DANIEL 11:21 - Allah Wene Fano Wene Hupla Inane

²¹ Malaikat a'nogo nen nekhengge ane ikhi logolik, ”Raja ombo'ne mene utara fikhit andoma faget menlasimbik ferinarek logogin mene andi re mondok sebelek mene raja menlasu re we elo'lek mene. Oba nen he at ebe ferekhogoat wesimbik ane nen lalogo raja logogin iluk menlasigin.

DANIEL 11:21 ပူးပေါင်းရင်းမြစ်များ

MAZMUR 12:8

Ap weak hilingitarek mene re irenek yikwe-tikwe hokhorogo sagarek logolik, afuni inebe lombogen weak hilingitarek mene a'nogo faget fogeratu logolik enu liafu werek. Oba nen he nineisena Tuhan, nit he we Harenat fetninarek mondok welagenma re, afuni weak hilingitarek mene andi nen nit weaget ninobagai nogoluk Haren kagalninarek logoin o, neisena.

MAZMUR 15:4

afuni Allah nen abit isikherek mene, inendawimo seramet fisagarek mene inom, A'nogo meneat he, afuni Allah inailorogo hilingitarek mene inom, agaugwerinafarek mene inom, ”Ti mene wokhesigin,” iluk Allah enu hombuk palogo wene warisagarek mene inom, ”Nit mene alomat laga,” iluk anggigi'lek, ebe tiphogo nek hilingitarek mene inom.

MAZMUR 55:21

Attak an nagailak ekhe ninom fano welago mene nen he, at agaila'lak ekhe inoba labok igik, nen aren wene waterek mene a'nogo taganhogo hilingitik, hilingiti laga.

YESAYA 32:5

Ap kembu mene re ekhe inom lego werek anggikhi logogun lek, eranen wene ikherek mene andi re eberogo wene ili'logo anggogoin legat.

DANIEL 11:20

At obali'mo re raja misik ekhe agoromi pegawai menere o kerajaan andiba yikwe-tikwe werek enek logolik, pajak inane omameba kabogeti logouwageluk yagaisikhi logogun. A'nogo hilingiti logombigen he eil misik wela'luk raja andi ebe wenerogo re lek, nen weim oba legat oba nen he ebe linglongengge legasigin,” iluk ikhe. Raja utara fikhit mene anini mondok weak mene menlasigin isikhe wene.

DANIEL 11:32

A'nogo hilingitunem he, raja a'nogo awenggelek oba re it ap Allah fogeratarek mene a'nogo herakfuluk wulibugun mene omanogo at lebethikhi logouwageluk inendawimo kagalhi logogin. Oba nen it Allah ane hologo hilingiti logogun mene re inailoti'lek at ane sagalogo fuluk hilingiti logogun.

DANIEL 11:34

Afuni inoatu mene andi hilingirik lagu kwelek, it Allah againafuri mene re we endep engge ekhe leberisogoin, oba nen he afuni hokhorogo re it inonggwarek inamu faget hilingitu mene omanogo inom sebeti logogun.

DANIEL 11:7

Andem a'nogo hilingisimbik welagi'legat ap hele a'nogo eisok erokwe mene misik ekhe raja menlasigin. At andi menlasimbik he, tentara o Siria abel utara fikhit mene a'nogoba weim sineli kwigik, helep huguloak wurik mene langguk isigik imbik he. inomame leget fisogoin.

DANIEL 4:17

Nit malaikat Allah onggwarek faget tegelek logolik, kagalek welago mene nen wene arat tekhogo ogo mene re andi. Nit a'nogo ogo andi re, it afuni o kweangma yi awi ti awi werek mene nen he, Allah Enupogot yi mene ti mene enggiba welagarek mene andi nen he, ap inenupogot logolik ferinarek logouwageluk wogisikheresik, hobuk waganogo ap ekhe inebe yenggerugwi elo'lek meneat he, inenupogot logouwagaluk wogisikheregat higi, iluk inelu asuageluk a'nogo ogo andi, iluk ugunem yethigi o.

DANIEL 7:8

A'nogo yethigirik, neilenggen andimuk andoma yerogo were'ma re, aremnogoat andimuk 10 nen andem werek kwelek anggele'ma andimuk ket mene ekhe wulifunem higi. Andimuk andi ebe magenggelak meneat he, andi wilifi logolik wogolik-wogolik he andimuk attak mene aremnogo henaganek mene henogo lagunem higi. Andimuk mage mene andi eilenggen afuni ineilenggen hangge werek mene re, ambeba nen fogerakhugunem higi.

DANIEL 8:23

Kerajaan andem wurep kobokhogo asi lagunem he, it inaweak mondok hokhorogo agunem andem, ap raja ekhe ungguloak mondok haro logolik afuni lalinabigiluk mondok hebelek mene ekhe weinam asigin.

DANIEL 8:25

At awenggelek mondok weak logolik hilingitunem he aren lalogo hilinginafu mene andoma re ambisangma higit enek aga logogin. At ebe onggwaregen leget fakhikhi logolik attak ineluet figi'legengge mondabi weagerinafi logogin. Andi nen At Raja Mondok Hokho mene a'nogoba nen ogore ailo lek engge, inom weim yafi logogin. Oba nen at ebere afuni inomameba re lek oba nen amu wolelenggenhogo lek asigin.

DANIEL 8:9

Andimuk aremnogo mene misik ekhe re andimuk endep mene ekhe wulifesik hokho aga logolik wurilogo re selatan huli andomaba asi lagik, timur fikhit asi lagik, nen kweang elokhe fano mene fikhit andoma asi lagik, ikhi laga.

NAHUM 1:14

Nen At Tuhan nen it afuni Asyur mene inoba hilingfisagain iluk isikhe mene andi re yi, ”It he afuni it inunggulenu mene hokhorogo logouwageluk taginafu mene faget iren tagomangge mene ekhe logogun lego. Nen it inaiba kembu dewa apne wanharek kwe agut hilingik andoma An nen mondogat wolelenggenhogo lakfisagain. It afuni Niniwe mene andi re ineluk ekhe inom logou elo'lek hilingi'mo re, inebe salinabugun oba obalik fougeti lagi o!” iluk ikhe.

1 SAMUEL 3:13

An nen attagat Eli yagati logolik he, hat hagainafuri An nenu weagarogo weak mondok hilingiri'lagwi andi nen, mondo'-mondok weak asuagaluk wene inoba fagain, iluk yagatigimo, at Eli nen at againafuri nen weak hilingiri'lagwi mene andi elu meneat he, aren he, hit a'nogo hilingisugun mondok lego, iluk palfouwageluk oba harorogo wenagisigi'lek herakfisili'lago andi.