DANIEL 11:36 - Allah Wene Fano Wene Hupla Inane36 Raja utara fikhit mene a'nogo nen he, at endawimo anggikherek mene nek hilingiti logogin. A'nogo hilingiti logolik awonok oba aren ikhi logolik he, ”Dewa amu mene ogo werek oba nen, Allah Mondok Lego mene andi werek oba nen, an enek he mondok hokho nagun welagi o,” iluk ikhi logogin. Aren a'nogo ugu mondok were'ma nen he Allah anini a'nogo mondogat wurep kobok i lagain. Andi re Allah nen hilingisigin iluk foukhogo fikhe mene andi re mondogat asi lamo nen asigin. အခန်းကိုကြည့်ပါ။ |
DANIEL 11:36
47 ပူးပေါင်းရင်းမြစ်များ
O attagenat raja Asyur mene ebe noligin oba re foukhogo fesikhemo werek. Obalik andi re eil uanhogo ma'limaba hilingi'mo elonggo wogole'ma re noligin mene eilem warogo liagaisogo fikhemo werek. Tuhan nen At onggwarek set meneba futhamo re i eil mep mene enu belerang meneba fisagaisogo kwelakfoumo re amulok kulunghogo uan-horok lagagin.
An nen o attak andomaat hobuk hilinglasigin mene faget yagahisasigi aro, attagenat An nen hobuk yi'nogo hilinglasigin iluk mondogat isigi. An nen ikhi logolik, ”An nane tekhogo igi mene andi mondogat he hobuk higithogoat hilinglasigin o. An nendawimo anggigi mene hilingi'mo re eberogo nenat An nen tiphogoat hilingisigin aro.
”Afuni wa'lagaikharek mene yi re, raja Tirus mene oba re yi'nogo yagaom, An Tuhan Lego Mondok welagirek mene a'nogo nen raja Tirus meneba ikhi lagi mene andoma yagaom o, ”Hat he honggwaregen leget fakhikhi logolik an nebe re dewa kembu i laut enggen tulem andoma hurek welagirek mene anggikhi lagen. Fano haren an nebe dewa welagi iluk anggikhi lagen oba nen he hat hebe ap we mene welagen a'nogo ebethano.
A'nogo heinok wokhugunem an nesanggo holhugunem en he malaikat a'nogo enggi pogoroba liak fikhi logolik Allah eluk mondok welagarek mene a'nogo enuba hombuk palhi logolik yi'nogo ikhi laga, ”A'nogo hilinglari'lago mene andoma re hilingiti logolik werek kwelek enek he tiga setengah tahun asigin o. Nen, afuni Allah againafuri mene inoba enggin-fenggin hilingfisikhi logogun mene andoma mondogat ambisangma asi lamo nek he, yi'nogo ti'nogo elalin mene ari'logo mene andoma ogo wurep kobokhogo asi lagain o,” ikhi laga.
A'nogo yagaisasikhesik, Daniel mel yagatikhe: ”Daniel. Afuni nen hunogo mene faget, Nineisena ebe yi aro, iluk fogeratarek mene andi, elo'lego. Mene re, we hat heisena Allah andi nek he, mondok esin lego mene werek. Ap raja-raja nen afuni inawe a'ma ferinarek welagaikharek mene andoma re, At enggiba nek welagaikhare'ma o. Haren he, wene hinago mene andi, Ebe yi'nogo hilinglasigin mene faget hegenma, iluk fakhogo yaganeten andi nen, Allah nen yi wene ti wene hinago mene fakhogo eberogoat yagaisikhere'ma higi, iluk futfigi o,” iluk yagatikhe.
Afuni inunggulenu lombok o kweangma welagaikharek mene mondogat elo'lek enego. Hat Allah re, malaikat pogoroba mene inom, afuni kweangma mene inom mondogat hendawimo anggikhi lagen higithogo hilingfisikhi lagen, neisena. Hat hendawimo anggikhi lagen mene hilingisigiluk ugunem, afuni ekhe nen, Ninggi'nogo hilingisigiluk, iluk ailo legengge heinok wokhabumo re elo'lego neisena, iluk fogerati.
A'nogo wogotikhe andi nen, at ebe kain were'ma, afuni mondogat, inunggulenu lombok, ineisok erokwe lombok, inane lombok, at ebe inailo nen inoagelekwe abolok ikhi lagaukwa. Aren afuni ekhe inoasigin anggaluk halok, inebe mondok inoati lagaikhe. Nen, telinabigin anggaluk halok, telogo fisikhi lagaikheat. Nen, aren, afuni ekhe inebe sebelfisagain anggaluk halok, sebelfisigik, legetfisagain anggaluk halok legeisogo fisigik, ikhi lagaikheat.
A'nogo meneat he, at onggwaregen, An elok, iluk foget fakhiki logolik, ungguloak helep mondok hilingitik, afuni inoba wiik-weakhogo hilinginafik, ugunem, Allah nen he, Hat henupogot logogin lek, iluk futfesikhesik, afuni inalilingge korogo wokhagarek andi hak, at enu laga lagaikhe mene a'nogo oba nen korogo wokhasikhe aro.
A'nogo yethigirik, neilenggen andimuk andoma yerogo were'ma re, aremnogoat andimuk 10 nen andem werek kwelek anggele'ma andimuk ket mene ekhe wulifunem higi. Andimuk andi ebe magenggelak meneat he, andi wilifi logolik wogolik-wogolik he andimuk attak mene aremnogo henaganek mene henogo lagunem higi. Andimuk mage mene andi eilenggen afuni ineilenggen hangge werek mene re, ambeba nen fogerakhugunem higi.
A'nogo hilingi'mo higiri'mo nen he, domba a'nogo andimuk en he barat fikhit inom utara fikhit inom selatan fikhit inom talhi laga higi. A'nogo talhunem he it wam amu-amu mene re at elokhoma kure mondok elo'lek hilingi'mo at omame a'ma nen wilibila re mondogat elo'lek hilingik welaga. Aren he, onggwarek endawimo anggikherek mene nek hilingiti logolik he mondogat awonok agunem higi.
Andi re, An nen ap misik ekhe gembala a'luk An nanggo domba esa logalek mene andoma tegelinafi logouwageluk heragaisogo fagain o, oba nen he domba longgoikhi logogin mene omanogo re futfikhi logogin lek. Aren he, domba longgoluk werek mene omanogo herati'lek, nen, domba oumo werek mene omanogo fano asuageluk lebethigi'lek, nen, domba ineluk werek mene omanogo nunggu mene wogisigik ikhi logogin lek. We aren he, domba asei hokho mene andoma eino ninggi logolik he ineisok a'lip omanogo wokhigik helikhi logogin.
A'nogo yagaisasikhesik he, wene ekhe mel yagaisasikhe: ”An nalegat nendawimo nen kagalogo yi mene ti mene hilingisu elo'lek andi nen he, an nen nendawimo anggaluk hilingiti lagi lego. We, at an laknobagai wagaikhe mene endawimo anggikherek mene hilingisigeluk ikhi lagi andi nen, neisena ane murogat, afuni oak lologo wene inoba figik, kotik, ikhi lagi andi, higithogoat ikhi lagi o,” iluk yagaisasikhe.
At nineisena Tuhan Allah re, afuni ekhe nen hunogoat mene faget, Nineisena ebe andi aro, iluk agarek mene mondogat inom, yi mene ti mene omame werek mene mondogat inom, elo'lek hangge werek kwelek, At enek he, Ebe Esin Lego Omame mondok Hokho welagarek. Andi nen he, At ane hologo higithogo hilingiti logogun o. At he, it ekhe inebikhit aga logolik, ekhe abit welagik, it inebikhit asuageluk onggo hinagaisogo wogetunem wanhik, ikherek mondok lego.
At andi ebe weinam asimbik, Allah awi wuri'mo menlasi kwimbik he, onggwaregen fogerakhikhi logolik yi'nogo igin: ”Afuni nen, yi mene ti mene oba himbirik logolik fogeratarek mene inom, hineisena ebe yi, iluk agarek mene andi mondogat inom, elo'lek enek meneat he, esin allah nebe an aro,” iluk ikhi logogin andi.
At Tuhan andi re Omame Mondok Hokho mene werek! At Allah andi re Lego Mondok werek! Athe niren ebetosik hilingito mene andi re elurek, nen hiren ogo ninggi'nogo hilingita iluk andire hinelu asuak anggikhi lago! Niren ambi Tuhan ane sagalogo fogoin iluk hilingito halok a, athe niren At oba eberogo angga mene werek legen a'nogo hilingito halok a, nit yogondak ya nen wa'lasugun fano aro!
We, malaikat inebe falfaligen inambinggong anet hagasik ekhe ambinggong anet hugunem he, at Allah nen wene endawimo hinago mene it ap amingmingengge ane yagaisikhi lagaukwa mene omanogo yagaisikhi logolik he, Hobuk an yi'nogo hilingisigin iluk wene warisasikhe hagat arat hilinglasigin o,” iluk hombuk palhe.
A'nogo yethigiri'mo nen, ombo'ne re, mene olomene hangge hokho mene ekhe andimuk unggul oba ebe 10 nen wulibik welaga, nen unggul he, 7 nen hilingi'mo, i laut yenggele'ma nen wulibi wagunem yethigi. Andimuk 10 nen andi, ebe lombok oba re, kware-kware ap kaindek ikfisagarek andi hak ugu were'ma, nen unggul 7 nen andiba, ebe lombok oba re Allah enu wiik-weakhogo hilingitarek mene lisu palek welaga yethigi.
A'nogo hilingisugun andi re, Allah nen isikhe mene higithogoat hilinglasuageluk, aren at endawimo anggikherek mene andi, it ap kaindek andi inendawimo kagalhemo, it inendawinggen misigat logolik, iren he, at mene olomene hangge a'nogo yagati logolik, nit kain ninenuwerek welago mene andi, hat kain henuwerek logoinogo, iluk eisewerek fuluk, inomen, he yanani nilik nikherek mene a'nogo ebe wasugun andi.
A'nogo yaganetunem he, Allah Areagun noba louk i wagama, at malaikat a'nogo nen wo'narek, o afuni le'ma leimo laga. A'nogo wo'narek lagama logolik, yethigi hak he, he a'nogo mene olomene hokho mene esi mep sagalek mene amboroba hurek nugunem yethigi. Mene olomene andi unggul he 7 nen were'ma andimuk unggul oba re, 10 nen wulibik, nen, ebene mondogat he Allah enu wiik-weakhogo hilingitarek mene lisu mondok peterogo palek were'ma yethigi.
ကြော်ငြာတွေ