BILANGAN 12:3 - Allah Wene Fano Wene Hupla Inane

³ At Musa andi obabut he, afuni kweangma yoma welagaikharek mene mondogat inom higitsek lek. It ekhe inobabut fetaksek hangge meneat he, arenek he obabut mondok sebelek agun welagaikhe.

BILANGAN 12:3 ပူးပေါင်းရင်းမြစ်များ

MAZMUR 147:6

Afuni sebelogo fisagarek mene re Aren legeisogo fisikherek, oba nen he afuni inobabut weak mene re sebelogo kweangma pelaginaferek.

MAZMUR 149:4

At Tuhan nen he againafuri faget endawimo agaiyek anggili'lago, Aren he afuni inendawinggen sebelfakhagarek mene inoba re inenu werek mene hilingfisikherek.

BILANGAN 12:4

A'nogo were'ma ferekhogo aremnogoat, At Tuhan nen Musa inom, Harun inom, Miryam inom, mel yagaisasikhe: ”Hit hinebe henaganat An nawi su mene wuri'mo we'ni,” iluk yagaisasikhemo lagaukwa.

MATIUS 11:29

An nasungge kwalek su a'le sakhore'ma re, fano kwalogo wokhisamo se weagat hogoin andi nen he, hinomoloba waluk, an nobabut enago logolik inawe a'ma hak welagirek a'nogo furogo yagaisilik nikhi logoino o. A'nogo nikhi logogun halok, hinendawinggen hambuk igin o,” iluk yagaisasikhe.

MATIUS 21:5

”Afuni o Sion mene yagaisikhi logolik he, Hinoe Enupogot hinoba weri'logo o. Obabut enago logolik, wam keledai amboroba hu'lagasik, keledai eak mene nen waluk weri'logo, iluk yagaisan o,” iluk isikhe andi emberek higithogo hilinglasuageluk, at Yesus nen a'nogo lakfisasikhe andi.

MATIUS 5:5

Nen, afuni inobabut enago mene andi, Allah nen o abok yaganisasikhe mene andi irat eise asugun andi nen he, inendawimo inagaiyek hikhi logouwak.

2 KORINTUS 10:1

An Paulus Kristus obabut fano enago a'nogo obabut waganogo, nonggwaregen wene ekhe komothinabik. It ekhe nen he, ”At ebe horokhogo ninom logolik he, obabut liokhogo wene yaganisikherek. Meneat he, ebe yatma logolik he, obabut ailo lek ninghogo yaganisikherek,” iluk agarek mene a'nogo hobuk hinoba wesimbik nailo legat nane ninghogo yagahisigi hanogo iluk, futfobagaigen nane liokhogo yagahisigi. It andi nen he: ”Paulus lak andi re, afuni inobabut inetogat logolik hilingitarek mene andi inobabut waganogo hilingiri'lagwi,” iluk ninabok weak pali'lagwi mene andi, nobabut nailo lek nane ninghogo wenagisa wesigin iluk menenei ebeti lagi.

2 KORINTUS 11:5

It ekhe andi, Yesus nen inayonggo fuluk lakfisa wagaikhe mene hak hilingisogo wagunem, hiren he, ”It andi esin hak,” iluk woginafu kwelegat he, an nendawimo nen he, ”It esin, nen, an elo'lek,” iluk anggikhi lagi mondok lego.

2 KORINTUS 12:11

It ap Kristus nen inayonggo fuluk lakfisa wagarek mene hak hilingisogo we'luk, ”At Paulus enu lek,” iluk agarek andi, an eberogoat nenu lek. It esin inenuwerek higi! A'nogo lego. Hiren futnobagaluk agaukhogo yaganesu meneat he, a'nogo ikhi lagep lek andi nen he, eberogoat ap kembu mene nen agarek hak, yagahisigi andi.

1 TESALONIKA 2:7

Inagaisawi nen ineagwi alelogo woginafarek hak, hit ninom fanorogo logolik alelogo wokhinafi lagagi andi.

YAKOBUS 3:13

Hit ekhe hinendawimo kagalek logolik, yi wene ti wene hokhoat hinelu halok he, afuni nen enegat futhinobagauwageluk hinobabut enago logolik, hinendawinggen kagalogo fanorogo hilingiti logoino o.

1 PETRUS 3:4

Athe, hinoba fanorogo re, hinendawinggen faget hinago mene andi wanhi logoino. Andi re, hinobabut mondok logogin mene enago welagik, lioksek welagik, ikhi logoino o. Hinobabut Allah eilhanem a'nogo hilingitunem, at endawimo nen fano mondok anggikherek he andi aro.