BILANGAN 11:4 - Allah Wene Fano Wene Hupla Inane

⁴ Afuni Israel mene wagaukwa andi re, afuni pok mene agore inom wagaukwaat. It ap pok mene andi wam nele mondok agaikhemo, it afuni Israel mene inomen, ”Eige. Nabire, nit wam ekhe nelo e.” iluk ikhi logolik, mel isukwa:

BILANGAN 11:4 ပူးပေါင်းရင်းမြစ်များ

NEHEMIA 13:3

A'nogo palek were'ma enu salhunem he it afuni Israel mene a'nogo inesanggo holhukwasik he, it afuni pok mene omanogo afuni Israel mene inanggele'ma nen folhigik inale'ma fisasukwa.

MAZMUR 106:14

O leimo omanogo nen he it ina'mage lagasikhemo re, Allah obabut palhukwa.

KELUARAN 12:38

A'nogo waga logolik, inanggo hokhorogo sapi inom, domba inom, kambing inom waluk wagunem, inanggele'ma afuni pok mene inomat inebe hokhorogoat inom wagaukwa.

KELUARAN 16:12

”Afuni Israel mene nen wene pali'lagwi andi an arat nesanggo holhi o. An nen wogisugunem, hu'mokwe re sue ninggik, ohealekwe re sumburu roti hangge mene ninggik, inalabut ninghogo ninggi logogun o. A'nogo wogisugunem, An it ineisena Tuhan Allah nebe futnobagagun o,” iluk yagatikhe.

KELUARAN 16:3

A'nogo inoba fesukwasik, mel yagaisasukwa: ”Nineisena Tuhan nit ninebe o Mesir a'lima nen ninoasuageluk herakninobagauwem o. Nit o Mesir logolik he, wam ninggik, sumburu roti mene ninggik, ninalabut ninghogo ninggi lagagu meneat he, o yoma yi mene ti mene le'ma nele nen ninebe mondogat wa'lasuageluk wo'ninarek wagep yoma ri!” iluk yagaisasukwa.

BILANGAN 11:18

Yogondak, haren afuni andi wene mel yagaisan: Hinebe ohealek faget tegelani o. Hit wam nele nen le aga logolik, ninabire. O Mesir fano welagagu mene, iluk ikhi lagep andi, An Hineisena Tuhan hinane nesanggo holhirik, ohealek hit nogoin mene eino werek mene ekhe wokhisugunem nogoin o.

BILANGAN 14:1

It ap o Kanaan ineil wani lagaukwa omanogo nen afuni Israel mene mondogat inendawimo kagalhukwama inesanggo holhukwasik he, ”Ninggi'nogo hilingisugun he,” iluk o hup hundik inane hokhorogo le agu mondok kamo isukwa.

BILANGAN 14:22

An nombak-bak mondok yararethigirek mene andiba, iren futfouwageluk, elalin mene o Mesir en hilingitunem ineilenggen higik, o leimo afuni le'ma nen hilingitunem ineilenggen higik, ili'lagwi meneat he, An nane hologo hilingisu mondok inabit logolik, iren he, omame werega? Lega, iluk nobabut paluogeluk lalnafu mondok werek andi nen, afuni it aroma mene ebe eluk ekhe inom hogo logombik, An nen o it inombalak wogisageluk wene warisasigiba andoma logoin mondok lego.

BILANGAN 16:13

Haren o Mesir kweang mondok fano heisele'ma andoma nen wo'ninarek o leimo yoma ninoasigiluk wulibi wagagin mene andi re higitsek legen a? Nit harenat melalninafu mondok logogin nogo?

ROMA 13:14

Hit hinobabut he, afuni inobabut inetogat logolik, yi wanile, ti wanile, iluk agarek andi hak hinendawimo kagalhi'lek he, we, sikhe sige wanharek hak, ninoe Enupogot Yesus Kristus obabut andiat wanino o.

1 KORINTUS 10:6

A'nogo hilinglagaikhe andi re, it weak mene inamolorogo hilingitik, ap it mene ekhe inendawinggen tugwi kembu oba himbirik logolik fogeratik, ikhi lagaukwa andi nen hilinglagaikhe andi. It a'nogo hilingiti lagaukwa andi hak, nit a'nogo hilingiti logoinogo iluk, futfikhi logolik komorikhi logouwageluk wene mondogat a'nogo hilinglagaikhe andi. It a'nogo hilingiti lagaukwa iluk, Allah ane lisu yi'nogo palek werek: ”It afuni inunggulenu andi mene nen, sumburu inom, anggur amusu inom, nuogeluk inagaiyegen wuni watik, inagaiyegetik yugunat hilingisuogeluk menlagaukwa,” iluk lisu palogo fesukwa.

1 KORINTUS 15:33

Afuni nen ikhi logolik: ”It ekhe inobabut weak mene hinom hunisugun halok he, hit hinobabut fano mene weak asigin o,” iluk agarek andi eberogoat iluk, hinonggwaregen hinebe lalagubo.

ULANGAN 9:22

Nen, hit o Tabera inom, Masa inom, Kibrot-Taawa andoma logolik, At nineisena Tuhan a'makwe het-pet uagaluk weak hilingitigip aro.