DANIEL 1:2 - Allah Wene Fano Wene Hupla Inane

² A'nogo yagarinafikhemo, Tuhan nen afuni Yehuda mene inoe raja Yoyakim ebe Nebukadnezar enggiba fikhi logolik, yi mene ti mene onggo hokho mene Tuhan awi wuri'mo welagaikhe mene ekhe hugulengge heloagaluk yagatikheat. A'nogo yagatikhemo, afuni inebe hele warogo woginarek waga logolik, yi mene ti mene onggo hokho mene hugulengge helasikhe mene omanogo waluk wagaikhesik, at angge tugwi kembu awi wuri'mo andoma fesikhe.

DANIEL 1:2 ပူးပေါင်းရင်းမြစ်များ

KEJADIAN 10:10

Attak-attak ap inenu werek logolik wene melalinafunem it kerajaan aren mene re Babel inom, Erekh inom, Akad inom, o sili andem he, o Babylonia kweang oba andoma welagaikhe.

KEJADIAN 11:2

A'nogo logolik, o mo lagai wagarek higit o tonggo erang tonggoma mondok liok-layokse'ma enu Babylonia andoma lagaukwasik welagaukwa.

2 RAJA-RAJA 24:1

At Yoyakim ebe raja logolik melalinafi lagaikheba andem he, hun Nebukadnezar afuni Babel mene inoe raja a'nogo nen o afuni Yehuda mene were'ma weim sineli kwi wagaikhesik it inebe lambulogo fisasikhe. A'nogo fisasikhemo re 3 tahun hunugusogo andi at Yoyakim he hun Nebukadnezar a'ma sebe isikhesik welagaikhesigen, hobugen a'nogo logogin nabit iluk, wene palhukwa.

2 TAWARIKH 36:5

At Yoyakim ebe umur 25 tahun werek kwelek raja it afuni Yehuda mene inobaget menlagaikhesik he, o Yerusalem oba andoma 11 tahun logolik melalinafu welagaikhe. Aren he eisena Tuhan Allah a'nogoba weak hilingitu welagaikhe.

2 TAWARIKH 36:7

At Nebukadnezar en he yi mene ti mene mondok fano mene o Tuhan Awi wuri'mo werek mene omanogo fenakwe helaluk lagaikhesik he at onggwarek ebe were'ma o istana Babel oba omanogo fei lagaikhe.

EZRA 1:7

A'nogo wogisasukwama, at Kores nen he, yi mene ti mene hokhorogo Allah awi wuri'mo o Yerusalem Allah faget hilingisuogeluk wanhi lagaukwa mene omanogo, ap raja Nebukadnezat a'nogo nen waluk o Babel lagaikhesik he, at andugwi kembu fogerati lagaikhe mene ailoba fesikhemo were'ma, wulabi wesuageluk, afuni o Persia pemerintah ba faget inauang tegelhi lagaikhe agun inoe kain enu Mitredat andi ayonggo fesikhe. Ayonggo fesikhemo aren he yi mene ti mene omanogo mondogat wenagaisogo re, enu palhigik ap Sesbazar gubernur o Yehudaba welagaikhe agun a'nogo eilenggen hoageluk yi'nogo palhikhe.

YESAYA 11:11

Linggene andi sambul he Tuhan en at omameba againafuri alinlan logogun mene o Asyur inom Mesir inom, o Patros kweang oba inom, Sudan inom, Elam inom, Babel inom, Hamat inom, i alonggen kwe yathogo werek mene omanogo mondogat woginarek inambotkwe sugulogo wesugun.

YESAYA 42:24

It Israel mene andi it ekhe inenggiba asuageluk sa nen wogisikherek nogo? At Tuhan amu nen he lek nogo a? Nit he Aren wene yaganisikherek mene omanogo furogo hilingiti'lek welagik, nen Aren yi'nogo hilingiti logoino, ti'nogo hilingiti logoino iluk komotninafikhe wene omanogo higithogo hilingiti'lek welagorek andi nen he, At elokhoma niren weak hilingisogo fogorek andi o.

YEREMIA 25:1

Yoyakim hun Yosia amlogo a'nogo raja menlagaikhesik ferinarek werek kwelek enek he tahun enggaminogonek mene were'ma, Tuhan nen inunggulenu Yehuda mene mondogat faget wene yagaisoageluk an noba yaganete. A'nogo agaikhe sambul andem he at Nebukadnezar o Babel oba inoe raja menlagaikhesik welagaikheba agaikhe.

YEREMIA 27:16

Andi nen an nen it imam-imam inoba inom nen afuni holhu mene inoba inom Tuhan nen yi'nogo ikhe iluk yagaisigi, ”Nabi andoma nen ikhi logolik yi mene ti mene o Tuhan ailoba were'ma hilingitarek engge omanogo re we eil misik logombik o Babel en hobuk ambotkwe waluk wesugun o, iluk agarek mene andoma re holu fugo. Iren he ineranhogo wene ili'lagwinggere,

YEREMIA 28:3

Tahun pire welago arem oba re An nen yi mene ti mene An nailoba nen Nebukadnezar raja Babel mene nen feleleng e'luk laga mene omanogo nekhengge An noba fei wesigin.

YEREMIA 35:11

Oba nen he Nebukadnezar raja Babel mene a'nogo nen kweang yiba pin kwi wagaikhe sambul he, nit he ap tentara Babel mene inom Siria mene inom inoba nen heise wilibimbik he pugulogo o Yerusalem wulibugun anggasugu. Andiba re yogondak nit yoma welago ari o,” iluk aga.

YEREMIA 50:2

”Enek engge porogo hilingfuluk he yi afuni ti afuni inunggulenu lombok faget wene menfikhi logolik Babel he sebelaga o ino! Wene andi re sebelogo fou fuk! It inanggembu Dewa Merodakh a'nogore mondogat wolelenggen ete, nen alik waganek mene hemi inom ap inom inalfulukwa kogouk hilingik mene omanogo re eraphogo yinhun ikhe, nen kembu aren mene mondogat inenggalirogo hilingik mene omanogo re wolelenggenhogo lek aga o, iluk yagaisano.

YEREMIA 51:44

O Babel kweang oba andoma kembu dewa Bel a'nogo An nen unggum wogosigin. Aren telasikhe mene omanogo re nekhengge obali'mo fei wesuageluk hilingfagain. Yi afuni ti afuni nen at faget ekhe apne wanhi logogun lek. O Babel pa'leget omanogo mondogat langgukhogo pikhe.

DANIEL 5:13

A'nogo yagatikhemo, at Daniel ebe waluk raja oba wagaukwama re, at raja Belsyazar en mel yagatikhe: ”An neisena enupogoren ap o Yehuda mene hele warogo woginarek wagaikhe mene ekhe enu Daniel aga andi hat fagera?

DANIEL 5:18

At Allah Lego Mondok werek mene a'nogo nen hat heisena Nebukadnezar ebe kain enupogot logouwagaluk menfesikhesik afuni at enggiba ferinarek logouwagaluk wogotik, enu hokho were'ma fogerati logouwagaluk hilingisogo figik, isikhe andi.

HABAKUK 1:16

Iren he, ”Ninasu yiba nen fano mene saburogo ninggik, heligik, ikhi lago,” iluk he, inasu andi oba inendawinggen himbirik logolik, anggo waretik, amben fano mene noletik, hilingiri'lagwi.

ZAKHARIA 5:11

aren onggo ikhi logolik, ”O Babel waluk lili'lagwi o. Andoma nen he, iren si ugu andi faget kembu awi wusugun. Iren kembu awi andi mondogat wutfembik he si ugu andi re andoma were'ma fogerati logogun o,” iluk yaganetunem higi.

ULANGAN 32:30

Ap ebe misigat mene nen, inebe seribu mene, ninggi'nogo nen mugisikhe, Ap inebe pire mene nen he, inebe sepuluh ribu mene, ninggi'nogo mugusogo wulakfisaga, Nineisena Tuhan nen, inebe onggo palogo woginafemo, Allah omame hokho a'nogo nen, inebe herakfisikhemo.

HAKIM–HAKIM 3:8

Andiba re, Tuhan nen afuni Israel mene inoba anini fesikhesik he, afuni Israel mene andi at raja Kusyan-Risyataim awi Mesopotamia mene andi nen inomame leget fisoageluk herakfisasikhe. Herakfisasikhemo 8 tahun he raja andi nen ferinarek welagaikhe.

HAKIM–HAKIM 4:2

A'nogo hilingiti lagaukwama, Tuhan nen afuni o Kanaan mene inoe raja enu Yabin o kota Hazot welagaikhe mene nen mabenet fisoageluk, it Israel mene herakfisasikhe. At kain Yabin agot weim anini weak mene enu re, Sisera. Ebe o kota Haroset-Hagoyim andoma welagaikhe.

1 SAMUEL 5:2

Fei lagaukwasik, peti a'nogo it inandugwi kembu fogeratarek mene enu Dagon andi awi wuri'mo ebe welagarek oba era'lu fei kwisukwa.