AYUB 8:7 - Allah Wene Fano Wene Hupla Inane

⁷ Hat hangge yi mene ti mene mondogat lek agangge andoma re, hobuk helagain oba nen he inom higitsek lek we maben hak hilingik.

AYUB 8:7 ပူးပေါင်းရင်းမြစ်များ

AYUB 42:10

At Ayub en agaila'lak inebe henagan aremnogo faget samban Allah yagatikhemo, hobuk Tuhan nen at Ayub ebe ambotkwe eilmo wulalhak hilingisogo fikhi logolik, angge yi mene ti mene mondogat attak welagaikhe mene lek agaikhe mene omanogo obulu'mo ebe higithogo wogetikhesik he, hobuk ekhe inom enggi pireba hakhogo oba loukhogo wogetikheat.

AYUB 5:11

At Allah nen he, afuni sebelek mene legeisogo fisigik, inendawimo weak were'ma, fanorinafik, ikherek.

AYUB 8:8

It ap hebelek inap o attak andoma welagaukwa mene omanogo fut fisano. Nen, it inambu-inomba lagen hilingiti lagaukwa mene inom, hikhi lagaukwa mene inom omanogo ebethikhi logoino.

AMSAL 19:20

Haren komo wene holhi logolik ekhe inom nelu a'lep iluk anggikhi lagen halok he, hobuk he hat hebe ap hebelek mene asigin.

AMSAL 4:18

Ap weak hilingiri'lagwi mene andi inanggwe lagukwe mondok mumeak hilingi'mo re, ineisoga'lip silukhogo warogoin wenggelek le'ma pule pagarek. Oba nen he it ap fano hilingitarek mene andi inanggwe lagaikharekwe re mo yegelogo liabi wagunem endep hikhip hokho hikhip kweangma mondogat selegeraterek andi higit werek.

ZAKHARIA 14:7

Inenggi andi sambul he, o mum agi'lek, hubanggo mene ogore mondok selegat hilingik logogin. Oba nen he, linggene andi ki sambul asi wesigin iluk andi re we At Tuhan amunek elu logogin.

MATIUS 13:12

Sa nen agarek werek mene andi, Allah nen hobuk oba loukhogo wogosumo re, at enggimo hokho asigin o. Nen, sa nen agarek lek halok he, endebat enek logogin mene andi, Allah nen ambotkwe telogo helamo re, elagaik asigin o.

ULANGAN 8:16

O leimo afuni le'ma yoma nen sumburu manna hit hinombalak ineilenggen higi'lek inonggot mene hit noagaluk wokhisilik waga laga andi. A'nogo hilinghinabik waga laga andi re, wurep oba fanot fanothinabigiluk hinobabut palhik, hinendawinggen sebelfakhaluk hilingiti logouwageluk hilingirik waga laga andi.

2 PETRUS 2:20

Afuni re, kweangma weak hilingitarek mene yoma herakfisaluk, heise wulibi we'luk, ninoe Enupogot Yesus Kristus telninafikhe mene ebe inelu a'lugat he, hobuk inambotkwe weak hilingitarek mene andi oba kugunem he, kimalin awiba elugengge kugunem yinggilogo fakfikherek andi hak, fakfisamo re, lebelegat asugun andi. Lebelek asimbik omanggum weak welagaukwa andi re, endebat fano hak. Mene re, hobuk weak asugun andi re, mondok hokhorogoat weak asimbik logogun o.