DANIEL 11:27 - Allah Wene Fano Wene Hupla Inane

²⁷ A'nogo hilingisogo fisambik he, it raja inebe pire aremnogo e talek misik mene elokhoma hu'lasimbik nunggungge ninggi logogun, nen it inendawimo re weim abok fisogo logolik lal-lal aga logolik hilingisugun. Oba nen he, inenggi horok asi wesigin le'ma re iren hilingisugun mene andi re we sugwi asigin.

DANIEL 11:27 ပူးပေါင်းရင်းမြစ်များ

2 SAMUEL 13:26

A'nogo yagatikhemo at Absalom en ikhi logolik he, ”Ariginik halok he, An nagailak Amnon a'nogo an ninom logoin nen he fano in,” iluk yagatikhe. A'nogo yagatikhemo re at raja nen he, ”At andi hinom logoin lego,” iluk yagatikhe.

MAZMUR 12:2

Ap hat hoba tiphogo hilingitarek mene mondogat lek agaikhama re, ap fano hilingitarek mene ekhe werek lek enggere, Tuhan nineisena Haren lebetninabin o.

MAZMUR 52:1

Afuni nen wuni wulak fuluk inebe seberogo ugunem yanggulinafu mene faget, at Daud en yanggulinafikhe awuni.

MAZMUR 58:2

Yago hit ap kaindek hinenu werek logolik melalinafi lagep mene yi sani, hiren wene tegeti lagep mene andoma re heirogo nek tegeti lageba? Hiren afuni inawene pilingisogo ayo wuti logolik he, higithogo hilingiti lageba?

MAZMUR 62:9

Yago, hit an nunggulenu mene yoma sani, linggene hundik-hundik At Allah andiba nek hinendawinggen eberek logoni o, Nit ninebe At awea'ma kuluk oba himbirik welagoma re, hit hinendawimo anggikhi lagep mene andoma At a'ma pulelogo liak fikhi logoni o.

MAZMUR 64:6

It inendawimo inaniniba hilingitu mene iluk wenggelharek mene omanogo foukhogo fisogo logolik a'nogo nek hilingitarek, nen iren anggikhi logolik he afuni nen ekhe nisili'lagwi lek iluk he, ka nen hele yephogo fogoin iluk inane misik matarek.

AMSAL 12:20

Ap wene weak mene hilingisugun iluk hilingitarek mene andi re wene higithogo hilingitarek mene re inabit welagaikharek, ap fano mene hilingi'le e. iluk walhikherek mene halok he hobuk agaiyegasigin.

AMSAL 19:21

Afuni nen hilingirik logoin mene faget wene hokhorogo ayo palogo fagarek, meneat he ebe hilinglagarek a'nogo re Tuhan nen anggikherek mene nek hilinglagarek.

AMSAL 26:23

Iwak kweang tangge mene agap endakwe perak meneba labere'ma elonggoma kweang mene hilingik andi hak he, ap inanini weak hilingiterek mene andi re inaneba fano-fano aple nek ikhi logoligen he, inendawimo re weak mene nek peterek.

YEHEZKIEL 17:9

Andiba re An Tuhan Lego Mondok welagirek mene a'nogo nen heinok yi'nogo igi: Anggur andi ebe re fanorogo wilipluk sagarik lamo re higira? Sue rajawali attak mene a'nogo nen e andi omanggenet sanogetik, enggen taganhik, enggi sombolhik, hilingfuluk pugasuageluk herakfisa hak nogo? E andi omanggenet sanogesuogeluk he ap hokhorogo inom, athe inunggulenu misik ekhe inomame hokho mene inomen hilingisu lek hak.

DANIEL 10:1

Ap Koresy afuni Persia mene faget raja menlagaikhesik ferinarek logolik tahun henaganek meneba werek kwelek he wene ekhe at Daniel enu Beltsazar a'nogoba yagatikhe. Wene andi ebe eberogo mene oba nen, ebe yi'nogo faget iluk furogo fut fou re elo'lek mene yagatikhe. A'nogo yagatikhemo at Daniel en wene andi ebe ninggi'nogo faget he fut feile e. iluk hilingitunem en he, wene isikhe mene a'nogo faget ebe yi'nogo faget iluk Daniel abikanggoba yagatunem hasikhe.

DANIEL 11:28

A'nogo hilingisimbik raja utara fikhit mene faget werek mene a'nogo re angge hugul helagain mene omanogo hogoik eraluk he aiba eroma omanogo lagain. Aren he, wene it Allah againafuri nen wanharek mene a'nogo lek hilingisogo fagain iluk hilingiti logogin. Nen at endawimo anggugu mene nek hilingiti logolik he, awi eroma nekhengge wesigin.

DANIEL 11:29

A'nogo wesimbik he, eil misik ekhe wela'luk, aren nekhengge o selatan fikhit a'nogoba weim sineli wesigin. Oba nen a'nogo hilingisigin mene andi ambisangma re attak mene hilingisigin a'nogo hakhogo re lek, we mondok amurogo hilingisigin.

DANIEL 11:35

Nen, it fena inogogwi inobabut hebelek mene omanogo re inoasumo wa'lasugun, oba nen andoma re afuni Allah againafuri faget inobabut palharek hak asiginmo re, it inebe eberogo mene a'nogo weinam asigin. A'nogo nek hilingitu were'ma re o wurep kobok i lagain, andi re linggene At Allah nen wenagaisogo fikhe sambul a'nogoba asigin.

DANIEL 11:40

A'nogo hilingiti logolik were'ma nen raja utara fikhit mene faget werek mene a'nogo at along werek mene faget arat wurep oba asi wesigin se'ma andem he, at raja selatan fikhit faget werek mene nen weim sineli lagain. A'nogo hilingisumo re, raja utara fikhit faget werek mene a'nogo nen ogo onggo weim sineli wesumo re, weim andi re mondok anini weak mene yabugun. Aren he kereta weim yabik lagaikharek mene, kuda inom kapal inom, lirisambik he, i fu waga logolik hilingiterek hakhogo kwikhi logolik, o ekhema-ekhema mondogat sebelik-sebelik lagain.

DANIEL 8:17

A'nogo yagatemo re at Gabriel an nelokhe fikhit welagangge a'nogo an nera'lu asi waga. Wagunem an nailo mondok agarik noak leikhogo kweangma hulambeti. A'nogo hulambetimo at Gabriel en an noba yaganeti logolik, ”Hat ap warek hangge mene yi, haren habikanggo hegen mene andi re o wurep kobokhogo hilinglasigin mene faget hegen o,” iluk yaganete.

DANIEL 8:19

”An nen hat hoba wene hobuk Allah anini nen hilingisumo asigin mene faget yagahesigo: Haren hegen mene andi re o wurep kobokhogo hilinglasigin mene faget hegen.

HABAKUK 2:3

Wene ebe hilinglasigin oba oan andi nen he, lisu palogo fein o. Oba nen he, ebe hilinglasigin oba andi weak-weagat wesigin, An nen ebe hilinglasigin iluk yagaheti mene andi re eberogoat hilinglasigin o. We, wene ebe aninuat werek kwelek meneat he serogo logoino! Eberogoat hilinglasigin iluk eberek logoino.

KISAH PARA RASUL 1:7

Yagatukwama re, aren mel yagaisasikhe: ”Wene egep andi, an neisena eiseweregen anggasikhe higithogoat hilinglasigin andi nen he, hiren he, Huli ti huliba logombik hilinglasigin, iluk hinelurogo logogun elo'lego.

1 TESALONIKA 5:1

Nerugwi nagaila'lak. Afuni ekhe yogot wanuogeluk hubanggo ninonggorat were'ma wagaikharek hak, ninoe Enupogot wesigin andi sambul a'nogoat wesigin iluk, hit furogo hineluat welagep andi. Halok he, an nen: ”Yi sambul hilinglasigin, ti sambul hilinglasigin,” iluk, lisu palogo hinoba lakfei wesigin he elo'lego.