BILANGAN 7:9 - Allah Wene Fano Wene Hupla Inane

⁹ Oba nen he, it ap Kehat mene nek he yi mene ti mene mondok horek mene eiserogo halharek mene omanogo inomoloba ha'luk laga lagaukwama re, Musa enggiba nen kereta ogo sapi ogo ekhe sumburogo wogisasikhe lek.

BILANGAN 7:9 ပူးပေါင်းရင်းမြစ်များ

2 SAMUEL 6:13

A'nogo waluk waga logolik, it ap Peti a'nogo waluk, horogat ineisok 6 oba fei wagunem, at Daud en he, ”Hinebe andem kamo ini o,” iluk yagaisasikhesik kamo ugunem, aren Tuhan faget wam sapi ai mene ekhe inom, nen sapi eak otholik mene ekhe inom warogo noletikhe.

2 SAMUEL 6:3

Lagaukwasik, Peti a'nogo ap Abinadab awi punuba wuri'mo welagaikhe agun a'nogo nen fisogo were'ma wanhukwasik, kereta lisogo woginarek lagarek mene a'nogo enu hilingik meneba liakfesukwasik, ap Abinadab againafuri Uza inom, Ahio inom, emberegen waluk wagaukwa. A'nogo waluk waga logolik, at Uza ebe Peti andi abel fena horokhogo wagu kwelek,

2 SAMUEL 6:6

Wuni a'nogo warik, ap Nakhon gandum enggen folherek oba andoma asi wagaukwa hak he, sapi a'nogo nen kereta lisogo waluk wagunem eisok peikhogo warikhi lagaikhemo re, at Uza nen Peti a'nogo kobokhogo pinogo iluk enggi nen agot fesikhe.

1RAJA-RAJA 8:3

It afuni inogogwi kaindek omanogo inebe mondogat andogosi wagaukwama re, it ap Allah eisewerek mene nen he Peti wene warek a'nogo waluk,

1 TAWARIKH 15:13

Attak he Peti andi waluk wesugun iluk hilingitugu sambul a'nogo re fanorogo hambuget haluk waluk wesu mene re hit hinebe lek welagep. Andiba re, nit Nineisena Tuhan Allah a'nogo nen he, niren At endawimo anggikhe lek mene higithogo fogeratugu lek andiba re unggum wo'nisikhe andi,” iluk yagaisasikhe.

1 TAWARIKH 15:3

A'nogo yagaisasikhesik at Daud en he Peti Tuhan nen wene warogo wo'ninafikhe mene a'nogo obalik pugunetukwama omanogo fouwogeluk logolik he, it afuni Israel mene hokhorogo o Yerusalem kabogesi wesuageluk wolinafukwa.

1 TAWARIKH 23:26

Andi nen he, Tuhan Awi sabu a'nogo inom, yi aple ti aple At obaget hilingiti logolik, hilingitarek mene andoma re it Lewi inap andi nen ha'luk laga logogun hanogo,” iluk yagaisasikhe.

BILANGAN 3:31

Logolik he, iren e Peti Wene Warek elonggoma kwalegengge a'nogo inom, meja inom, lampu oak inom, mezbah-mezbah inom, O Senggelek Mondok Hore'ma a'nogo nen it imam en hilingitaregengge omanogo inom, kain o ambe Senggelek Mondok Hore'ma hulirogo kologo pelabek mene a'nogo inom, eisewerek logolik halhi lagaukwa. Halhi logolik, yi mene ti mene andomaba nen hilingitu mene faget eiserogo welagaukwa.