DANIEL 10:1 - Allah Wene Fano Wene Hupla Inane1 Ap Koresy afuni Persia mene faget raja menlagaikhesik ferinarek logolik tahun henaganek meneba werek kwelek he wene ekhe at Daniel enu Beltsazar a'nogoba yagatikhe. Wene andi ebe eberogo mene oba nen, ebe yi'nogo faget iluk furogo fut fou re elo'lek mene yagatikhe. A'nogo yagatikhemo at Daniel en wene andi ebe ninggi'nogo faget he fut feile e. iluk hilingitunem en he, wene isikhe mene a'nogo faget ebe yi'nogo faget iluk Daniel abikanggoba yagatunem hasikhe. အခန်းကိုကြည့်ပါ။ |
DANIEL 10:1
28 ပူးပေါင်းရင်းမြစ်များ
At Tuhan nen hilingiri'lago mene iluk nabi Yeremia bene nen isikhe mene a'nogo hilingisigin iluk he, at Kores a'nogo it afuni Persia mene faget raja menlagaikhesik, melalinafu welagaikhe huli tahun attak meneba re at Kores nen wene melalek ekhe wulabuageluk Tuhan nen endawimo hilingitikhemo, wene melalek a'nogo it afuni aren melalinafukwe werek mene omanogo melalogo wulafikhe mene re yi'nogo:
Andi nen he, afuni Israel mene omanogo nen ap o helep oba afe halhigik wusugun mene omanogo inom, e meneba wusugun mene omanogo inom, inenggi onggo wogisikhi logouwogeluk, uang andogotukwa. A'nogo andogotukwasik, hobuk he, yi mene ti mene nunggu mene sumburu inom, anggur amusu inom, e zaitun enggen amusu inom, o Libanon andoma nen e wombi hangge enu cemara onggo oarogo i laut agum kwe nen o Yafo andoma lakfei wesuageluk, o kota Tirus inom, Sidon inom, lakfesukwa. A'nogo hilingitukwa andi re, ap kain Kores o Persia mene inoe raja nen, ”A'nogo hilingi'no,” iluk yagaisasikhemo hilingitukwa andi.
Oba nen he, at Zerubabel inom, Yesua inom it kepala lombok welagaukwa mene omanogo inomen wene onggo ikhi logolik he, ”Nit he hun Kores raja Persiaba werek mene a'nogo nen wene melalek yaganisasikhe higithogo re, o andi re ninamu nen wusugun o. Nen, hiren lebetnisugu kwelek nit nineisena Tuhan Allah Awi andi wusugun he elo'lego,” iluk isukwa.
It Yahudi mene nen yabu hilingisugun iluk wene melalhukwasik hilingiti lagaukwa mene a'nogo sugwi asuageluk he, it afuni omanogo nen he ap pemerintah Persiaba yabu lego mene logolik hilingitarek inap omanogo onggo palinabi laga lagaukwa. A'nogo hilingitu werek kwelek enek he at Kores raja welagaikhesik obali'mo Darius inoe raja menlagaikhe huliba asi lagaikhe.
A'nogo hilingitu kwelek, it ap Allah ane yagaisikhi lagaukwa mene Ido amlogo enu Zakaria inom, nen, ap enu Hagai inomen, ”Wu'ni o,” iluk inendawinggen ago watu kwelek, it afuni Yahudi mene inogogwi kaindek omanogo nen o ebe wutukwa. O weak-weagat wutukwa andi re, wene it afuni Israel mene ineisena Allah a'nogo nen, ”Yi'nogo wu'no,” iluk isikhesik oba nen, it afuni o Persia mene inogogwi raja Kores nen inom, Darius nen inom, Artahsasta nen inom, yagaisasukwa higithogoat o a'nogo mondogat eil hondologo wutukwa andi.
”At Kores inoe raja menlagaikhesik oba nen, tahun attak-attak ferinarek welagaikhe andiba, wene wulafi logolik he, O Tuhan Aiba Yerusalem a'nogo afuni nen yi mene ti mene waluk o andi we'luk Allah faget fisigik, noletik, ikhi logouwageluk mezbah ilirengge yi'nogo walhogo wusugun. O andi liabek uanhogo wurik lagagun mene re ilirengge 27 meter oba fei lagagun. Nen, aleget nunggulik he, 27 meter en at.
A'nogo wogisugu kwelek Allah nen he ap alage inebe enggaminogo mene aremnogo yi wene ti wene lisu palek mene andi inelu agik, inendawinggen mondok kagalek mene hilinglasuageluk hilinginafikhesik, at Daniel enek he, inabikanggo hagarek mene inom ineil fenggenek logolik inabi higit hagarek mene inom, Ebe ti'nogo hilinglasigin mene faget hegenma o, iluk higithogo yagaisikhi logouwagaluk wogotikhe.
Nen, an nen hat hoba yagahesigin mene andoma re eberogo meneat yagahesigin o,” iluk ikhe. A'nogo ikhesik Malaikat a'nogo nen ikhi logolik, ”Raja amu mene inebe henagan mene nen o Persia ba andoma ferinarek logombigen he, it inombo'ne re raja enggaminogo nek mene andi re it andem we harek oba nen at andi nek he enggi werek mene logogin. A'nogo hilingik logolik at ebe omame arik lagik, enggi werek agik, hilingirik lagik laga logombik ambisangma nen he sa omame werek sa omame werek kerajaan Yunani mene inom wal-wal ugun.
A'nogo yaganetesik malaikat a'nogo nen ekhe yaganeti logolik, ”Daniel, buku fikhal higi'lek were'ma nek he o wurep kobok igin enggere, yogondak yinggilogo fuluk he amusu somuk amusu hangge meneba yugulogo te'merogo re enegenggerogo fein o. Afuni hokhorogo nen he yi'nogo ti'nogo agarek mene andoma faget fut fogoin iluk hilingiti logogun. Oba nen he, iren hilingiti logogun mene andi re we alomarogo hilingiti logogun o,” iluk yaganete.
Arenat ti sambul hibi asigin ti sambul salim asigin iluk inom, nen yi wene ti wene agarek oba asuageluk inom kagalogo fikherek oba hilinglagik, it ap inenu werek logouwageluk Aren liakfisigik, sebelfisigik, ikherek. Aren ogore afuni inendawinggen kagalek mene hilingfisigik, yi wene ti wene elok futfikhi logouwagaluk hilinginafik, ikherek.
A'nogo wagaikhasik oba nen, hobuk ap enu Daniel igik, Beltsazar an nandugwi enu higithogo agarek mene a'nogo noba waga. At Daniel andi re it ekhe nen, Nineisena tegelek mondok welagarek mene ebe yi aro, iluk fogeraterek mene a'nogo areagun endawimo peterogo welagarek mene andi oba, an nen nabi higi mene pilingisogo yagati logolik mel yagatiat:
Ap andi re ungguloa'ma mondok kwe hurik nen endawinggen mondok kagalek logolik yi wene ti wene mondogat elu hilingi'mo re, inabi hagarek mene, Ebe yi'nogo hilinglasigin mene faget hegenma iluk yagaisigik, ebe hinago mene fakhogo yagaisigik, yi wene ti wene onggo u mondok elo'lek mene elok yagaisigik, ikherek mene enu Daniel ikhi lagaukwa mene re, at enupogoren Beltsazar salhikhe agun andi werego. Ma re, aren lisu palek mene andi, Ebe yi'nogo hilinglasigin mene faget palek werek, iluk yagahesuagen he, wolhan o,” iluk yagatikhe.
A'nogo ugunem holhiri'mo nen, at malaikat a'nogo nen yi'nogo yaganete: ”It afuni Domba Eak agwe hak ikhikhi logolik, seni isago na wesuageluk inayonggo faga mene halok inendawimo inagaiyek asuago, iluk lisu palino o,” iluk yaganetesik, hobuk yaganeti logolik: ”Wene yi re, eberogoat Allah nen ikhe mene o,” iluk yaganete.
ကြော်ငြာတွေ