AYUB 9:21 - Allah Wene Fano Wene Hupla Inane

^21-22 An weak hilingiti lek oba nen he, an nonggwarek nebe faget he wenggel hikhi lagi lek. An neluk yi faget he esin mene ekhe werek lek andi nen he, an neluk ekhe inom werek mene faget ebeti lagi lek. Afuni weak hilingitarek mene inom, fano hilingitarek mene inom andi re Allah elokhoma re higit enek hilingi'mo re Aren enek inebe pirenet mondogat legaphogo fisagain werego.

AYUB 9:21 ပူးပေါင်းရင်းမြစ်များ

AYUB 1:1

O Us andoma ap ekhe enu Ayub welagaikhe. Ap andi ebe Allah ailorogo logolik, oba lombokhogo mondok welagaikhe. A'nogo logolik, wene oba mondok legengge, weak endebat iluk ogo ekhe hilingiti'lek, obabut higit mondok welagaikhe.

AYUB 10:7

An eberogo nen weak hilingiti'lek mene andi re, Hat he afe hebelek logoligenat a'nogo hilingnafi lagen. Nen an nebe Hat enggiba welagi mene yi ap ekhe nen telogo wo'nabu lek hak a'nogo re Harogo helurek.

AYUB 12:4

Attak he Allah nen lebetnabuageluk an nen kino yagatunem, At Allah nen nane esanggo holhi lagaikhe. Nen an he, ap eberogo nek hilingiti logolik, kwanirek mene ekhe hilingiti lagi lek, oba nen he, yogondak it nagaila'lagen inom nen ninom enggawe fano mene nen inom endo ya'nabi'lagwi andi.

AYUB 13:18

An nawene andi igiluk logolik mondok fik-foukhogo welagimo re, hat weakhogo hilingiten iluk yaganesu lek hak iluk nendawimo anggikhi lagi!

AYUB 33:9

Haren ikhi logolik he, ”An he wene ekhe taganhogo hilingiti lagi le'ma nebe nagap horek welagi. Nen An nen weak mene ekhe hilingiti mene ekhe werek lek, an nebe selekhogo welagi.

AYUB 6:9

We At Allah nen enek an noba weak-beakhogo nobagauwak, we Aren enek wenggelhambik an nebe pinggi noasuak.

AYUB 7:21

An naweak Haren honggorabethogo fou re elo'legen a? Nen weak hilingiti mene sagalogo legat fisa re elo'legen a? We eil misik wela'luk ap wa'lagu mene sal fisagarek oba omanogo wengik logogiluk welagimo re, Haren an hera'nabigin oba nen he, an longgo pising umo re hera'nabigin lego,” iluk isikhe.

AYUB 9:15

An weak hilingiti'lek oba nen ogore, an nen At oba nane ninghogo u lek hak, we At Allah an nawene katokhogo tegeterek mene andiba hendawi nean iluk enek he yagasu hak.

AMSAL 28:26

Ap ekhe nen at onggwaregen ikherek mene nek fano anggikhe halok he, aren wenggelherek mene andi re fano mene re fuk, oba nen at ekhe ap hebelek mene nen yagatu mene higithogo hilingitu halok he agap telek logogin.

1 KORINTUS 4:4

An nonggwaregen, ”Weak ekhe hilingiti'lek,” iluk anggikhi lagi andiba, wene noba koragain legaro. We, at ninoe Enupogot ebe wesimbik enek he wene noba figik, kotik, igin o.