weak hinambotkwe o Yerusalem we'ni o.

ZAKHARIA 6:5

aren onggo yaganeti logolik, ”It he Tuhan pogot kweang elalhikhe mene a'nogo inom ambi agaikhasik he o kweangma yoma unggut enggaminogo aremnogo higithogo lili'lagwi ari o,” iluk yaganete.

MATIUS 12:25

at Yesus nen it inendawimo anggasukwa mene enegat futfisasikhesik he, mel yagaisasikhe: ”Ap kaindek inenupogot inagoromi inawe a'ma ferinarek welagaikharekwe lombok, it-it inom hulit fakhaluk, inom weak logogun halok he, maben asugun o. Nen, afuni inawi sili lombok misigat mene inom, ap inebe lombok inagainafuri inom, hulit fakhaluk inom weak logogun halok, weak asugun aro.

LUKAS 12:20

at Allah nen he, ap yi, hendawinggen mondok lek yi ri! Yogondak hubanggo yi arat hareagun selokhogo wulakfisa wesigin o. Wulakfisa wagunem, hagarek mondok hokhorogo andogorogo fakhegen andoma sa eise asigin anggegen, iluk yagatikhe.

WAHYU 7:1

A'nogo neilenggen isigiri'mo nen, ombo'nere, ap malaikat inebe enggaminogo mene nen pogot erokwe po'likwe-ma'likwe elikwe-yikwe sogoi funha wagarekwe, kwe elugun sebelogo mendek logolik, sogoi enggaminogo mene nenat kweanggwe funha waga logolik engga abologet higik, i laut yenggelek kwe funha wagik, inogo iluk inenggi fisogo were'ma yerisigi.