DANIEL 1:18 - Allah Wene Fano Wene Hupla Inane

¹⁸ It a'nogo wogisasikhemo were'ma, attak at raja nen he, ”3 tahun logolik, yi wene ti wene yanggulinabino,” iluk isikhe mene higithogoat arat yanggulinafukwasik, at Aspenas nen it alage omanogo mondogat raja Nebukadnezar oba woginarek lagaikhe.

DANIEL 1:18 ပူးပေါင်းရင်းမြစ်များ

DANIEL 1:17

A'nogo wogisugu kwelek Allah nen he ap alage inebe enggaminogo mene aremnogo yi wene ti wene lisu palek mene andi inelu agik, inendawinggen mondok kagalek mene hilinglasuageluk hilinginafikhesik, at Daniel enek he, inabikanggo hagarek mene inom ineil fenggenek logolik inabi higit hagarek mene inom, Ebe ti'nogo hilinglasigin mene faget hegenma o, iluk higithogo yagaisikhi logouwagaluk wogotikhe.

DANIEL 1:19

A'nogo woginarek lagaikhemo, at raja nen it inom wenenggak ikhi logolik inobabut palhikhe mene re, it ap alage fenakwe omanogo elo'lek hangge meneat he, it Daniel inom, Hananya inom, Misael inom, Asarya inom, a'nogo nek he inendawinggen mondok kagalek logolik, yi wene ti wene ekhe inomat inelu nek hilingi'mo isasikhesik he, yabu at raja aiba andoma hilingiti logouwagaluk yagaisasikhe.

DANIEL 1:5

At raja nen a'nogo yagatikhesik, ekhe mel yagatikhe: ”It inamburu inom, inagai inom, an nagainafuri ninom faget wo'nisikhi lagep andi hagat wogisikhi logolik, 3 tahun oba arat yanggulinafen halok, it yabu an naiba hilingiti logouwageluk noba woginarek we'no o,” iluk yagatikhe.

DANIEL 2:16

A'nogo yagatikhemo, at Daniel ebe weak-weagat raja oba lagaikhesik mel yagatikhe, ”Hat habi hegen mene andi, an nen, Ebe ti'nogo hilinglasigin mene faget hegenma o, iluk yagahesigen he, endebat po'logoino,” iluk yagatikhe.