BILANGAN 32:3 - Allah Wene Fano Wene Hupla Inane

^3-4 kweang o kota-kota Atarot inom, Dibon inom, Yaezer inom, Nimra inom, Hesybon inom, Eleale inom, Sebam inom, Nebo inom, Beon inom, Tuhan nen lebetnisugu kwelek nit Isarel mene nen sebeli kwi wagaguba andoma wam konhi logou mondok fanorego. Nen, nit he ninanggo hokhore'ma re,

BILANGAN 32:3 ပူးပေါင်းရင်းမြစ်များ

NEHEMIA 9:22

It afuni inunggulenu hunogo mene, nit ninombalak inawi wogisasigin oba yoma huliba welagaukwa mene mondogat mabenet fisaluk, inomame asuageluk hiliniginafigin andi. Andi re, o Hesybon ap raja Sihon nen ferinarek welagaikheba mene sebeli kwi wagik, o Basan ap raja Og en ferinarek welagaikheba mikha kwi wagik, isukwa andi.

YESAYA 15:6

I Nimrim weri'lago esanggokwe inom, engga wilibik mene inom mondogat puk lelok umo re engga eluk mene ekhe logogin lek.

YEREMIA 48:1

At Tuhan Omame Mondok Hokho mene, Israel mene ineisena Allah a'nogo nen Moab faget ikhe mene re yi, ”Afuni o Nebo werek mene inawi kota re arat sinukhogo pikhe andi nen he alomat lakhoak! Kiryataim he aben telagasik he o andiba inalong palogo omamerogo wurik mene omanogo re mondok halik halokhogo hilingfagama re afuni andoma werek mene re inenggali agaikha.

YEREMIA 48:2

Moab en wonoget fakhikherek mene a'nogo re mondogat lek aga. Ap selei mene nen he o Hesybon sebeli kwagasik he andoma nen afuni leget fisogoin iluk inane mari'lagwi. Kota Madmen andi re ap tentara nen pin kumo re o andoma ap inane mondogat tiring tereng igin.

YEREMIA 48:32

O kota Sibma andi re e anggur yagoma enggi omolore talogo i Laut Mati were'ma nen o Yaezer huli andomaba hilingik mene hak werek. Oba nen yogondak he enggen hibi lagaguba iterek mene inom, nen anggur enggen inom he mondogat leget faga. Andiba re an nen Sibma faget he le hokhorogo asigin oba nen Yaezer obaget he le we endebat asigin.

YEREMIA 48:34

Afuni Hesybon mene inom, Eleale inomen le agu mene re o Yahas huli andoma holi'lagwi, nen afuni Zoar mene inom o Horonaim mene inom, Eglat-Selisia mene inom werek huli andoma nen holi'lagwiat. It inagai Nimrim a'nogoba nen obawarek mene omanogo mondogat firok ikhemo re le ari'lagwi.

YEREMIA 48:45

Ap heise o ekhema lambik logogun iluk logoin mene re it inomame mondogat legasumo inagap telinabuageluk o Hesybon logoin, oba nen he o kota andi re endu nunggunem logoin, nen ap raja Sihon ebe were'ma a'nogo ogo re endu nen ninggi logoginat. Nen o kweang huli-hulimo werek mene andoma inom, o Moab oba tomkwe werek inap weim yafu inamolo mene omanogo ogore endu andi nen mondogat nagain.

YEHEZKIEL 25:9

Andi faget he, kweang o Moab huli-huli warek mene andoma An nen it ap selei mene nen inoasi kuageluk obogerisagain, andi re kota mondok fano mene Bet-Yesimot inom, Baal-Meon inom, Kiryataim inom, andoma herakfisagain.

BILANGAN 21:28

Wene misigam o kota yiba nen hilingitukwa mene re yi: At Sihon agoromi esa re endu lei ninggerek hakhogo laga lagaukwa. Iren he o Moab en kota Ar a'nogo wolelenggen isasukwasik, o Arnon punukwe andoma huli mondogat sebelasukwa.

BILANGAN 21:30

Oba nen he yogondak it inambisangma mene omanogo re. Ebekwe o Hesybon nen Dibon lagaikharekwe omanogo inom, o Basyim en he o Nofah lagaikharekwe inom, o Medeba horokhogo lagaikharekwe omanogo lek agaikha,” iluk isukwa.

BILANGAN 21:32

Andi nen, Musa nen ap lakfisikhi logolik o kota Yaezer andoma koma kwe nen inoasi kugun iluk kwe herasi loageluk lakfisasikhe. A'nogo hilingitukwasik it Israel mene nen he kota a'nogo inom nen fena kota endep-endebengge mene era'lukwe werek mene inom sebeli kwisukwasik he, afuni Amori mene o andoma werek mene omanogo mugusogo wulaginafukwa.

BILANGAN 32:1

It inunggulenu Ruben mene inom Gad mene inom he inanggo hokho-pokhorogo welagaikhe. Iren ineilenggen hasukwa re kweang o Yaezer inom Gilead inom omanogo re it inanggo konikhi logou oba obalik mondok fano hilingi'mo hasukwasik,

BILANGAN 32:2

iren Musa inom imam Eleazar inom it Israel mene inoba inogogwi melalinafarek mene amu mene omanogo inom inambit lagaukwa. Lagaukwasik iren ikhi logolik he,

YOSUA 13:17

andi nen o Hesybon inom nen o kota tonggo legokwe welagaikhe mene mondogat andoma re: O Dibon, Bamot-Baal, Bet-Baal-Meon,

YOSUA 13:19

Kiryataim, Sibma, Zeret-Hasahar tonggo andiba nen punu ambolkwe welagaukwa mene andi inom,

HAKIM–HAKIM 11:26

Afuni Israel mene nen he o Hesybon inom Aroer inom o sili maserogo werek mene andoma mondogat inom, nen o i Arnon esanggokwe kota werek mene andoma inom he 300 tahun huli welagaukwa. Nen, it a'nogo logolik andoma nenahalok haren oak helagain iluk hilingiti lagagin lek?