Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




BILANGAN 18:3 - Allah Wene Fano Wene Hupla Inane

3 Inunggulenu Lewi mene re, iren hat hobaget hilingisuageluk werek mene andoma hilingitik, nen An Nawi sabu wuri'mo andoma hilingisuageluk werek mene omanogo hilingitik ikhi logogun. Oba nen he, iren mezbah horokhogo wagu aple ogo athe yi mene ti mene hilingitungge mondok horek mene andoma O Senggelek Hore'ma werek mene andoma ogo senhikhi logogun mondok lek. Iren wene melalek werek mene andi taganhogo hilingisugun halok he harogo irogo wa'lasugun.

အခန်းကိုကြည့်ပါ။ ကော်ပီ




BILANGAN 18:3
12 ပူးပေါင်းရင်းမြစ်များ  

It he An nobaget ekhe inebe imam mene a'luk yabu hilingitik, nen An nangge horek mene omanogoba fakhigik, athe obalik mondok amu horek oba a'nogo kwigik, andoma mondogat he hilingiti logogun lek. Andi re, iren ina'meilo mene hilingiti lagaukwa mene omanogo faget unggum inoba asigin andi.


Hirambi hinebe higilogo louwogeluk halok he, it ap Lewi mene andi nen An Nawi Sabu andi meisalogo waluk laluk he, obalik ketma andoma wusi laga logogun. It Lewi inap andi mene re lek oba nen, it afuni amu mene ekhe nen o Sabu andi era'lu horokhogo asi lagu halok unggum he, ebe pinggi wasugun.


Oba nen he, it ap Lewi mene re An Nawi Sabu era'lukwe huli'liphogo wusugun. It andi nen he afuni ekhe horokhogo asi wagunem, An nanini a'luk it Israel mene andoma pinggi inoati hanogo re, iren kagalek logogun,” iluk yagaisasikhe.


Andi re ap Israel mene nen inendawinggen eberek logolik we it Harun ambisangma mene nek he Tuhan obaget amben engge dupa nolhi logogun oba nen ap amu mene re ekhe noli waga logogun lek iluk eberek logouwageluk hilingitukwa andi. Afuni wene melalek andi sagalogo hilingiti logogun halok he, it Korah inom agoromi at ombo'ne laga lagaukwa mene inom legetfisasikhe andi hak hilingfisagain. Andi mondogat he Tuhan nen wene melalogo Musa bene nen Eleazar yagatikhe mene higithogo nek hilingitikhe andi.


It he, yabu hit hinom seberogo hilingiti logolik, An Nawi sabumo andoma hilingitu mene nek hilingiti logogun oba nen he, it eiserogo hilingisuageluk werek lek mene re hit hinom seberogo hilingiti logou fuk.


Oba nen he yabu mezbah oba andoma hilingitu mene inom, nen O Senggelek Mondok Hore'ma a'nogoba werek mene faget inom he, we hat inom it hagainafuri hinomen enek yabu imam mene andi logolik hilingiti logogun. An nen hat hoba yabu imam mene andi hilingiti logouwageluk hobagasigimo re, haren eiserogo logolik hilingiti logogin mene re andi. Afuni it andi inoba andoma hilingiti logouwageluk werek lek mene oba nen yi mene ti mene mondok horek mene andiba horokhogo asi lagu halok he wene inoba fuluk pinggi inoati logoino.” iluk yagaisasikhe.


Nen Tuhan Awi Sabu salek mene a'nogo halhi logogun mene faget he, it inunggulenu andi mene nen he O Sabu ebe inom, amboloba salek mene inom, kain solombonma werek mene inom,


Logolik he, iren e Peti Wene Warek elonggoma kwalegengge a'nogo inom, meja inom, lampu oak inom, mezbah-mezbah inom, O Senggelek Mondok Hore'ma a'nogo nen it imam en hilingitaregengge omanogo inom, kain o ambe Senggelek Mondok Hore'ma hulirogo kologo pelabek mene a'nogo inom, eisewerek logolik halhi lagaukwa. Halhi logolik, yi mene ti mene andomaba nen hilingitu mene faget eiserogo welagaukwa.


It andi nen he o sabu oak inom, puluk inom, oak menetu mene inom, o hulu talhu mene inom, yingge-tingge miningik mene omanogo inom, yabu no andomaba nen hilingitu aple mene omanogo inom eiserogo logolik halhi lagaukwa.


Nen fena it afuni Israel mene wogisagain mene andi nen he, it inangge andoma 50 nen agaikha mene re haren misiktek higik wanino, andire ap hele warek wesugun mene andoma nen ogo, nen wam sapi, keledai, domba, kambing halok ogo a'nogo nek hilingi'no. Andoma re it ap Lewi inap An Nawi sabumo halhu mene omanogo inoba wogisano.” iluk yagatikhe.


Tuhan nen Musa inom Harun inom yagaisikhi logolik he, ”Hiren o sabu salek mene andoma meisalhu sambul andoma re, at Harun inom againafuri inom he An Nawi Wuri'mo a'nogo elonggoma kwi laluk, yi mene ti mene inom andoma nen yabu hilingitu mene omanogo inom, salfei kwikhi logogun. A'nogo hilingfilik lagunem enek he, it ap Kehat inap a'nogo nen hasuogeluk waga logogun. Oba nen he iren ekhe yi mene ti mene andoma ineilenggen nen higik, horokhogo asi lagik, inagaben senhigik ugun mondok lek, yi mene ti mene andoma re mondogat he An nobaget enogo were'manggere. Nen, iren a'nogo hilingisugun halok he it inebe wa'laga logogun. Andi arigini'mo re, it ap Kehat inap andi re it inunggulenu Lewi meneba nen wulibi lanogo re, at Harun inom at againafuri inom he iren waluk laga logogun engge omanogo inanggelekwe fisilik logoin. An Nawi Sabu andi hambokhogo fei laga logolik it Kehat inap ineabu hilingiti logogun mene re andi. At Eleazar hun Harun amlogo andi re, aren An Nawi Sabu andi faget inom, minyak lampu faget mene inom, amben engge nolhu mene inom, no gandum waluk hundik-hundik fikhi logogun mene faget inom, amusu yabu hilingiti logolik hilingitu mene faget inom, An Nawi Sabu elonggoma weregengge andoma mondogat inom faget eiserogo logolik halhi logogin,” iluk yagaisasikhe.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ