DANIEL 1:8 - Allah Wene Fano Wene Hupla Inane

^8-9 Inenu a'nogo salinafikhemo were'ma, Allah nen he, ap Aspenas a'nogo nen at Daniel ebe endawirasimbik endawi hundik hilingiti logouwageluk hilingisogo fesikhe. A'nogo hilingisogo fesikhemo were'ma, at Daniel endawimo nen he, ”An nen raja aiba mene amburu inom, agai anggur amusu ninggerek mene inom nunggunem, nebe weaget fakhigi hanogo,” iluk endawimo anggasikhesik he, ap enupogot agoromi inoe a'nogoba yagati logolik, an namburu inom, nagai inom nunggu mene re we amu mene wo'neti logogun o,” iluk yagatikhe.

DANIEL 1:8 ပူးပေါင်းရင်းမြစ်များ

1RAJA-RAJA 5:5

Tuhan nen an neisena Daud oba yagati logolik he, An nen hat hobali'mo hamlogo raja logouwageluk menfoumo aren An nobaget hilingiti logogun oba Nawi ekhe wusigin iluk, abok wene warete andi nen he, noe an Salomo nen o wusigin nen iluk, hilingiti lagi o.

MAZMUR 106:28

Andi re iren o Peor andoma nen kembu Baal a'nogo apne wanhik, nen kembu dewa inobaget fugu mene omanogo iren ninggik isukwa.

MAZMUR 119:106

An nen Hat hawene melalek inom, wene katokhogo hilingitu awene faget inom andoma mondogat pukhogo fisogo logogin, iluk nane hombuk palogo wene watigi mene andi re nane isigi higithogoat tibet fagain o.

MAZMUR 119:115

Yago, hit ap hinobabut mondok weak mene andoma re, an were'ma yoma herakfuluk yatma hela lani! An he neisena Allah ane andi nek hologo hilingiti logogin.

MAZMUR 141:4

An nendawimo nen weak hilingisu mene hangge hilingnabi'lago mene andi re, an nelokhoma nen waganogo yatma lakfisikhi logoino. An it ap inobabut kwanirogo hilingiri'lagwi mene ninom sebe'luk, it inaseni isagoma ninom noageluk oboget nea fuk.

AMSAL 23:3

Hat weaget habuogeluk isagaisogo fili'lagwi mene andoma enduk fano nen nagain iluk esia'le pok u fuk.

DANIEL 1:5

At raja nen a'nogo yagatikhesik, ekhe mel yagatikhe: ”It inamburu inom, inagai inom, an nagainafuri ninom faget wo'nisikhi lagep andi hagat wogisikhi logolik, 3 tahun oba arat yanggulinafen halok, it yabu an naiba hilingiti logouwageluk noba woginarek we'no o,” iluk yagatikhe.

DANIEL 5:4

A'nogo ninggi logolik, tugwi kembu emas mene inom, perak mene inom, tembaga mene inom, e mene inom, helep mene inom, pugunhogo agauwak hilingitukwa mene omanogo fogeratukwa.

KISAH PARA RASUL 11:23

At Barnabas andi, obabut fano logolik, endawinggen Yesus oba himbirik mondok were'ma re, Allah Areagun endawimo peterek welagaikhe andi nen, lakfei wagaukwama, wagaikhesik eilenggen isasikhesik, endawimo nen he, ”Allah obabut fano nen fano hilinginafemo werek higi,” iluk endawimo agaiyek anggikhi lagaikhe. Endawimo agaiyek anggasikhesik he, ”Hit mondogat hinendawinggen Yesus oba eberogoat himbiret fuluk, at hinom hundigat mondok logoino o,” iluk komorinafikhe. Komorinafi lagaikhemo, afuni hokhorogoat Tuhan Yesus werekwe lambuk isukwasik inebe sik-pik ikhi lagaukwa.

KISAH PARA RASUL 15:20

We, niren he, wene mel iluk lisu palogo inoba lakfouwok. Tugwi kembu harenggen oba himbirik logolik anggo waretarek mene kurik nunggunem inebe weaget fakhagarek mene andi nogoin lek. Pailak fakfisogoin legat. Nen, yi mene ti mene alonggop perelogo warek mene ninggik, mep ninggik, ugun legat, iluk komorogo inoba lakfouwogo.

1 KORINTUS 7:37

Mene re, at ekhe, afuni ekhe nen endawimo kagalhunem he, onggwarek endawinggen wurigat logolik, endawinggen onggwaregen sebelogo nen: ”Lego. An nagwe nemberek wenago mene andi, a'nogoat logouwak,” iluk endawimo anggikhe halok he, andi fano mondok.

2 KORINTUS 9:7

Afuni inendawimo inagaiyek mondok anggikhi logolik it ekhe fisagarek mene andi, Allah nen inebe endawi welagarek andi nen he, hit hinebe lombok hinagarek hinendawi werek kwelek, it ekhe nen hinendawimo ninghogo kagalhunem fisogoin elo'lego. We, hit hinendawimo fano logolik, hinonggwarek hinendawimo nenat kagalogo fisogoino.

ULANGAN 32:38

Wam hiren fisegep mene, iren he, sei nengga, I anggur enggen amusu, fisegep mene nenggaat, Iren he, hit hinebe telhinabi wesuwagaluk, hompuk palugun mene, Iren hit hinebe fethinarek, logogun mene hilinglasuak.