Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




BILANGAN 15:3 - Allah Wene Fano Wene Hupla Inane

3 Hiren Tuhan obaget warogo nolhu mene inom, inane menfugu mene faget onggo inom athe inendawimo nen anggaluk warogo nolhu mene inom, linggene we mene faget iluk hilingiti logolik warogo nolhu mene faget inom nolhi logolik he: sapi ai mene inom, domba ai mene inom, domba halok ogo kambing halok ogo warogo nolhi logoino. Nen warogo nolugun mene andoma amben nen he Tuhan endawimo agaiyek hikhi logogin.

အခန်းကိုကြည့်ပါ။ ကော်ပီ




BILANGAN 15:3
27 ပူးပေါင်းရင်းမြစ်များ  

A'nogo warogo noletikhemo amben fano mondok lagasikhemo re, Allah endawimo fano agaikhesik, yi'nogo anggasikhe: ”It afuni inobabut a'nogo hilingiti logogun andiba, An nen kweang andi hobuk homan fagain lego. It afuni andi inebe oan oba nen inobabut weak hilingisuogeluk ebeti logogun nelu meneat he, yogondak afuni inebe inom, yi mene ti mene eluk welagarek mene ekhe inom, legetfisigi andi hak hobuk legetfisagain mondok lego.


Nen, uang andem oba re hendawi wenggelogo, sapi ai mene inom, domba ai mene inom, domba eak mene inom, gandum inom, anggur enggen amusu inom, wanimbik he, mondogat o Yerusalem hineisena Allah Awi wuri'mo at faget noletarek oba andoma, nole'no o.


oba nen he At Allah re an lebetnaferek mene werek, Tuhan andi re an nili wo'naferek mene werek.


Domba senggelek mene abirengge andi waganogo mezbah amboloba liak fuluk An nobaget endu nologo wo'nesumo, nolugun mene amben andiba An nendawimo healigin.


A'nogo hilingfuluk he roti a'nogo it inenggimo nen waluk he, mezbah amboloba An nobaget yi mene ti mene nol fogoin oba andoma nol feino. Noligin mene andi amben he An nendawimo healigin.


Domba eak hu'mokwe warogo nolhi logogun mene andi ogore, obabut hubet mene hilingisugun andi higithogo tepung inom zaitun amusu inom, anggur amusu inom fuluk nolhunogo. A'nogo nolhunem amben andi nen An nendawinggenma healhi logogin.


Roti andi Tuhan obaget fugu mene hilingi'more nunggu mene ogore obalik hore'ma nen nano. Tuhan nen an noba wene melalnobagakhi logolik he roti andi re hat inom hat hamlogomi inom hinobaget mene iluk yaganete.


Meneat he, ap ekhe nen an yi'nogo hilingiti logogin iluk tekhogo ilugen ogo, nen we endawi fano nen fei lagain anggaluk ogo, lambulogo nobagauwageluk warogo fei wagu halok he, fena abirengge linggene andi sambul enek nogoin lek oba nen he, we fena ohealekwe faget fakhaluk nogoin fano.


Hiren Tuhan obaget warogo nolhi logolik he sapi ai mene pire inom, domba ai mene ket kotorek mene misik inom, domba eagwi ai mene umur satu tahun oba mene ebe sabiren inom, ebene agambut palek lek halok wogeti logogun. Warogo nolhi logogun mene andi amben nen he Tuhan endawimo healhi logogin.


Tuhan obaget warogo fuluk nolhi logolik he, sapi ai mene ket kotorek mene ekhe inom, domba ai mene misik inom, domba eak ai mene umur satu tahun oba mene ebe sabiren menere inagap oba inagambut pale'lek mene inom warogo nolino. Hiren warogo nolugun mene andoma nen he Tuhan endawimo healigin.


Aren roti si misik kwalegengge fiterek lek meneba weragongge fagain mene andi re, roti hombonundek mene tepung oba weragaisogo re, zaitun amusu inom munenogo weragongge inom he, kue ekhe sap-sabel mene zaitun amusuba yugulogo weragongge inom, fei waga logogin. A'nogo hilingfuluk he aren ekhe roti werago mene inom, amusu inom endu nolhu mene faget fikhi logogin.


Labok i pi wagaikhemo re, Allah ane pogoroba nen, ”Yi An Namlogo, nendawinggen hundik mene. Noba liok ikhe o,” iluk ane pelakfei wagaikhe.


Andi re, at Kristus nen he, amben fano mene Allah faget endu nolesu hak, nit ninebe Allah wogeterek andi. Wogetunem, it afuni alomat lari'lagwi mene nen he, ”Amben weak. Afuni inebe inoaterek mene amben hangge,” palharek. Meneat he, it afuni telinabi'lagwi mene nen he, ”Amben fano, inebe inelugerinaferek mene hangge,” palharek. A'nogo palharek andi nen he, wene andi sa hagen elok waluk lagain anggegep?


Afuni nen yi mene ti mene Allah faget fisaluk, ebe warogo endu noletunem, Allah endawimo fanorogo amben fano mene liageti lagaukwa andi hak, at Kristus nit ninebe endawitninafikhesik he, ”It faget an nebe noasuago,” iluk anggasikheba ebe watukwa andi nen Allah endawimo fano agaikhe andi hak, nit-nit nendawi-hendawirogo hilingiti logouwogo.


Nen, At nineisena Tuhan Allah nen hiren At fogerati logogun oba obalik ekhe wenagaisogo fagain andi. A'nogo wenagaisogo fikhe halok, an nen he, yi mene ti mene At wogosugun iluk yagahisigi mene andi mondogat andoma wogosi laga logoino. Andi ebe re: hinanggo warogo At noleti logogun mene faget igi andi inom, yi mene ti mene hit mene hinenggi wenagaisogo, 10 ba asi laga halok, 9 mene hit aga logolik misik 10 mene andi re At faget fisikhi logogun igi andi inom, hiren he, An nen Allah faget huli ti huli wogoti logogin iluk wenagaisogo fikhi logogun mene faget igi andi inom, mondogat waluk andoma laga logoino o.


Hit hinaiba logogun oba andoma nen he, gandum inom, anggur enggen palugun mene inom, minyak zaitun amusu keralugun mene inom, hinenggi wenagaisogo 10 ba asi lagu halok, 9 nen hinonggwarek faget fakhaluk, ekhe misigat Allah faget fisogoin mene andi fisigik, nen hinanggo sapi, kambing, domba, eak attak tasigin mene andi ekhe fisigik, nen, hiren he, An nen Allah faget yi huli ti huli wogoti logogin iluk wenagaisogo fogoin mene andi higithogoat fisigik, nen, hinendawinggen nenat yi mene ti mene at faget fisogoin mene andi fisigik, fisalugen hiren Allah faget fisogoin mene andi hinailokwe ninggi logogun mondok lego.


Obalik a'nogo wenagaisogo fikhe halok, hiren wam yi mene ti mene Allah faget noleti logogun mene inom, At faget fisaluk wareti logogun mene faget inom, yi mene ti mene hit mene hinenggi wenagaisogo 10 ba asi laga halok 9 nen hit faget fakhaluk ekhe misik 10 mene At faget fikhi logogun mene andi inom, hiren, Allah faget yi'nogo wogoti logogin iluk huli wenagaisogo fikhi logogun mene andi inom, hinendawinggen nenat At faget fisikhi logogun mene andi inom, hinanggo sapi, domba, kambing inom, eagwi attak tati logogin mene ekhe inom, o andoma mondok waluk laga logoino o.


Yogondak he, hit lebetneegepma, heligirik, an mondogat namolo anggikhi lagi mene higit agasik fena tindu ikhe aro. Ap Epafroditus oba fegepma wo'nesi wagama nen, nenggi werek aga. Hiren an lebetneegep andi re, wam Allah faget warogo endu noleti logolik amben fano mene liak etunem, at endawimo fano agarek hak, a'nogo lebetneegepma, at Allah endawimo fano aga o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ