DANIEL 11:30 - Allah Wene Fano Wene Hupla Inane

³⁰ Andi re it ap Roma inap he inangge kapal oba o Siprus nen wesimbik at oba weim yabi kugun. A'nogo hilingisimbik he at ebe a'makwe het-perimbik ambotkwe sugulogo aiba lambik aren he it Allah againafuri nen Allah fogeratarek mene andi re lek hilingisogo fagain iluk hilingiti logogin. Aren he it ap fenakwe Allah fogeratarek mene inoba nen inambotkwe wulibi lagaukwa inap omanogo nen komorogo yagatu mene omanogo holfuluk hilingiti logogin.

DANIEL 11:30 ပူးပေါင်းရင်းမြစ်များ

KEJADIAN 10:4

Nen, at Yawan andi ambisangma mene re afuni o Elisa mene inom, o Spanyol mene inom, Siprus mene inom, Rodes mene inom andoma.

1 TAWARIKH 1:7

At Yawan ambisangma nen he, Elisa inap inom, Spanyol inap inom, Siprus inap inom, Rodes inap inom, andoma.

NEHEMIA 6:12

A'nogo yagatirigen wene a'nogo faget ninggi'nogo hilingiti ha iluk wil-walhigirigen he, an nen anggikhi logolik he an miming nabi'lago mene yi re Allah nen ikhemo re fuk, athe at Tobia inom, Sanbalat inomen agama. Iren he at Semaya ariba wene a'nogo yagasi lan iluk onggo inenggi a'makwe wogotama higi iluk nelu aga.

YESAYA 23:1

Tirus faget yagaisoageluk isikhe mene re yi: Yago, hit ap Spanyol hinap i laut ebene nen laga pu hilingiti lagep mene omanogo re le aga logoni. Hit o Siprus nen hinaiba wesuogeluk wagunemen yagahisikhi logolik, kota Tirus a'nogo re mondogat wolelenggenhogo pikhe, nen hit hinaiba inom hiren hinangge kapal fei waga lagep oba obalik omanogo inom he mondogat sunukhogo pilik lagama o, iluk ugunem holugun.

YESAYA 23:12

Tuhan ane ikhi logolik, ”Kota Sidon yi re! Hat he hagaiyek mene ekhe inom hilingiti logogin lego. Afuni re mondogat sebelogo fisogoin. It mugusogo o Siprus logoin oba nen ogore fano liokhogo logogun legaro,” iluk ikhe.

YEREMIA 2:10

O Siprus i aikwe abel barat fikhit andoma kwe nen lani o, nen ap o kweang Kedar anggweang oba timur fikhit andoma lakfisani, andoma lakfisamo re, iren wene ariginik mene andi ekhe hilinglaga mene werega, lega? iluk fanorogo kogoluak.

YEHEZKIEL 27:6

Hangge i agum wathilik lagu mene re e hokho mene o Basan oba nen puguneta meneba wathilik laga lagen. Hawi hulu re e laik oba talek welagen E andoma ero re o Siprus i alonggenma andi mene, halilingge re wam gaja andimuk onggo hokho meneba hilingik welagen.

DANIEL 11:28

A'nogo hilingisimbik raja utara fikhit mene faget werek mene a'nogo re angge hugul helagain mene omanogo hogoik eraluk he aiba eroma omanogo lagain. Aren he, wene it Allah againafuri nen wanharek mene a'nogo lek hilingisogo fagain iluk hilingiti logogin. Nen at endawimo anggugu mene nek hilingiti logolik he, awi eroma nekhengge wesigin.

DANIEL 11:29

A'nogo wesimbik he, eil misik ekhe wela'luk, aren nekhengge o selatan fikhit a'nogoba weim sineli wesigin. Oba nen a'nogo hilingisigin mene andi ambisangma re attak mene hilingisigin a'nogo hakhogo re lek, we mondok amurogo hilingisigin.

DANIEL 7:25

At andi nen ikhi logolik he, Allah Enupogot mene ebe mondok nabiro, iluk Allah onggwarek againafuri yi enggin ti enggin hilinginafi logogin. A'nogo logolik, Allah againafuri at Allah ane hologo higithogo hilingitarek mene andi inom, pesta Allah faget hilingitarek andi inom, hunogoat hilingisogo feigiluk walhagain. A'nogo walhikhi logolik, inebe enggi ferinarek 3 tahun inom tugi 6 en ekhe inom logogin.

BILANGAN 24:24

A'nogo meneat he, afuni o Siprus mene esa logalek ekhe kapal weim yafarek meneba wesimbik he, afuni Asyur mene inom, Heber mene inom, inawe a'ma fisa wesugun o. A'nogo meneat he, afuni kapal oba werek mene re inebe mondok lek asugun o,” iluk isikhe.

MATIUS 24:10

Ariginhu kwelek, it afuni ekhe inendawinggen Allahba himbiret fesukwa meneat he, inebe hokhorogo nenat inendawimo pugasimbik herakfisaluk wilibimbik he, at ekhe nen at ekhe wasuageluk waluk lagik, ekhe nen ekhe anini oba figik, ugun o.

WAHYU 12:12

Andi nen he, hit pogoroba welagep mene mondogat yi sani! Hinendawimo hinagaiyek hikhi logoino. Hinendawimo hinagaiyek agu kwelek, hit kweangma mene inom, i laut yenggele'ma mene inom, enek he, Iblis a'nogo hinoba pelakfisa wagama, at enggi endebat logogin mene futfikhesik, aren he, nenggi endebat enek logogin andi nenahalok, iluk a'mage lagaikhesik weagethinabigin andi nen he, eigo! Nendawilage,” iluk ugunem holhi o.