BILANGAN 4:9 - Allah Wene Fano Wene Hupla Inane

⁹ Iren he kain muli pogot hak mene ekhe waganogo re lampu oak inom lampu ebe inom, no esage ambun-bun halhungge inom, aik hilingik mene inom, zaitun amusu fugungge obalik andoma inom, oba andoma salogo fikhi logogun.

BILANGAN 4:9 ပူးပေါင်းရင်းမြစ်များ

MAZMUR 119:105

Hat hawene andi re an neisok kwe lagukwe faget esage higit werek, nen an kwe loageluk seleget nafu mene werek.

BILANGAN 4:10

Lampu eisok inom andiba hilingitungge omanogo mondogat inom he, su agap mene eil sakhorek meneba huli'liphogo re pia'luk lagungge a'nogo amboloba fikhi logogun.

BILANGAN 4:8

Andoma mondogat he iren kain eil mep meneba salfuluk, agap mene eil sakhorek meneba re amboloba teisalogo meja andi pia'luk lagu mene faget piagayo kwelafi logogun.

MATIUS 5:15

Nen, esage ibilogo sebelogo fagarek legat. We, eisok telik oba fugunem afuni oloba welagaikharek mene inebe mondogat selegerinaferek.

WAHYU 1:20

Nen, hesagal ebe 7 nen nenggi ebekwe fisogo were'ma hegen a'nogo inom, esage ibilharek ebe 7 nen eisok telik emas mene hilingik inom, heilenggen hegen a'nogo re, wene hinago mene andi nen he, fakhogo yagahesigo. Hesagal ebe 7 nen hegen andi ebe re, it Allah againafuri 7 gereja nen andogotarek mene andi, Allah nen malaikat inayonggo fuluk lakfisa wagarek andi hak, inayonggo fesikhesik fisasikhe mene isegen o. Nen, esage ibilharek 7 nen andi ebe re, it Allah againafuri 7 gereja nen andogotarek mene andiat isegen o,” iluk yaganete.