DANIEL 11:31 - Allah Wene Fano Wene Hupla Inane

³¹ A'nogo hilingiti logolik he aren ap sikhe fisogo inap esa o Tuhan awi wurik mene a'nogo emetfouwageluk lakfisikhi logogin. A'nogo lakfisugunem iren he wam yi mene ti mene linggene hundik-hundik warogo wogetu mene a'nogo leget fuluk he mondok inamel-mel mene wiik-weakhogo hilingfisaluk nongot fisagarek mene andi hilingiti logoni o, iluk ane menfikhi logogin.

DANIEL 11:31 ပူးပေါင်းရင်းမြစ်များ

YEREMIA 19:4

Andi re it inunggulenu ari nen An hera'nobagaluk hilingiri'lagwi andiba hilingisigin. Iren he obalik yiba dewa iren mondok inonggot mene omanogo faget wam warogo it inonggwarek faget inom, ap raja Yehudaba ferinarek werek mene faget inom fikhi logolik mondok emetfili'lagwi. Ekhe re iren kweang yiba ap weak hilingiri'lagwi lek mene omanogo inameben enek hopot faga.

YEREMIA 7:30

Afuni Yehuda mene nen he inaniniba mondok weak mene hilingita o. Kembu iren mene An nen nabit iluk ikhi lagi mene omanogo re An nawi elonggoma fagama re emetfaga andi.

RATAPAN 1:10

At mene angge yi mene ti mene hokhorogo omanogo re at aselei mene nen telaga. A'nogo telagasik iren he o Allah Awi wuri'mo, it afuni Tuhan againafuri lek mene re o andi elonggoma kugun mondok lek, iluk ili werek aiba a'nogo kugunem aren eilenggen isikhe.

RATAPAN 2:7

Tuhan nen he mezbah mondok horek mene a'nogo nabit iluk herak fisikhe, nen At onggwarek aiba a'nogo herakfisikheat; o andi leget pa'leget waganek mene omanogo re ap selei mene nen langkukhogo lakfisoageluk herakfisikhe. O attak niren Tuhan obaget hilingitik, pesta hilingitik, ikhi lagagukwe omanogo re it ninaselei mene nen inomame agaikhasik inagaiyegen inanggiluk eri'lagwi.

YEHEZKIEL 9:7

Allah ane it inoba ikhi logolik, ”An Nawi wurik yire emetfisani o! Olulukwe re ap waregen hopo uakhogo re, erora'ni!” ikhi laga. A'nogo ikhemo re it omanogo nen afuni o kota andi bene werek mene omanogo inoasugun mene erorati lagaikha.

DANIEL 12:11

Wam yi mene ti mene fuluk linggene hundik-hundik Allah wogetu mene a'nogo palfigik nen huli andiba nen wene weak mene inaniniba hilingitunem inalilip agarek mene a'nogo menfogoin huli andi re inenggi 1.290 nen soganogo wesigin.

DANIEL 8:24

A'nogo weinam asimbik at ebe omame mondok hokho asigin, oba nen he at onggwarek omameba re fuk. Aren he afuni weagerinafu mene mondok inailo mene, we nena wene faget hilingitunem higit enek aga logogin. Ap andi nen ap inalong werek mene inom Allah againafuri mene inom alomat inabigin.

DANIEL 8:26

Nen, yi mene ti mene warogo wogetu mene faget habikanggoba tindelogo yagahetunem hegen mene andi re ibi-eberogo asigin mene faget hegen. Oba nen andoma mondogat he hubuk erembul oba asigin mene oan yathogoat werek andi nen he it ekhe inoba tindelu fugo o,” iluk yaganete.

DANIEL 9:27

Ap raja andi nen he, 7 tahun yi'nogo logogun, iluk afuni inebe hokhorogoat wene hobuk hunogoat u lek mene warisagain. Nen, a'nogo logolik, 3 tahun logombigen, tugi ekhe 6 en logombik he, wam yi mene ti mene Allah faget warogo noletik, wogotik, ikhi logogun mondok lego, iluk igin. A'nogo imbik, hobuk he, mondok inapsiri mene hilingitunem agaiserogo pugulugun mene Allah awi wuri'mo andoma menfoumo logogin. A'nogo were'ma, huli attagat Allah nen he, Yi'nogo hilinglasigin, iluk isikhe higithogoat, at ap inapsiri mene fikhemo werek andi weaget fagain huli inapsiri mene andi leget lasigin o,” iluk yaganete.

HOSEA 3:4

A'nogo yagatigimo At Allah nen he, ”Andi hagat afuni Israel mene inenggi hokhorogoat inoe enupogot inom, inogogwi kaindek at enggi ebekwe mene inom, le'ma logolik, wam warogo An nolnetik, afuni inalik hilingik mene oba himbirik logouwogeluk menegeisogo figik, tugwi kembu fisogo welagik, hobuk hilinglasigin mene faget inelu asuageluk hilingitarek mene fisogo welagik, ikhi logogun lego.

MATIUS 24:15

A'nogo yagaisasikhesik he, hobuk ekhe mel yagaisasikhe: Hiren lisu palek yi enu salhi logolik he, fanorogo futfikhi logoino o. Ap Daniel Allah ane yagaisikhi lagaikhe mene a'nogo nen ikhi logolik, Allah aiba fano hore'ma omanogo menlasi wagunem hineilenggen hambik he,

MARKUS 13:14

Wene a'nogo yagaisasikhesik he, ekhe mel yagaisasikhe: ”Hiren lisu palek yi re, enu salhi logolik fanorogo futfikhi logoino o. Afuni yi enggin ti enggi inoba fagain mene andi o wesa logogin oba kwi wesimbik mendek werek halok he, afuni o Yudea tongge werek mene andoma heise pugulogo tom ebene lagauwago.

LUKAS 21:20

At Yesus nen a'nogo yagaisasikhesik, wene ekhe mel yagaisasikhe: ”It ap tentara mene nen o kota Yerusalem ari mondok walingisogo kwelafa halok he, O larogo wulil tagalogo ninoasugun a'nogo arat horok asi waga higi o, iluk, hinendawimo anggano.

WAHYU 17:12

Nen, andimuk unggul oba 10 nen wulibik hegen andi ebe re, ap inebe 10 nen kain asugun mene oan werek mene hegen meneat he, it kain menfisamo, at mene olomene hangge a'nogo inom, we, satu jam faget enek kain logolik afuni ferinarek logogun mene hegen o.