AYUB 8:8 - Allah Wene Fano Wene Hupla Inane

⁸ It ap hebelek inap o attak andoma welagaukwa mene omanogo fut fisano. Nen, it inambu-inomba lagen hilingiti lagaukwa mene inom, hikhi lagaukwa mene inom omanogo ebethikhi logoino.

AYUB 8:8 ပူးပေါင်းရင်းမြစ်များ

2 TAWARIKH 10:6

It a'nogo pugulhu kwelek he it ap hokho inap attak at eisena Salomo wene komo wene yagati logouwageluk welagaukwa mene omanogo yagaisikhi logolik he, ”Ap andoma inoba an nen onggo ninggi'nogo yagaisigi aplerek?” iluk isikhesik he, ”An noba ninggi'nogo hilingisin iluk yaganesugun?” iluk heinok wogisasikhe.

AYUB 12:12

Aben ikhi logolik he, inendawinggen kagalek mene inom, fanorogo ebetarek mene inom andi re ap inebe umur uanhogo hilingik mene inoba werek iluk agarek lek nogo?

AYUB 13:1

Mondogat andoma re an nonggwarek neil hasigisik, nesanggo mel holhigi mene o, nen ebe yi'nogo iluk andi re mondok futfesigi.

AYUB 15:10

Nit ninendawi kagauksek mene andi re ap mondok yaman agaikhasik inesi helel wulifa mene nen ninoba faga o, it ap andoma re hat heisena oan ta'lagi'lek werek kwelek it tak welagaukwa inap.

AYUB 15:18

Endam andoma yaganetukwa mene ekhe yagahesigiluk welagi. Wene ebere inendawinggen kagalek awene it inombawi nen yagaisasukwa mene re iren wanhukwasik, it inagainafuri tagomangge meneba higit-hagathogo fesukwa wene yagahesigin.

AYUB 20:4

Oba nen he o attak ali'ma nen engge, it afuni attak mene aremnogo walhogo o kweangma yoma fisasikhe huli nen engge re,

MAZMUR 44:1

It inunggulenu Korah mene inawuni, afuni yagaisikhi logolik agarek mene, it afuni nen wuni wulak fuluk inebe seberogo ugunem yanggulinafarek mene faget.

YESAYA 38:19

An nen yogondak hilingiti lagi yi hak, afuni ineluk mene nenat Hat elok fogethabu hago. Tuhan neisena, Hat tiphogo nek hilingiti lagen a'nogo faget, ap inesugwi nen inagainafuri inoba tindelisagarego.

YOEL 1:2

Hit afuni inogogwi kaindek welagep mene yi hinesanggo fanorogo holini o. Nen hit afuni o Yehuda welagep mene hinebe mondogaren futfikhi logoni. Hit welagep oba re yi'nogo hilinglaga mene ekhe werek nogo? At he, hit hinambu hinombalak welagaukwa andem oba a'nogo hilinglagaikhe mene ekhe werek nogo?

ROMA 15:4

Allah ane lisu palek andiba re, ninafe morogo welagik, ninendawimo fano agik, ogorek andi nen he: ”Fano asigin,” iluk Allah oba eberek logouwageluk, nirat komorogo Allah aneba fageat lisu palogo fesukwa andi.

1 KORINTUS 10:11

It a'nogo hilinginafikhemo inoba hilinglagaikhe andi mondogat he, it afuni ekhe futfikhi logouwagelugat hilinglagaikhe. A'nogo hilinginafikhe iluk lisu palogo fesukwa andi, nit yogondak o wurep oba asi wago mene yi, komorikhi logouwagelugat lisu palogo fesukwa.

ULANGAN 32:7

Afuni attak welagaukwa mene, inoba ebe'ni, hinendawimo ebe'ni, Hinombalagen yagahisoagaluk, inoba heinok wogisano.

ULANGAN 4:32

Allah nen, hit hinebe ta'lagi'lek werek kwelek, o endamat afuni kweangma elalninafikhe andi huli nen hilingirik wagaikhe mene hinendawimo ebe'ni. Wene elalin mene hit hilinghinafe andi hangge kweangma yi awi ti awi yoma mondogat ekhe attak hilinginafikhe mene werek nogo? A'nogo ekhe hilinginafunem inesanggo holharek nogo?