AYUB 9:32 - Allah Wene Fano Wene Hupla Inane

³² We At Allah andi afuni higit logoumo re an nen at oba onggo yagasilesik he, nemberegat wene katukhogo pilingitarek oba omanogo nit ninom minggirik welago mene andi faget pilingisogo leget nisoageluk kwi lelo.

AYUB 9:32 ပူးပေါင်းရင်းမြစ်များ

AYUB 33:12

Ayub ao, afuni re mondok endep kwelek At Allah andi re Ebe Hokho agun hilingi'mo re, Haren anggegendik ikhi lagen mene andoma re mondok heranhogo wene ikhi lagen!

AYUB 33:7

Arigini'mo re an nen mabenet hobagagin lek enggere haren an faget hailo asu fuk.

AYUB 9:14

Arigini'mo re an higit he Allah ninom wene elok palu hak nogo? nen nane ninggi'nogo mene heragaisogo At oba onggo igi ha?

AYUB 9:19

Nen ninebe ninomame hilingik welago mene inom wene katokhogo palhu mene inom andi re An ninom walhamo nen he, At enek he omame mondok hokhorek logolik, katokhogo hilingitu agun werek.

AYUB 9:3

At Allah nen wene enggi seribu nen hakhogo heinok wogisamo nen, afuni nen heinok wene andem misik-masik iluk ogo ekhe onggo u lek hak.

AYUB 9:31

At Allah nen he an a'nogo fesi ninuk amben weak meneba wula'laget niikhemo re an nonggwarek nasu laberek welagi meneba nen ogore, an na'ma aldo nabi'lago o.

MAZMUR 143:2

Nit afuni re Hat helokhoma weak hilingiti'lek mene ekhe logou lek hak hilingi'mo re, An hamingmingengge yi re wene noba mene ero pilingnabu fugo,

PENGKHOTBAH 6:10

Yi mene ti mene yogondak weregengge andoma re o attak ogo welagaikhe meneat. Ap ekhe omame werek mene faget at a'nogo hilingik iluk wene onggo lagalu elo'lek mene andi re nit mondogaren ninelu o.

YESAYA 45:9

Ap ekhe Walhasikhe ane oak sagalogo hilingiti logolik werek mene re alomat lakhogoin o, at andi re iwak kweang tangge meneba hilingik mene nen ap puguneterek mene a'nogoba ane weak ikherek andi higit werek. Kweang tangge mene omanogo nen ap waruk hilingiterek meneba ikhi logolik, ”Hat he ningginhi lagen?” iluk ekhe ikherek nogo? athe warugen ap puguneterek mene a'nogoba fanorogo pugunetu lek, iluk wene ikherek nogo?

YEREMIA 49:19

Mene singa i Yordan esanggoma engga hi'mo omanogo nen siakhogo wulibi wagaresik domba engga o leikwe nilik nunggunem wagarek hak, An nen afuni Edom mene inoba kwi wesimbik ap Edom inap inonggwarek inanggweang oba nen pugulogo heise hela wulibuageluk hilinginabigin. A'nogo hilinginabimbik he, An nen ap misik ekhe it melalinafi logouwageluk menfoumo aren unggulenu andi mene melalinafi logogin. Ap sa nen An ninom higiretnabu hak nogo? Ap sa nen ambong serogo An ninom wene palu hak nogo? Ap kain mene re sa nen An nane oak lagalu hak nogo?.

BILANGAN 23:19

Allah re, afuni nen, Nambigen igi e, igik, ineranen wene igik, agarek andi hak ikherek mondok lego. At Allah re, An nen yi'nogo hilingisigin, iluk abok yagaisaluk he, ebe tiphogoat hilingiterego. Nen, Aren ugunem ebe arat hilinglagarek enego.

ROMA 9:20

Eige! Nagot yi. At Allah ane ugunem, haren at ane oak lagaligin nogo? Elo'lego. Afuni nen iwak temul mene hilingitunem kweang temul andi nen he, at hilingite mene andi yagati logolik: ”Haren an yi'nogo nenahalok hilingnafen,” iluk yagasigin nogo? Elo'lego.

1 SAMUEL 16:7

A'nogo anggasikhe meneat he, At nineisena Tuhan nen Samuel mel yagatikhe: ”At ari ebe An nen wenati mene re lego, andi nen he hat hendawimo nen ebe fano, oakhuse uan andi nen ebe yiat higi, iluk anggagun o. Afuni re, inagap endakwe nek isagarek meneat he, An he, inendawinggenma isigirego,” iluk yagatikhe.