BILANGAN 4:4 - Allah Wene Fano Wene Hupla Inane

⁴ It ineabu re yi mene ti mene mondok fano horek mene andoma halhi logogun.

BILANGAN 4:4 ပူးပေါင်းရင်းမြစ်များ

1 TAWARIKH 23:6

At Daud en he it Lewi inap a'nogo re esa henagan it ineisok erokwe hilingik mene higithogo, Gerson mene inom, Kehat mene inom, Merari mene inom logalogo fisasikhe.

BILANGAN 10:21

Andi mondogat lagunem he, it ap Kehat mene re yi mene ti mene horek mene omanogo ha'luk laga lagaukwa. Nen it omanogo o sabu wusugun oba asi laluk halok he, o Tuhan Awi Sabu a'nogo tak wutfikhi lagaukwa.

BILANGAN 4:15

Tuhan nen Musa inom Harun inom yagaisikhi logolik he, ”Hiren o sabu salek mene andoma meisalhu sambul andoma re, at Harun inom againafuri inom he An Nawi Wuri'mo a'nogo elonggoma kwi laluk, yi mene ti mene inom andoma nen yabu hilingitu mene omanogo inom, salfei kwikhi logogun. A'nogo hilingfilik lagunem enek he, it ap Kehat inap a'nogo nen hasuogeluk waga logogun. Oba nen he iren ekhe yi mene ti mene andoma ineilenggen nen higik, horokhogo asi lagik, inagaben senhigik ugun mondok lek, yi mene ti mene andoma re mondogat he An nobaget enogo were'manggere. Nen, iren a'nogo hilingisugun halok he it inebe wa'laga logogun. Andi arigini'mo re, it ap Kehat inap andi re it inunggulenu Lewi meneba nen wulibi lanogo re, at Harun inom at againafuri inom he iren waluk laga logogun engge omanogo inanggelekwe fisilik logoin. An Nawi Sabu andi hambokhogo fei laga logolik it Kehat inap ineabu hilingiti logogun mene re andi. At Eleazar hun Harun amlogo andi re, aren An Nawi Sabu andi faget inom, minyak lampu faget mene inom, amben engge nolhu mene inom, no gandum waluk hundik-hundik fikhi logogun mene faget inom, amusu yabu hilingiti logolik hilingitu mene faget inom, An Nawi Sabu elonggoma weregengge andoma mondogat inom faget eiserogo logolik halhi logogin,” iluk yagaisasikhe.

BILANGAN 4:24

It andi ineabu re yi mene ti mene waluk laga logouwageluk isikhe mene re yi:

BILANGAN 4:3

palimbik he, abenek inebe umur tiga puluh tahun nen he lima puluh tahun huli hilingik mene halok, iren yabu Tuhan Awi wuri'mo hilingisu higit mene nek halok mondogat andoma inenu lisu palino.

BILANGAN 4:30

At Musa nen he ap mene nek mondogat inebe umur 30 tahun nen pikhit 50 tahun oba mene, O Tuhan Awi Sabumo andoma yabu higit hilingisu mene nek wenagaisogo inenu palik lagaikhe.

BILANGAN 4:5

Tuhan nen wene melalek yi Musa wogetikhe: O inawi sabu omanogo meisalugun mene horok agu halok he, at Harun inom, againafuri inom he Tuhan Awi Sabu a'nogo elonggoma kwi laluk, su Peti Wene Warek kwalegengge a'nogo elokhoma nen korokhogo pelabi we'luk he su kain andiba re Peti andi salfikhi logogun.

BILANGAN 7:9

Oba nen he, it ap Kehat mene nek he yi mene ti mene mondok horek mene eiserogo halharek mene omanogo inomoloba ha'luk laga lagaukwama re, Musa enggiba nen kereta ogo sapi ogo ekhe sumburogo wogisasikhe lek.

MARKUS 13:34

Wene yi emberek higit he, ap ekhe aiba nen o yatma lageluk he, amingmingengge mene aiba kwalogo logouwageluk fisaluk lagarek. Lagaluk, amingmingengge mene omanogo ineabu lombok sumburogo wogisikhi logolik, ”Hat ekhe yi hilingiti logoino. Hat ekhe ti hilingiti logoino. Hat ekhe nawi kweba kagalek welagen mene yi, heilenggen fanorogo logoino,” iluk sumburogo wogisaluk lagarek andi higiraro.