AYUB 9:5 - Allah Wene Fano Wene Hupla Inane

⁵ Afuni inonggot werek kwelek At Allah nen enek o tom oma hambokhogo ale'ma fei laluk, a'mageba enden-fenden isikherek.

AYUB 9:5 ပူးပေါင်းရင်းမြစ်များ

AYUB 26:6

At Allah eilhanem he it afuni wa'laluk lagaikharek oba andoma re kwe hurik werek. Inebe leget fisikherek oba andoma ogo re kwe yagarek legat.

AYUB 28:9

Helep mondok haro elo'lek mene ogore afuni nen habulik kwagarek-kwagarek he isaba fei kwili'lagwi, nen iren he tom omanogo forik kuluk he tom elema omanogo fei kwili'lagwi.

AYUB 34:25

Iren hilingitarek mene At mondok elure'ma re, Aren sebel fisageluk inom weagerinabigiluk inom andoma re o hubanggo hilinginaferek.

AYUB 40:11

Afuni ekhe inonggwaregen fogerakhili'lagwi mene andoma heilenggenat yerisaluk, ha'mage het-pethogo inenggali warogo seramet fisano o.

AYUB 41:11

Afuni ekhe nen at ebe wasuogeluk ugunem, aren aigen libilinafi'lek kamo u hak nogo? Mondok elo'lego. A'nogo hilingiterek andi nen, afuni kweangma mene mondogaren at ebe fakfou re, elo'lego.

MAZMUR 114:6

Nenahalok hit tom-tom oma muluk mulugenggeti logolik welagep? Nen nena mene weregen hit punu-punu oma re holombokhogo lagagik pigik hilingiti lagep nogo?

MAZMUR 46:2

At Allah andi re, nit ninebe At awe a'ma ninobagaluk, fetninarek mondok logolik omame wo'nisikherek. Yi enggin ti enggin hugu were'ma, Aren higithogonek lebetnisikherek.

MAZMUR 68:8

Neisena Allah, Haren hagainafuri woginarek, o lei mondok iringik weakwe laga lagaukwa sambul aremnogo re,

YESAYA 40:12

Ap sa hagen i laut yagamaksek mene ari enggi agut oba ilirenggerogo walesu hak nogo? Athe pogot honggolek kweang honggolek tulem oma enggi si misik oba walesu hak nogo? Ap sa nen kweang oma enggin walhugu meneba walesu hak nogo? Athe tom inom punu inom obabut palhagarek meneba palu hak nogo?

NAHUM 1:5

Nen at elokhoma nen he tom-tom mondogat leigetik, nen punu-punu louk lagenggetik, ikherek. Nen At Tuhan ebe weinam asi wagunem he, kweang mondogat abolok ikherek, nen a'nogo hilingitunem kweangma werek mene inom, afuni inom ogore mondogat inoak abolok ikherek.

NAHUM 1:6

A'nogo At Tuhan nen anini inoba fugunem andi re ap sa hagen hambuget haluk logou hak nogo? Nen At anini endu amulok hak lagagunem he ap sa hagen omamerogo mendek logou hak nogo? At a'mage het-pethogo lagagu mene a'nogo afuni inoba fugu sambul andi re, helep mene ogore mondok wolelenggenhogo At elokhoma re wul higit hilinglagarek.

HABAKUK 3:10

Hebe wagunem, tom en eilenggen healuk he abolok igik, pogoroba nen i kweangma houwalanghogo pelabi wagik, i kweang elema nen eindep ane hokho mene igik, i ha'labu esinggen foinalogo hugesi lagai wagik, ikherek.

HABAKUK 3:6

Hebe menlasi wagunem he, kweang abolok igik, heilenggen nayo hayo ugunem he, afuni inunggulenu lombok inoagelekwe leigetik, agarek. Tom isa attagaren etok mondok welagarek mene omanogo re sunuk-sanakhogo lobaget figik, punukwe inom, alokwe inom, o endamaren werek mene omanogo wolelenggenhogo legetfigik ikhi lagen, Hat o attagaren heisok filik-filik nikhi lagen kwe mondogat tamuk-tamakhogo lobaget figik, hilingiti lagen andi.

ZAKHARIA 4:7

Nen, hat helokhoma andoma tom hokho mene kwe palek logogin oba nen ogore, higilogo laga logogin o. An Nawi a'nogo re haren wusigin, harenat helep attak-attak mene ubule fagain sambul andi re afuni nen ikhi logolik, ’Mondok fani-fanorek agi!’ ikhi logogun.” iluk yaganetunem higi.

MATIUS 21:21

at Yesus nen he, ”Wene eberogoat yagahisak. An nen e ara yi hilingiti hak, hiren a'nogo hilingisugunat mene re, andi nek hilingisugun fuk. Hinendawinggen menenei uan horok ebeti'lek, we hinendawinggen Allahba eberogoat himbiret fembik, hiren he, tom yi yoma nen sanokhogo i laut yenggele'ma a'lima pokhogo lan o, iluk yagatep halok he, hilinglasigin aro.

MATIUS 27:51

Wa'lagunem, Allah awi wuri'mo su kain mene o senggelek ti'mokwe palek welagaikhe mene a'nogo tulem heirogo pelangerik pi wagik, lugul langethigik, helep heirogo kagalagik, isikhemo re,

LUKAS 21:11

lugul hokho inailo mene langethigik, o yi awi ti awi sumburu mondok ouwak agik, ou obabut weak mene inoba agik, yi mene ti mene inailo mene hilinglagik, pogoroba nen hilingisu lek mene elalagik, igin o.

1 KORINTUS 13:2

Nen, Allah ane fano mondok yagaisigik, wene afuni inendawimo hinago welagarek mene andi mondogat nelu agik, yi wene ti wene ekhe mondogat neluat welagik, nendawinggen Allahba mondok himbiret fuluk he, tom ekhe obali'mo nen sanokhogo ekhema loageluk yagasigin elok welagik, ikhi logolik meneat he, afuni ekhe inebe nendawirogo logogin lek halok he, we tulemat ikhi logogin o.

WAHYU 11:13

O andi sambul he, lugul hokho inailo mene ekhe lang-fanget hikhi logolik, o kota andi ebe 10 ba minggilogo fikhesik, hokhorogo herakfikhi logolik, misigat ekhe mondok wolelenggen tagalogo fikhi logolik, afuni inebe 7.000 nen inoatunem, it fena inoati'lek mene inailo hokhorogo agaikhasik, iren he, ”Allah pogoroba mene, nailo e,” iluk fogeratunem isigi o.

WAHYU 6:14

pogot andi re, lisu palek yinggilik mene andi hak, yinggilogo legagik, tom unggul inom, i enggen kwe inom, welagarek kwe omanogo lombogen higilogo amumu lagunem yethigik, ugunem yethigi o.