DANIEL 11:23 - Allah Wene Fano Wene Hupla Inane

²³ Aren he wene it inunggulenu mene inom kerat wasugun mene omanogo taganet fagain. Nen aren kerajaan endep meneba ferinarek logogin, oba nen he at omame werek mene aga logogin.

DANIEL 11:23 ပူးပေါင်းရင်းမြစ်များ

KEJADIAN 34:13

At Sikhem en hun Yakub againafuri omanogo inagot Dina a'nogo weaget fesukwa andi nen he, it Yakub againafuri omanogo nen he, at Sikhem inom eisena Hemor inom inoba ineranhogo wene yagaisikhi logolik he,

MAZMUR 52:2

At Daud ebe hun Abimelekh were'ma oba lagaikhemo, hun Doeg aiba Edom mene a'nogo nen Saul oba yagasi lagaikhemo isikhe awuni.

AMSAL 11:18

Afuni ina'mage weak mene ambisangma tiphogo helagarek mene andi re alomarogo hangge, oba nen he, sa nen eberogo mene hilingite halok he ambisangma onggo femhogo logogin mene helili'lagwi.

DANIEL 11:22

Tentara hokhorogo nen inom, nen Imam Agung en inom, at omame leget fogoin iluk hilingisugun mene andoma re aren mondok felelenghogo leget fisagain.

DANIEL 11:24

Nen, aneba lalogo re afuni andoma werek mene inailo lekhogo werek kwelek it inanggweang mondok heiselekwe omanogo hugul kwikhi logogin. Aren he it ombawi nen hilingiti lagaukwa lek mene omanogo hilingiti logolik, at enggi werek aga logogin mene omanogoba re yi mene ti mene weim ambisangma nen hugul wanhu mene omanogo sumburogo at agoromi inom nikharek mene omanogo wogisikhi logogin. Aren he, o helep huguloak wurikwe omanogo weim sineli kwigin iluk awene kagalhi logolik logogin, oba nen aren ferinarek logogin mene a'nogo arat wurep kobok igin.

DANIEL 8:24

A'nogo weinam asimbik at ebe omame mondok hokho asigin, oba nen he at onggwarek omameba re fuk. Aren he afuni weagerinafu mene mondok inailo mene, we nena wene faget hilingitunem higit enek aga logogin. Ap andi nen ap inalong werek mene inom Allah againafuri mene inom alomat inabigin.

DANIEL 8:25

At awenggelek mondok weak logolik hilingitunem he aren lalogo hilinginafu mene andoma re ambisangma higit enek aga logogin. At ebe onggwaregen leget fakhikhi logolik attak ineluet figi'legengge mondabi weagerinafi logogin. Andi nen At Raja Mondok Hokho mene a'nogoba nen ogore ailo lek engge, inom weim yafi logogin. Oba nen at ebere afuni inomameba re lek oba nen amu wolelenggenhogo lek asigin.

ROMA 1:29

A'nogo hilingirikhi logolik, it inendawimo yi weak ti weak kwanirek mene peterek logolik, inami'mik weak hilingitik, afuni ekhe weagerinafik, agarek. Ariginhi logolik, afuni inapsiritfisigik, inebe inoatik, wene serep agik, afuni lalinafik, wene ambumet fuluk welagik, agarek andi meneat inendawimo mondok peterogo welagaikharek. Logolik, inabok hinagaisogo nabok-habok igik,

2 KORINTUS 11:3

A'nogo meneat he, attagat at kisu a'nogo obabut lagokse'ma re, he Hawa lalhikhe hak, hit hinendawinggen misigat Kristus oba eberogoat himbiret fuluk at faget tegelek welagep mene it ekhe nen lalhinabugun andi nen he nailo ari'logo.

2 TESALONIKA 2:9

A'nogo leget fisagain mene oan werek kwelek he, at obabut mondok weak mene a'nogo, Iblis nen omame wogosumo afuni nen fogeratik, at oba ebetik, uageluk, yi mene ti mene hilingisu lek mene eberogoat iluk elalinat hilingiti logogin.