BILANGAN 5:3 - Allah Wene Fano Wene Hupla Inane

³ An nebe namlogomi ninom welagiba andoma emetlasinogo iluk he, it wulibi loageluk yagaisikhi logogun,” iluk yagaisano yagatikhe.

BILANGAN 5:3 ပူးပေါင်းရင်းမြစ်များ

MAZMUR 68:18

At Allah re angge kereta mondok hokho pokhorogo inenggi wenasu elo'lekhogo meneba, o Sinaiba nen At Awi obalik Mondok hore'ma omanogo kwigiluk weinam asi wagarek.

KELUARAN 25:8

An nebe nagainafuri andi inanggele'ma andoma logogin nen he, iren An nobaget O Sabu fano hore'ma ekhe wusuakhogo yagaisan.

KELUARAN 29:45

An nebe it inunggulenu Israel mene inanggele'ma logolik he it Ineisena Allah Anat logogin.

YESAYA 12:6

Hit afuni o Sion oba welagep mene yoma sani, hinagaiyegeti logoni. Wuni hinagaiyek oba wati logoni. Israel mene ineisena Allah Mondok Horek mene andi re, Ombak-bak mondok werek, At ebe re hinanggele'ma werego, iluk wuni wati logogun.

IMAMAT 14:8

A'nogo hiling fuluk ap a'nogo asu i sobalaluk, esi mondogat palogo kume warikhi logogin. A'nogo hilingitunem at a'nogo ebe mondok pugunsek mene aga iluk o sabu wuri'mo omanogo kwi laga logogin. A'nogo kwi lagain oba nen he, o sabu sale'ma elonggoma a'nogo kwigi'lek enda'ma andoma werek kwelek enek he linggene enggi 7 nen logogin.

IMAMAT 15:31

Tuhan nen Musa mimingiti logolik, afuni inunggulenu Israel mene nen Tuhan Awi Sabu salek mene a'nogo emetfeinogo re, ki huli nen it emerek logogun nen ningginik sambul halok we logogun, iluk futfikhi logouwakhogo yagaisa lan. Nen, iren Tuhan Awi Sabu andi emetfogoin halok he it inebe wa'lasugun.

BILANGAN 16:3

It inebe mondogat lambulogo Musa, Harun emberek were'ma inambit lagaukwasik iren yagaisikhi logolik, ”Musa! Yogondak arat egen, it afuni Israel mene mondogat he Tuhan obaget tegelogo fakhagasik werek. Nen Tuhan ebere nit ninanggele'ma werek. Oba nen he haren anggikhi logolik he afuni oma inanggele'ma nen, an enek he lego welagi iluk anggikhi lagen a?” iluk yagatukwa.

BILANGAN 19:22

Yi mene ti mene ap emerek mene nen fakhagain mene halok he andoma abirengge emetlaga logogin, nen ap amu mene nen fakhogoin mene ogo re emerek werek kwelek enek mo ubuk ikhi logogin.

BILANGAN 35:34

An he Tuhan, hilingik welagimo re, An nen afuni inunggulenu Israel mene inanggele'ma welagimo re, kweang hit logogun oba andoma weagerogo fogoin mondok lego,” iluk yagatikhemo yagaisasikhe.

BILANGAN 5:4

A'nogo yagatikhemo re, afuni Israel mene nen wene melalek andi higithogo hilingiti logolik, afuni hokhorogo nen ariginik mene halok he, inawi sabumo nen wulakfisikhi lagaukwa.

ULANGAN 23:14

At hineisena Tuhan Allah nen hit hinebe hinawi sabu wuri'mo omanogo awe a'ma fethinarek were'ma, it hinaselei mene inelokhoma hit hinebe hinalonget hinobagakhi logogin. Andi nen he hit hinawi sabu wurikwe andoma mondogat fanorogo pugunhogo logoino. Nen a'nogo logogun lek halok he hit hinanggele'ma andoma obabut weak mene ekhe were'ma, At hineisena Tuhan Allah hit hinebe herak hinobagaluk laga logoinogo o,” iluk yagaisasikhe.

ULANGAN 23:15

A'nogo yagaisasikhesik ekhe inom yagaisikhi logolik, ”Ap inamingmingengge misik ekhe eisena aiba nen wulibi laluk, hit hinambit hina'nobagani iluk wagu halok he, at oba haiba lan, iluk yagasu fuk.

2 TESALONIKA 3:6

Nerugwi nagaila'lak. Hit hinerugwi hinagaila'lak ekhe Allah amlogomi meneat he, wene niren komothinafugu a'nogo hologo hilingiti'lek herakfisaluk inenggi wanhi'lek winikwonokhogo nikho mene andi hinom hundik logogubo.

TITUS 3:10

It ekhe nen, Allah againafuri mene it-it inom weak asuageluk, hilingiri'lagwi mene andi, attak komorinabimbik he, hobuk komorinabino aro. A'nogo komorinabigin mene, inesanggo holugun lek halok, hinom hundik logou fugo.

WAHYU 21:27

A'nogo kwikhi logogun meneat he, afuni weak inabit mene hilingitik, ineranen wene igik, ikhi logolik inoba horinafi'lek mene re o andoma kwikhi logogun mondok le'ma higi. A'nogo meneat he, it ekhe ineluk mondok logouwageluk fanorinabigin mene halok inenu lisu palogo Domba Eak asuesinggaba fikhe mene nek o andoma kwikhi logogun higi o.

WAHYU 21:3

A'nogo higiri'mo nen, hobuk nesanggo holhi hak he, at Allah kain welagarek obuluk oba a'nogo nen, at ekhe ane hokhorogo ikhi logolik: ”Yethani! Allah afuni inom mondok logogin mene, awi a'li yethani! A'nogo logolik, it at againafuriat logogun, nen, at Allah it ineisena inendawinggen oba eberogoat himbirik logogun meneat logolik, inom mondok logogun o.