AYUB 9:8 - Allah Wene Fano Wene Hupla Inane

⁸ At amu nen enek pogot selekwe tiaganhogo fesikhesik, kisu naga i laut elema welagarek mene a'nogo eisogen tandamhogo fesikhe.

AYUB 9:8 ပူးပေါင်းရင်းမြစ်များ

KEJADIAN 1:1

O eroba Allah nen he, pogot inom, kweang inom, elalhikhe

1 TAWARIKH 16:26

It afuni inunggulenu amu mene nen inanggembu dewa andoma re we ilirenggerogo alik hilingik werek, Oba nen he Tuhan enek he pogot honggolek kweang honggolek werek mene oma elalhe agun.

AYUB 26:13

At eleage pogot ebene futhugunem he pogot eil mondok healherek, nen At enggi nen he menawe hak mene ular naga i laut elema nen hemekhogo wulibi wagunem watfikherek.

AYUB 26:7

At Allah nen he pogot i yenggelek mene amboloba talogo fikhe. Nen kweang he we selek pele'ma kologo fesikhe.

AYUB 37:18

Hat hebe Allah higit a'luk henggi nen pogot hesagal enggen were'ma andi tualogo foumo re eloga, nen arigin fuluk afuni nen amulirengge eilafumak hangge mene inom, logam hangge inom kweisalogo haro asuageluk hilingfagarek andi hak hilingisumo eloga?

AYUB 38:11

A'nogo fesigisik, mel yagatigi: Hat huli yibaat logoino, ela'lagat huli warek werek mene yiba heilanghogo lagai wesigin mondok lek. We, misi'mo logolik, ha'labu aninirogo fonyalek lenggalek huli yi huli hilingiti logoino o, iluk komoratigi andi.

AYUB 38:16

Hat hebe i laut yenggelek mene a'ma, i elesi lagai wagarek oba ma'lima pisigin mene ekhe werega? A'nogo pisigindik ial pililirekwe ma'lima nikhi lagagin mene ekhe werega?

MAZMUR 33:6

Nineisena Tuhan aneba hilinglame isikhemo pogot elalagik, mo, tugi, hesagal inom At aweneba elalagik isikhe.

MAZMUR 77:19

Unggunggu ane supuk etunem he, eilabut yegelogo kweang abolok ikhi logolik he leigeterek.

YESAYA 40:22

Walhasikhe mene re kweang abuk-abuk waganek ari ambol oba hurek werego, afuni inebe At elokhoma re migindik-magendek no pulue hangge hilingik. Aren he, pogot ari re su kain hangge talogo fesikhesik, o sabu logogin oba wutarek higit wurogo fesikhe.

YESAYA 42:5

Nineisena Tuhan Allah nen pogot elalogo fesikhesik talogo figik, kweang ebe inom, yi mene ti mene oba fuleligin mene inom elalogo figik isikhe. Aren afuni inoba set inom ineluk logogun mene inom wogisasikhe, nen At amingmingengge mene oba re wene yi yagate:

YESAYA 44:24

Tuhan hinagap telhinaferek mene, hagaisa alabutmo oan werek kwelek pugun hafe mene a'nogo nen ikhi logolik, ”An hineisena Tuhan Allah nen yi mene ti mene andoma mondogat elalogo fesigi, An namu nenat pogot tiaganet figik, nen it ekhe nen lebetniigi'lek kwelek, kweang elalogo figik, isigi.

YESAYA 51:13

Haren he Tuhan elalogo hobagaikhe mene oba inom, pogot tiaganet figik, kweang ubule warogo figik isikhe mene a'nogo oba inom honggoragendik hilingiti lagen nogo? Nenahalok hat he lingge inukhogo hoak leigeti logolik afuni inoba weak beakhogo hilingfisigik, inaniniba weagerinafik agarek mene omanogo inoba hailorinafi lagen nogo? Ibi-eberogo nen he iren ina'mage lagaluk hit hinoba hilingisugun mene andi re omame werek lego.

YEREMIA 10:11

(Yago hit Tuhan againafuri mene yi sani, hiren it yagaisikhi logolik kembu dewa pogot kweang walhasukwa lek mene andoma re mondogat legasugun o. It he o kweangma yoma nen mondok-mondok legasugun, iluk yagaisano.)

YEREMIA 10:12

Tuhan Omameba kweang elalogo fesikhe, ungguloak kagalek obare kweang mondogat hilingisogo fesikhe, nen awenggelek obare pogot tiaganet fesikhe.

YEREMIA 51:15

Tuhan nen he At omameba kweang elalhikhe, Endawinggen wenggelek oba re kweangma mondogat pugunhogo fesikhe, At hebelek oba pogot tiaganhogo fesikhe.

ZAKHARIA 12:1

Afuni Israel mene faget yagaisoageluk ikhe mene re yi. Tuhan nen pogot tiaganet figik, kweang elalogo figik, afuni inoba ineluk mene wogisigik, isikhe mene a'nogo nen ikhi logolik,

YOHANES 6:19

I ha'labu hokhorogo hilingitu kwelek it a'nogo e so warik tulem heire'ma ilirengge fuaben he a, falfaligen he a, yatmaat asi wagaukwa hak he, at Yesus a'nogo eisok i agum ebene filik inoba higit horogat wagunem ineilenggen yet hasukwasik inailo hokhorogo agaukwa.