DANIEL 11:24 - Allah Wene Fano Wene Hupla Inane

²⁴ Nen, aneba lalogo re afuni andoma werek mene inailo lekhogo werek kwelek it inanggweang mondok heiselekwe omanogo hugul kwikhi logogin. Aren he it ombawi nen hilingiti lagaukwa lek mene omanogo hilingiti logolik, at enggi werek aga logogin mene omanogoba re yi mene ti mene weim ambisangma nen hugul wanhu mene omanogo sumburogo at agoromi inom nikharek mene omanogo wogisikhi logogin. Aren he, o helep huguloak wurikwe omanogo weim sineli kwigin iluk awene kagalhi logolik logogin, oba nen aren ferinarek logogin mene a'nogo arat wurep kobok igin.

DANIEL 11:24 ပူးပေါင်းရင်းမြစ်များ

NEHEMIA 9:25

Hagainafuri homame a'nogo wogisasigin andiba re, it Kanaan mene kwi wesinogo iluk leget pa'leget omamerogo waganek mene inom, inanggweang muli fano yi mene ti mene ebe hokhorogo werek oba inom, inaiba inangge yi mene ti mene sik-pikhogo werek oba inom, inagai mogo habulik mene inom, i elesi agai mene inom, yabu anggur yabu inom, e zaitun yabu inom, e ekhe enggen iterek mene yabu inom, mondogat sebelasukwa andi. A'nogo sebelasukwasik, yi mene ti mene andi enggen ninggi logolik, inebe inobakhe firik welagaukwa andi, neisena. Haren yi mene ti mene wogisasiginmo oba heilarogo welagaukwa andi.

AMSAL 17:8

Ap fena nen anggikhi logolik he uang inenggi a'makwe wogisagarek mene andi omame werek anggagarek, uang inenggi a'makwe helagarek mene a'nogoba yi wene ti wene elok hilingirik logoin iluk anggagarek.

AMSAL 19:6

Afuni inebe lombogen ap kaindek mene inendawi wanuogeluk inomamerogo hilingitarek, afuni inebe mondogen he ap yi mene ti mene inendawi fano wogisagarek mene ninom kam warogo logoilo e, anggagarek.

AMSAL 23:7

Aren ikhi logolik, ”Name, imbigen he, ekhe inomat mangorogo nan abi,” igin andi re fanorogo igin he fuk, oba nen endawimo amurek logoligen ambeba nek he fanorogo igin a'naga.

YEHEZKIEL 34:14

Ibi eberogo nen An nen it inoba engga mondok muli fano mene afuni Israel inanggweang oba nen tom ebene inom fanggong kwe inom andoma fouget fikhi logogin. A'nogo fouget fugunem it andoma nen he iren set waligik, inailo legengge engga inafe morogo ninggik, ikhi logogun.

YEHEZKIEL 38:10

Tuhan Lego Mondok welagarek mene a'nogo nen Gog oba yagati logolik, ”Linggene andi sambul haren wene weak mene melalogo fagain o.

DANIEL 11:23

Aren he wene it inunggulenu mene inom kerat wasugun mene omanogo taganet fagain. Nen aren kerajaan endep meneba ferinarek logogin, oba nen he at omame werek mene aga logogin.

DANIEL 7:25

At andi nen ikhi logolik he, Allah Enupogot mene ebe mondok nabiro, iluk Allah onggwarek againafuri yi enggin ti enggin hilinginafi logogin. A'nogo logolik, Allah againafuri at Allah ane hologo higithogo hilingitarek mene andi inom, pesta Allah faget hilingitarek andi inom, hunogoat hilingisogo feigiluk walhagain. A'nogo walhikhi logolik, inebe enggi ferinarek 3 tahun inom tugi 6 en ekhe inom logogin.

BILANGAN 13:20

Hinendawinggen hambuget hambik kweang he mulirega, e hokhorogo wilibiga, iluk fura'no. A'nogo fura'luk he e wulibik mene andoma enggen ugu mene ekhe palogo waluk wesugun mene hinonggorasu fuk. Andem oba re anggur enggen iterek mene eroratunem.

MATIUS 9:4

A'nogo anggasukwama, at Yesus nen inobabut enegat palhikhesik he, mel isikhe: ”Hit hinendawimo nen wene weak mene ebeti lagep andi nenahalok?

HAKIM–HAKIM 9:4

A'nogo isukwasik, uang perak mene 70 nen tugwi kembu enu Baal-Perit faget fogeratarek awi andi nen wanhukwasik, at Abimelekh wogetukwa. A'nogo wogetukwama, at Abimelekh en ap ekhe inobabut weak mene at werekwe asuagaluk onggo wogisasikhe.