DANIEL 10:9 - Allah Wene Fano Wene Hupla Inane

⁹ A'nogo logolik ane ugu mene a'nogo nesanggo holhirik an nebe neil furuk tunghogo nelokhe sogoum kweangma hulambetirik wengik welagi.

DANIEL 10:9 ပူးပေါင်းရင်းမြစ်များ

KEJADIAN 15:12

A'nogo hilingiti lagaikhesik, o mo ubuk i lagu kwelek, Abram nogo obabe lekhogo nogo isikhe. Nogo ikhi logolik were'ma ferekhogo arem nogoat alilip agailekesik ailo hokho mene agarikhe.

KEJADIAN 2:21

A'nogo welagaikhe le'ma, Tuhan Allah nen ap a'nogo nogo obabe lekhogo hilingfesikhemo, nogo ugunem, ap a'nogo abeloak mene lisogo wanhikhesik he, obali'mo eino mene to'mot fesikhe.

AYUB 33:15

It afuni o hubanggo nogo homokhogo ugu kwelek, At Allah nen hinabiba inom, inabikanggo inom wene yagaisikherek.

AYUB 4:13

O hubanggo nogo tukhogo ugunem, inabi weak mene hugunem inelugetfisagarek andi hak, at andi nen a'nogo yaganetunem,

KIDUNG AGUNG 5:2

An nogokhi lagiba nen nendawinggen he neluk welagi. An nendawinggen hundik mene a'nogo nen kwe pak-paget hili'lago andi holini. Nagot, nendawinggen hundik mene, narue pel hak mene, nendawimo nen mondok fogethafi lagi mene, nunggul ebene min omare meiso helalabugen noate mene, o hubanggo meiso henanggikil en noate mene re nesibene hetsek oma.

DANIEL 10:16

A'nogo agimo nen hobugen enek he malaikat ebe ap higirengge a'nogo nen enggi pilingisogo nambeba fak niikhe. A'nogo hilingitemo an nen at oba ikhi logolik, ”Neisena nabikanggo higi mene andi nen noba enggin mene kwelaknobagaikhemo re noba mondok lebelekhogo welagi o.

DANIEL 8:18

A'nogo aren an yaganetu kwelek aremnogo re an nafe mote. Oba nen aren an lebetniikhi logolik nenggi senegeisogo nambotkwe mennobagaikhe. A'nogo menlagimo aren ikhi logolik,

HABAKUK 3:16

A'nogo hilingitunem wene andi nesanggo holhirik he, nendawinggen abolok igik, nambe lei'leik igik, ikhi logolik he, noak yeli agul hangge kuluk-kalak igik, noak elekwe helela igik, igirek meneat he, it ap ninoasuogoluk weri'lagwi mene andi, Allah nen weagerinabi wesigin o, iluk he nafe morogo nabolo'legat logogin o.

LUKAS 22:45

Samban iluk menlagaikhesik, agoromi omanogo inoba wagaikhe re, it omanogo inendawimo mondok weak agaikhemo andi nen he, nogo ikhi logolik were'ma isa wagaikhe.

LUKAS 9:32

A'nogo ugu kwelek, at Petrus agaila'lak aremnogo inom nogo ineil agaikhemo nogo isukwasik, ineluk agaukwasik he Yesus ebe amulit hokho yegelhugunem, ap inebe pire aremnogo Yesus inom were'ma ineilenggen isasukwa.

WAHYU 1:17

A'nogo were'ma higirik he, nailo nen nelokhe sagaum warek mene higit at awe a'ma sagam esi lagunem he, at enggi ebekwe an noba fikhesik he, mel yaganete: ”Hailo lek ame. An nebe re, eroba nen pikhit erembul oba netok mondok logolik he,