AYUB 9:6 - Allah Wene Fano Wene Hupla Inane

⁶ At Allah nen enek o lugul langet hugunem kweang abolok mondok ikherek, kweang ari a'ma tik warogo liabek were'ma legeisogo werek mene a'nogo mondok abolok ikherek.

AYUB 9:6 ပူးပေါင်းရင်းမြစ်များ

AYUB 26:11

Nen, aren ane supuk tololang esumo nen he, pogot tik liabek mene a'nogo abolok mondok u hak.

MAZMUR 114:6

Nenahalok hit tom-tom oma muluk mulugenggeti logolik welagep? Nen nena mene weregen hit punu-punu oma re holombokhogo lagagik pigik hilingiti lagep nogo?

MAZMUR 114:7

Hat kweang yi re, At Tuhan Yakub eisena Allah a'nogo nen, helep uk welagaikheba omanogo agaumhogo re i mogo yenggelfigik, nen helep tom eil silipnorek menere i elesi wulakfei wagik, isikhe mene a'nogo elokhoma andoma nen leik waririm esin o, iluk wuniba fogeratikhe.

MAZMUR 75:3

At Allah nen ikhi logolik he, ”An nen nenggi wenagaisogo fagain oba higit asi wesigin oba re, An nen inawene fanorogo pilingisogo nen katokhogo ayo paligin.

YESAYA 2:19

O Tuhan ebe menlasimbik kweang yelandi kwelandirisagain sambul andi re Tuhan Aniniba nen inom At Omame mondok hokho mene a'nogoba nen inom inoba feinogoluk afuni andoma re oumokwe helep hokhondek mene a'makwe inom, kweang pogolema andoma inom hina'lasi kwimbik logogun. O andi asi wesigin sambul andi re kembu perak mene inom, emas mene inom iren hilingiraluk apne wanharek mene andoma re hesanggema linisamo paik inom, kundik inom, nogo i kwikhi logogun.

YESAYA 24:1

Tuhan nen kweang unggum wogosumo re, mondogat ungguloakhogo re abolok lek asigin. Nen Aren he kweang enden hamo re yi afuni ti afuni mondogat telfol ugun.

YEREMIA 4:24

O tom-tom uandek omanogo inom punu punukwe omanogo inom neilenggen yethugunem he, mondok wesa polanhogo yelandi-kwelandit hugunem higi.

YOEL 2:10

Nen it inebe kwi lagunem he, kweang abolok igik, pogot abolok igik, ikherek. A'nogo ugunem, mo inom tugwi inom mum agik, hesagal yati'lek kamo igik, ikherek.

HAGAI 2:21

Yagatikhe mene andi re, at Hagai nen, hun gubernur Zerubabel yagasuageluk yagati logolik he, Tuhan nen yi'nogo ikhe, ”Eil misik logombik he An nen pogot inom, kweang inom, erak-kwerak isagain o.

HAGAI 2:6

We eil misik wela'luk he An nen pogot inom, kweang inom, kweang ambuema inom ima inom mondogat erak-kwerak isagain o.

IBRANI 12:26

Andi sambul, at Allah ane isikhe andiba kweang abologet fesikhe meneat he, yogondak, aren he, ”An hobuk yi'nogo hilingisigin,” iluk abok isikhe mene lisu yi'nogo palek werek: ”An hobuk misigam faget kweang yi nek abologet hagain fuk. Lego. Pogot inomat abologet hagain o,” iluk isikhemo lisu palek werek.

WAHYU 20:11

A'nogo higiri'mo nen, ombo'ne re, Allah kain welagarek oba obuluk hokho kut mene were'ma, at ebe andoma welaga higi. A'nogo were'ma pogot kweang mondogat at agaiserogo legasugun andi nen he, hobuk ineilenggen hogoin legat aga laga higi.

1 SAMUEL 2:8

Afuni inangge lek mene mondok weak were'ma woginafik, hele warek hangge weak welagaikharek mene andi fikhalogo inenu werek mene inom fano hilingisogo fisigik, agaugwerinafi logouwageluk ineabu fano mene wogisigik, egendek. Kweang helage tik warek he, nineisena Tuhan mene andi nen he, kweang hat mene andiba loukhogo walhasiginmo welagarek.