BILANGAN 1:1 - Allah Wene Fano Wene Hupla Inane

¹ Tahun pirenek meneba were'ma tanggal satu tugi pirenek mene folelhunem afuni Israel mene o Mesir herakfuluk wulibi wagaukwasik, o Sinai leimo Tuhan Awi wuri'mo omanogo nen Allah ane Musaba yi'nogo yagasi wagaikhe:

BILANGAN 1:1 ပူးပေါင်းရင်းမြစ်များ

1RAJA-RAJA 6:1

A'nogo tegelogo fesikhesik, it afuni inunggulenu Israel mene o Mesir herakfuluk wulibi wagaukwasik oba nen tahun 480 huli welagaukwasigen, at Salomo ebe raja agaikhesik 4 tahun ferinarek welagaikhesik, tugi it inenggi wenati lagaukwa higithogo attak wenarik, ekhe it inaneba tugi enu Ziw ikhi lagaukwa mene andiba nineisena Tuhan awi andi wusigiluk attak-attak eroratikhe.

KELUARAN 19:1

Afuni Israel mene o Mesir herakfisaluk wulibi wagaukwasik oba nen, tugi pirenek meneba waga lagaukwasigen, o Rafidim andoma herakfuluk wagaukwasik he, tugi ekhe tanggal 1 ba re, o leimo tom Sinaiba wagaukwasik o sabu tenda mene tom a'ma andoma wutukwa.

KELUARAN 25:22

O ariginik oba andoma An hat ninom ambi a'luk peti amboloba kerub pire fena-fena were'ma andoma nen it afuni Israel mene inobaget An nen hat wene melalek yi'nogo hilingi'no ti'nogo hilingi'no iluk wokhesigin,” iluk yagatikhe.

KELUARAN 40:17

Afuni Israel mene o Mesir herakfisaluk wulibi wagaukwasik oba nen tahun misik welagaukwasik, tahun ekheba kwikhi logolik, tugi attak wenatarek mene a'nogoba, tanggal satu ba re, Tuhan Awi Su mene a'nogo wusugun mene erotukwa.

KELUARAN 40:2

”Tugi attak meneba tanggal misik oba werek kwelek andem he An Nawi Sabu ekhe wu'no o,

IMAMAT 1:1

At Tuhan Awi sabu tenda mene salogo werek oba omanogo nen, it afuni Israel mene nen wene melalek fik-foukhogo hilingfuluk hilingiti logogun mene faget iluk Musa woletikhesik wene melalek oba fikhi logolik yi'nogo yagatikhe: ”Ap misik ekhe nen Tuhan faget warogo nolhu mene fei waga logolik halok he, aren domba inom sapi inom kambing inom waluk wogosi waga logogin fano.

IMAMAT 27:34

Wene melalek andi Tuhan nen Tom Sinai ba nen it afuni Israel mene faget iluk Musa yagatikhe mene re andi.

BILANGAN 1:18

afuni omanogo mondogat tanggal satu tugi pirenek mene werek kwelek kabogesuageluk yagaisasukwama inebe mondogat kabogetukwama re, it afuni inero ta'larik wagaukwa higit-higit inunggulenu lombok kabogetukwa. Kabogetukwasik ap mene nek inebe umur dua puluh tahun ambolkwe mene mondogat inenu lisu palik lagaukwasik wenaginafukwa.

BILANGAN 12:4

A'nogo were'ma ferekhogo aremnogoat, At Tuhan nen Musa inom, Harun inom, Miryam inom, mel yagaisasikhe: ”Hit hinebe henaganat An nawi su mene wuri'mo we'ni,” iluk yagaisasikhemo lagaukwa.

BILANGAN 9:1

Tahun pirenek meneba re tugi misik werek kwelek it afuni Israel mene o Mesir herakfuluk wulibi wagaukwasik, aremnogo sambul o Sinai leimo nen Tuhan nen Musa wene yagatikhe.

ULANGAN 1:3

It afuni Israel mene o Mesir en wulibi wagaukwasik oba nen tahun 40 ba, tugi it inenggi wenati logolik 11 mene wenatarek oba, tanggal satu ba re, at Musa nen nineisena Tuhan en wene, ”Yi'nogo hilingi'no, ti'nogo hilingi'no,” iluk afuni Israel mene yagaisoageluk yagatikhe mene andi mondogat yagaisasikhe.

ULANGAN 2:14

Andi hilinglagaikhe andi re, nit o Kades Barnea herakfisaluk wagagusik he 38 tahun hilingitugumo nen he, it inogogwi weim yabi lagaukwa mene omanogo at Tuhan nen isikhe mene higithogo mondogat wa'lagaukwa.

ULANGAN 2:7

Hit hineisena Tuhan Allah nen hiren yi aple ti aple hilingitunem Aren aneba fanot hinobagagik, hit o lei mondok uankwe leil warik nugunem 40 tahun ariba fethinarek welagik, yi mene ti mene hit hinamolo mene wokhisigik hilinghinafi lagaikhe mene a'nogo hinendawimo ebethano.