DANIEL 10:19 - Allah Wene Fano Wene Hupla Inane

¹⁹ A'nogo agimo nen aren an noba ikhi logolik, ”Allah nen hat endawit habi'lago o. Enggere hat hoba lebelekhogo welagik, hailo agik, u fugo, yogondak weak-weagat homame ame!” iluk yaganete. Aren ane a'nogo ugu kwelek aremnogo re an nebe ekhe inom nomame agunem higirik an nen ikhi logolik, ”Neisena haren an nomame ekhe inom kwelaknobagegen o, enggere neisena haren hane igin anggegen mene andi re, in aro,” iluk yagati.

DANIEL 10:19 ပူးပေါင်းရင်းမြစ်များ

MAZMUR 138:3

An nen Hat hoba nane kwetunem he, Haren hane onggo yaganeti lagen, Haren an nendawinggen omamet fugunem he, an nailo lek mene aga lagi.

YESAYA 35:4

Inendawinggen eak a'luk werek mene inoba yagaisikhi logolik he, ”Hit hineisena Allah nen he it selei mene unggum wogisagaluk wesigin o. Nen hit he telhinabigiluk wesigin, enggere hinendawinggen hambukhogo hinailo legengge logoni o,” iluk yagaisikhi logoino.

YESAYA 41:10

An ninom logogun enggere, hailo asu fugo, Hat heisena Allah re An nebeat andi nen he hendawinggen fisu fugo. Hat he An nen wuriget hafik lebethiigik ikhi logogin. An nenggi omameba wokharek laga logogin.

YESAYA 41:14

Tuhan nen ikhi logolik, ”Israel ao, hat he hebe yenggerek logolik, homame lek welagen oba nen he, hailosu fugo. An heisena Tuhan nen hat lebethiikhi logogin o, Allah Israel mene ineisena Mondok Horek mene andi re, hat hagap telhafu mene werego.

DANIEL 10:18

A'nogo igimo re aren nekhengge an nebe fa'niikhemo an nomame agunem higi.

DANIEL 9:23

Haren he, Allah nen lebethisoagaluk ayonggo feigiluk eroba attak egen andi, hane holhesik onggo arat ikhemo werego. A'nogo ikhe andi re hat hebe endawi mondok andi nen, an nen wene hobuk hilinglasigin mene yagahesigiluk wagarik yagahesigin andi nen he, habikanggoba heilenggen yethegen mene andi, Ebe yi'nogo hilinglasigin mene faget hegenma, iluk yagahetu kwelek hesanggo fanorogo holin o.

HAGAI 2:4

Ariginik kwelek oba nen he, yago hit hinebe mondogat yoma re! Hiren inendawimo weak a'luk hilingiti logou fuk. An nen hundik lebethinafi logogin enggere, yabu hilingiti lagep mene andi hilingitu mondogat logoino.

ZAKHARIA 8:13

Yago, hit Israel hinap inom Yehuda hinap inom yoma sani! O attak-attak andoma nen engge it ap pok mene nen inane homan ekhe nen ekhe inoba figik, ekhe nen ekhe inoba figik hilingirik wagunem, ’It Yehuda mene inom, it Israel mene inom inoba enggin-fenggin agaikhe mene andoma hakhogo hat hoba ogo a'nogo aga logouwak!’ ikhi lagaukwaba nen, An nen hit telhinabumo it ap pok mene andoma nen ikhi logolik, ’It Yehuda inom, Yerusalem inom inoba fanotfisili'lago mene andoma hit hinoba ogo a'nogo hilinghinobagakhi logouwak! Ikhi logogun,’ iluk ikhi lagaikhanggere hiren hinailo agi'lek hinendawinggen hambukhogo logoni o!” ugunem holhi.

ZAKHARIA 8:9

Tuhan nen At againafuri inoba ikhi logolik, ”Hinendawinggen wurikhogo logoni o! Yogondak he, o An Nawi ambotkwe wusugun mene ubule fogoin oba it nabi nen wene ugunem holhi lagagip mene a'nogo re yogondak ogo holhi lagebat andi.

YOHANES 11:3

it hemi inebe pire oe agot emberek inerei oba ou andi nen he, Yesus yagasi loageluk, afuni inoba wene warogo lakfisikhi logolik he, mel isukwa: ”Noe. Lazarus hendawinggen hundik mene a'nogo oba ou hunitesik werego,” iluk wene warogo lakfisasukwama,

YOHANES 11:36

A'nogo le aga lagaikhemo, it ap Yahudi mene omanogo nen he, ”Egi! Yethani! Yesus Lazarus endawinggen hundik mondok welagama yi, nailo e!” iluk fogeratukwa.

YOHANES 11:5

At Yesus nen, he Marta oe inom, Lazarus inom, endawinggen hundik welagaikhe meneat he,

YOHANES 14:27

Halok, hit hinendawinggen hambukhogo logouwageluk an nendawinggen hambukhogo welagirek mene wokhisaluk lagain o. Andi re, afuni kweangma mene nen wogisagarek hak wokhisagain lek andi nen he, hinendawinggen fiti logolik hinailo agubo.

YOHANES 16:33

ekhe mel yagaisasikhe: ”Hit an ninom hundik logolik, hinendawinggen hambukhogo logobagaigen iluk, wene andi mondogat yagahisigi o. Hit hinebe kweangma logolik yi enggin ti enggin hikhi logogun o. Mene re, kweangma mene mondogat mabenet fisigimo werek andi nen he hinailo lekhogo logoino o,” iluk yagaisasikhe.

YOHANES 19:26

At agaisa inom, agoromi ane wanhi lagaukwa mene ekhe endawinggen hundik mondok welagaikhe mene a'nogo inom, era'lu a'nogo mendek were'ma eilenggen isikhesik, at agaisa yagati logolik he, ”He yi nagaisa, hat heak ari aro,” iluk yagatikhesik,

YOHANES 21:20

At Yesus nen wene a'nogo yagatikhemo, at Petrus elokhe hebekhogo eilenggen ambotkwe yethasikhe hak he, Yesus agot ekhe endawinggen hundik mene a'nogo inombo'ne wagunem yethasikhe. At andi ebe re, attagat sumburu ninggi logolik Yesus era'lu horokhogo hurek logolik he, ”Yesus noe. Sa nen noe Henupogot hoasuageluk yonggo lagain,” iluk oba heinok wokhasikhe mene a'nogo.

1 KORINTUS 16:13

Hinebe hebelogo logolik he, hinendawinggen Allah oba himbiret fuluk, mendegat logoino o. Hinobabut hinailo lekhogo logolik he, hinomamerogo logoino o.

2 KORINTUS 12:9

aren he: ”Hat lebelek halok he, an nomame hokhoatma hebe nendawithafirek mene a'nogo nen, elok fanothafi logogin o,” iluk yaganetikhe. A'nogo yaganetikhe andi nen, at Kristus omame an nendawimo nobagasikhe mene andiat logouwageluk he, an nebe lebelegat logolik, nendawimo nagaiyekhogo fogerakhikhi logogin o.

EFESUS 6:10

Wurep oba re, wene yi yagahisak. Hineisena Tuhan hinom hundik logolik he, at omame hokho a'nogoba, hinomame hilingla'luk logoino.

2 TIMOTIUS 2:1

Timotius namlogo e. Nit Kristus Yesus ninom hundik were'ma, Allah obabut fano nen wo'nisikherek mene andiba hendawinggen wurikhogo logoino.

YOSUA 1:9

An nen he, Hat hendawinggen hambukhogo hailo lekhogo logoino iluk komothafi mene andi hendawimo eberek mondok logoino. An heisena Tuhan Allah nen, hat hebe koma lagain halok, setharek mondok logogin andi nen he, hendawinggen firik logolik hailo-hailo hilingitik, haberali agik, hilingiti logogin lego,” iluk yagatikhe.

WAHYU 1:17

A'nogo were'ma higirik he, nailo nen nelokhe sagaum warek mene higit at awe a'ma sagam esi lagunem he, at enggi ebekwe an noba fikhesik he, mel yaganete: ”Hailo lek ame. An nebe re, eroba nen pikhit erembul oba netok mondok logolik he,

HAKIM–HAKIM 6:23

Andi yagatikheba nen Tuhan nen he, ”Hailo agun o. Hendawinggen hambukhogo, hebe wa'lasigin lek,” iluk yagatikhe.