BILANGAN 10:2 - Allah Wene Fano Wene Hupla Inane

² ”Trompet tombouwe ane hangge mene ebe pirerogo no perak meneba nek sagalogo hilingisugun mene andem he, afuni kabogesi wesuageluk wolinafik, wilibi loageluk miminginafik, ugu mene faget hilingi'no.

BILANGAN 10:2 ပူးပေါင်းရင်းမြစ်များ

2 RAJA-RAJA 12:13

Oba nen he uang andomaba re i oak perak mene inom, mangkok inom, trompet inom, esage ibilhu mene inom, nen ekhe alek mene emas mene inom perak mene inom hilingitu mene faget wanhi lagaukwa lek.

MAZMUR 81:3

Wuni wulak fuluk pinggong rebana abologet hikhi logolik he, pinggong gambus inom, kecapi ba inom ane ngalurogo kong e'ni.

MAZMUR 89:15

Hat hebe raja mendek logolik melalinafu welagendek oba andi ebe ero re, Hat hawene melalek inom, higithogo hilingiti lagen mene inom andi aro. Haren hendawirinafendek mene andi inom, tiphogo nek hilingiti lagen mene andi inom he Hat hobabut hilingiti lagen mene andiba weinam agarek.

KELUARAN 25:18

Andi wuti logolik he kerub emas meneba mondok sagik-sagokhogo wuti logolik he,

KELUARAN 25:31

”Lampu eisok andi re emas obabut palek meneba pugune'no, inenggi senetuba inom, alhop inom he emas sagalogo pugunsek meneba wu'no; owil-owilengge kologo pelabek mene inom, atel sebelek mene inom, elha inom, alhop inom, inenggi senengge inom, misi'mo wuret fogoin.

YESAYA 1:13

Hiren hinangge yi mene ti mene An nobaget fogoin iluk waluk waga lagep mene andoma re we alomarogo waluk waga lagebo. An nen amben sang haluk he hebak nafe ari'logo, hiren tugi ket mene lagai wagunem kabogetik, linggene esin meneba kabogetik, linggene An nobaget enegenggerogo fuluk kabogetik hilingiti lagep mene andoma re nabiren he kwelakhinarek logou re nabit nabi'lago. Andoma mondogat he hiren weak hilingiti logolik hilingiti lagepma re, An noba enggin fengginhogo hilingnobagakhi lagep mene andire nabiro. An nen hilingisu re mondogat nabit ari'lago.

YEREMIA 4:5

O kweang mondogat andoma bene trompet ane futhani! Hinane hokhorogo kwe'ni. Afuni Yehuda mene inom Yerusalem mene inom he, weak-weakhogo o kota agap telogo helep leget omamerogo waganek oba omanogo loageluk yagaisani,

HOSEA 8:1

Tuhan nen ikhi logolik, ”Ap inaselei mene re sue kuri nen senggelherek engge senggeligiluk sebeli wagarek hak, An naiba omanogo it selei mene nen weim yabi weri'lagwingge re, weim waga iluk enek engge re trompet ane fu'ni o! An nagainafuri nen he An ninom wene watugu mene a'nogo taganhogo hilingitik, An nen yagaisikhi lagi mene omanogo sagalogo hilingitik, ili'lagwi andi.

YOEL 1:14

Afuni mondogat yagaisaluk he inambe heang logouwageluk yagaisano, It afuni kaindek welagaikharek mene inom inogogwi inaluendek mene inom, it afuni Yehuda mene inebe mondogat inom, o Allah awi wuri'mo we'luk Aren lebethisoageluk ayonggo fikhi logoino o.

YOEL 2:1

”Nineisena Tuhan awi wei igin a'nogo horogat asi wagama arat wei igiluk werek andi nen he, tom Sion fano hore'ma nineisena Allah ebe welagarek oba andoma nen pinggong hokho mene anet feni o. A'nogo anet fugunem, hit afuni o Yehuda welagep mene hinoagelekwe abolok igin.

BILANGAN 10:1

Tuhan nen Musaba yagati logolik,

BILANGAN 10:7

nen ane uanhogo futhugu halok he, afuni holhu mene kabogesi wesuageluk fut hikhi logogun.

EFESUS 4:5

Tuhan ebe misigaro. Ninendawinggen at oba himbiret fogorek mene andi misigat. Ninebe ima pelakninafarek mene misigat.