DANIEL 11:33 - Allah Wene Fano Wene Hupla Inane

³³ Afuni inendawinggen wenggelek mene nen melalinafarek mene re afuni hokhorogo nen futfuluk hilingiti logouwageluk hilingiti logogun. Oba nen we inenggi miren hakhogo wela'lugen he it andem inanggele'ma nen fena endu oba hea, athe weim ambisangma nen hea, inoasugun, nen fena ekhe re inebe fakfisambik hele warogo woginarek logoin.

DANIEL 11:33 ပူးပေါင်းရင်းမြစ်များ

DANIEL 12:10

Wene yi nen afuni hokhorogo inobabut palhik, inendawinggen wurigabinafik inebe horogo fisigik ikhi logogin o. Afuni weak mondok hilingiti logogun mene re weak meneat hilingitu logogun, we it inendawinggen wenggelek mene nek he ebe ti'nogo faget iluk fut fogoin.

MALEAKHI 2:7

It imam andi re An Tuhan Lego Mondok welagirek mene a'nogo nobaget wene eberogo mene nek yagaisikhi logouwageluk werek. It andi re, An nen lakfisa waga lagi mene hilingi'mo re, it afuni holhu mene nen he An nendawimo anggigirek mene a'nogo inelu asuageluk he it imam andi inoba heinok woginabi loageluk werek.

MATIUS 10:21

Agailak ekhe nen he, at onggwarek agailak ekhe wasuageluk waluk lagik, eisena nen he, amlogo wasuageluk waluk lagik, inagainafuri nen he, ineisena inagaisa inabit a'luk he, inoasuageluk inabok palhik, ugun aro.

MATIUS 13:11

at Yesus nen he, ”Allah nen awe a'ma fisikherek wene andi, at endawimo hinago welagaikhe mene, hit enek he, hinelu asubagaigeluk, fakhogo yagahisagain anggasikhe meneat he, it afuni ekhe andi nek he, fakhogo yagaisagain lek, anggasikhe.

MATIUS 20:23

A'nogo yagatukwama, at Yesus nen he, ”An yi enggin ti enggin hilingnabugun andi hak, hit a'nogoat hilinghinabugun meneat he, hat ekhe an nenggi ebekwe, nen ekhe nenggi harekwe ninom kain logouwogeluk, andi nek he, an nen menhinobagagin elo'lego. We, an neisena nen endamaren logouwageluk wenagaisogo fisasikhe meneat inobagagin o,” iluk yagaisasikhe.

MATIUS 24:9

Andi sambul he, afuni inunggulenu lombogen, an nenu iluk, ”Hit he, at agoromi,” iluk hinebe inabit mondok hilinghinabimbik he, hinebe fakhinobagaluk, it ekhe nen yei hinoatik, hinebe pinggi hinoatik, uageluk inoba wokhinarek laga logogun o.

YOHANES 16:2

Afuni nen o samban agarek oba nen hit hinenggi lisogo wulak hinobagagunaro. Nen, hobuk it afuni hit hinoasugun mene inebe lombok inendawimo nen he, Allah faget fano inoato, iluk, ugun mene werek aro.

KISAH PARA RASUL 11:26

Lagaikhesik, ebe emberek ambi agaukwasik he, waluk o Antiokhia lagaikhe. O andoma lagaikhesik, o mo lagagik pigik ugu kwelek, 1 tahun logolik he, Allah againafuri inom andoget fuluk, afuni hokhorogoat wene yagaisikhi lagaukwa. It afuni Yesus ane wanhunem inunggulenu Kristen agarek andi re, attak o Antiokhia andoma nen salhukwa.

KISAH PARA RASUL 14:21

O Derbe andoma wene fano wene yagaisikhoat logolik he, afuni inebe hokhorogoat woginafukwama Yesus ane wanhukwa. Wanhukwama fisaluk, it Paulus Barnabas emberek hobuk inambotkwe o Listra nen, Ikonium en, pikhit o Pisidia tonggwe o kota Antiokhia wulibi wagaukwa.

1 KORINTUS 4:9

Nit andi re, afuni inapsiri mene afuni ineilhanem sele'ma inebe horoget fisaluk inenggali warogo inoatarek andi hak, nit Allah nen ninayonggo fesikhesik lakninobagai wagaikhemo wagagu mene andi, afuni inom, malaikat inom, ineilhanem a'nogoat hilingninabi'lagwi o.

2 TIMOTIUS 1:12

A'nogo laknobagai wagaikhemo nikhi lagi andi nen, afuni nen yi enggin ti enggin hilingnafu kwelegat he, nendawinggen sa oba himbirik welagi, iluk nelu andi nen nenggali agi'lek, nendawimo hambukhogo welagi. Aren he, ”An mene yi fetnarek logoino. Fetnarek were'ma, huli an nebeat wesigin o,” iluk, noba fesikhesik nayonggo fesikhe mene andi, onggwarek omameba elok fetnarek logogin o, iluk nendawimo futfikhi lagi.

2 TIMOTIUS 4:6

Afuni nen an nebe Allah faget namep wulagaisogo noasugun oba arat horogasi waga o. A'nogo noasumo, an nebe neisena oba lagain higirat agama welagi o.

IBRANI 11:34

endu amulok inailo mene nagulogo figik, karok oba inoasu mene inonggwaregen inebe teligik, inomame lek meneat he, inomame agik, weim yafi logolik inomame arik he, inom weak mene esa hokhorogoat mugisigik,

WAHYU 1:9

An hinerei hinagailak Yohanes ninom ninebe Yesus agoromi misigat mene, yi enggin ti enggin hilingninafu kwelek, ninendawimo nen he, ”Hobuk at Allah nen awe a'ma ninobagagin,” iluk ninafe morogo welagorek andi. Were'ma, Allah ane Yesus nen fakhogo yaganisasikhe wene a'nogo an nen yagaisilik nigirek andi nen, nenggi hele warogo i enggenma o enu Patmos kwelaknobagai wagaikhama welagi o.

WAHYU 17:6

Nen, he andi nen, Allah againafuri mene inom, Yesus ane yagaisilik nikharek mene inom, inoatikhe mene inamep ninggesik, afuni nen anggur enggen amusu naluk lugulugwi palik agaikharek andi hak, lugulugwi palik agasik were'ma yethigi. A'nogo yethigirik hokhorogo fogerati.

WAHYU 2:13

Hit he, Iblis ebe kain logolik afuni ekhe awe a'ma ferinarek welagarek oba welagep andi an nelu o. A'nogo Iblis awibaat logolik, an namlogo Antipas nen nabok aberali agi'lek, obabut humbunhogo yagaisilik nugunem, it ekhe nen ebe hinendawimo nen watunem, hiren he, nit ninendawinggen Yesus oba eberogoat himbirik welagorek andi lek, ninabit, iluk kobokhogo heraknobagagi'lek, ninom hundigat mondok welagep andi, hinobabut an nelu o.

WAHYU 6:9

A'nogo isigiri'mo nen, ombo'ne re, silo fagarek andi hak, suesingga uan meneba amusu te'merogo fesukwa a'nogo mene, Domba Eak a'nogo nen enggi enggaminogo oba arat fikhalhesigen, ekheba fikhalhunem he, afuni Allah ane ninghogo wanhukwasik, it ekhe yagaisikhi lagaukwa andi faget inoatukwa mene inareagun he, Allah anggo warogo endu noletarek oba a'ma andoma were'ma yerisigi o.

WAHYU 7:14

Heinok a'nogo wo'niugunem, an nen he, ”Noe, an nonggot. Hat enek he, helu welagen o,” iluk yagatunem, aren he, mel yaganete: ”It afuni yoma re, o kweangma were'ma afuni ekhe nen yi enggin ti enggin hokhorogo hilinginafunem, Allah nen telinafikhemo, inasu Domba Eak amep oba arat kut mondok sobalaga mene o.