DANIEL 1:4 - Allah Wene Fano Wene Hupla Inane

⁴ A'nogo wenaginafi logolik, ap alage inebeba inagambut palek lek mene halok, inebe mondok fano mene halok, sekolah uan hilingita mene halok, yi wene ti wene elok futfou inelu mene halok, inendawimo kagauksek mene halok, yabu an naiba hilingiti logogun elok mene halok, wenaginabino o. A'nogo wenaginabimbik, nit afuni o Babel mene ninane yagaisigik, ninaneba lisu palek mene yanggulinafik, ikhi logoino,” iluk yatikhe.

DANIEL 1:4 ပူးပေါင်းရင်းမြစ်များ

KEJADIAN 41:46

A'nogo menfesikhesik agwe a'nogo wogotikhemo, at Yusuf ebe umur 30 tahun oba yabu raja Firaun aiba Mesir mene faget, hilingisigiluk ero fakfesikhe. Fakfesikhesik, at Yusuf ebe raja Firaun aiba andoma nen o Mesir esanggokwe yi awi ti awi mondogat eilenggen hilik lagaikhe.

2 SAMUEL 14:25

At Absalom ebere ap mondok fano elokhe pugunsek amlogo iluk it Israel inap were'ma andoma inebe mondogaren foget fikhi lagaukwa. At eisok agut oba nen pikhit esiba mondogat he fano mondok welagaikhe. Nen at ebe pugunsek aple andi sebelek hak kwelek ap ekhe aren ambolkwe pugunsek mene ekhe welagaukwa mondok lek.

AMSAL 22:29

Hat he ap ineabu huli werek higithogo helagarek mene andoma re heilenggen isikhi lagen a? Ap a'nogo hilingiti logogin mene andi re yabu ap we mene inailokwe hilingiti logogun he fuk, we inogogwi kaindek mene inawilokwe hilingiti logogun o.

PENGKHOTBAH 7:19

Hebelek mene andi nen he onggwarek agun a'nogo omame hokhorogo wogeterek, nen ap o kota misik ekheba inomame werek inap inebe 10 nen werek oba nen ogore hebelek mene andi nek he omame mondok hokho werek.

YESAYA 36:11

A'nogo isikhemo it Elyakim inom Sebna inom Yoah inom, aremnogo nen perwira Asyur mene a'nogoba ikhi logolik, ”Ninoe haren nit wene yaganisageluk he Aram inaneba yaganisan o, niren elok fut fogoin. Nen Ibrani inaneba ugunemen he afuni o kota leget pak waganek ambolkwe werek mene oma nen fut feinogo o,” iluk yagatukwa.

YEREMIA 5:15

Hit afuni Israel mene yi sani, Tuhan nen he unggulenu misik mene ekhe o yatma nen hit hinoasi wesuageluk lakfei waga. Unggulenu andi re o attagat andoma welagaukwa inap, inane re hit hinonggot mene, nen inebe re mondok inomame werek inap weri'lagwi,

DANIEL 2:10

A'nogo yagaisasikhemo, it ap yi wene ti wene awene inelu mene omanogo nen he, ”O yi awi ti awi mondogat ap inebe ekhe yi wene ti wene inelu mene hat yagahesuageluk egen andi hangge agarek mene ekhe werek mondok lego. Nen, ap ekhe raja lego mondok were'ma fogeratarek mene nen, agoromi inebe wene hobuk hilinglasigin mene faget yagaisagarek mene inom, ap wesagun elalin hilingitarek mene inom, yi wene ti wene awene inelu mene inom, at aiba welagaikharek mene nen wene haren he, niren uagaluk yaganisegen andi hangge ekhe agarek mondok lego.

DANIEL 2:2

A'nogo logolik, at raja nen he, ap ekhe inayonggo fuluk, it ap wene hobuk hilinglasigin mene faget yagaisagarek mene inom, ap wesagun yi mene ti mene elalin hilingitarek mene inom, pamo inoatarek mene inom, yi wene ti wene awene inelu mene inom, inomen abi hasikhe mene andi ebe, ”Ti'nogo hilinglasigin mene faget hegenma,” iluk yagasuagaluk inayonggo fesikhesik lakfisasikhemo wagaukwa.

DANIEL 3:8

At raja nen a'nogo isikhe andiba re, ap o Babel mene ekhe nen afuni Yahudi mene, ”Hit weak,” iluk wene inoba fouwogeluk isukwa.

DANIEL 4:7

A'nogo meneat he, it ap wene hobuk hilinglasigin mene yagaisagarek mene inom, wesagun yi mene ti mene elalin hilingitarek mene inom, yi wene ti wene awene inelu mene inom, ap hesagal awene inelu mene inom, inebe wagaikhama, iren an nabi higi mene andi, Ebe ti'nogo hilinglasigin mene faget hegenma o, iluk yaganesuagaluk nabi higi mene a'nogo pilingisogo yagaisigi meneat he, iren yaganeti'lego.

DANIEL 5:11

Andi re o kerajaan neisena haren ferinarek welagen oba yoma re ap ekhe, Neisena ebe yi aro, iluk fogeraterek mene areagun endawimo mondok peterek mene ekhe werego. Ap andi re hat heisena nen ferinarek welagaikhe aremnogoba re ungguloak mondok kwe hurik were'ma, yi wene ti wene futfikheresik endawinggen kagalek logolik, afuni nen he, Nineisena ebe yi aro, iluk fogeratarek mene nen endawimo kagalogo yagatunem hangge yagaisikherek mene werego. A'nogo ikherek andi nen he, hat heisena nen at andi ebe ap wene hobuk hilinglasigin mene yagaisagarek mene inom, wesagun yi mene ti mene elalin hilingitarek mene inom, yi wene ti wene awene inelu mene inom, hesagal awene inelu mene inom, inoe kain logouwagaluk menfesikhe mene ebe werek andi nen he, hendawinggen hambukhogo logoin o.

DANIEL 5:7

A'nogo hilingiti logolik ane hokhorogo mel isikhe: ”Ap wesagun yi mene ti mene elalin hilingitarek mene inom, yi wene ti wene awene inelu mene inom, hesagal awene inelu mene inom, wolisani o,” iluk isikhemo wagaukwama re, it ap o Babel mene inendawinggen kagalek logolik yi wene ti wene inelu mene omanogo inoba mel yagaisasikhe: ”Sa nen lisu palek mene ari enu salhik, ebe yi'nogo hilinglasigin mene faget lisu palek werek, iluk elok yaganetik, igin halok, an nen at agaukhogo su elokhonggen kibi-kibi warek hangge mene ap inenupogoren labetarek mene labetfigik, siong emas mene alonggopma ikfigik, igin o. A'nogo ikfembik, afuni an nen ferinarek welagi oba yoma nen at andi re nomor 3 along werek mene logouwageluk menfagain,” iluk yagaisasikhe.

DANIEL 9:1

Ap Media mene enu Ahasyweros andi, amlogo Darius ebe afuni Babel mene inoe raja menlagaikhesik, tahun attak ferinarek welagaikhe andem oba re, an Daniel en buku Allah ane palek mene omanogo enu salhi. A'nogo salhirik he, At Allah nen Yeremia At ane yagaisikhi lagaikhe mene a'nogo yagati logolik, mel isikhe mene welaga: O Kota Yerusalem andi re meisalek werek kwelek 70 tahun hilinglasigin o, iluk yagatikhemo, yagaisasikhe mene were'ma enu salhirik, nendawimo ebeti.

ZAKHARIA 2:4

Ambi agaikhasik malaikat attak mene a'nogo nen ekhe pirenek mene a'nogoba ikhi logolik, ”Ap alage mene andi ambit weak-weak lambik yagati logolik he, o Yerusalem he afuni nen inom inanggo takhagarek mene nen inom mondok hopo igin enggere leget pa'leget haning leget wanu re elo'lek agunem hogoin o.

KISAH PARA RASUL 7:20

A'nogo hilinginafi lagaikhe andem sambul, at Musa ebe fano mondok ta'lagaikhemo re, tugi henagan eisena aiba fisogo welagaukwa.

KISAH PARA RASUL 7:22

Kulhikhemo re, it afuni o Mesir mene yi wene ti wene inelu welagaukwa mene andi, aren mondogat yagatikhe. Yagatikhesik aren aneba fano nek igik, enggiba yi mene ti mene fano nek hilingitik, ikhi logolik, ebe kainat agaikhe.

HAKIM–HAKIM 8:18

A'nogo hilingitikhesik, hobuk ap Zebah inom, Salmuna inom, mel yagaisasikhe: ”Hiren ap o Tabor en inoatep andi inelokhonggen ningginik mene inoatep,” iluk heinok wogisasikhemo, iren he, ”Inelokhonggen he, hat hinom higit, ap kaindek inenupogot inagainafuri inelokhonggen hangge mene inoato o,” iluk yagatukwa.